八戶市種差海岸蕪島奇景 30000黑尾鷗漫天飛舞

八戶市種差海岸蕪島奇景 30000黑尾鷗漫天飛舞

好耐冇見嘅冇雷公咁遠系列!! 每次去日本,唔係東京就係京阪神,最遠都係北陸,有時會唔會覺得有少少悶﹖如果你係有咁嘅諗法,不妨參考下[冇雷公咁遠系列!!]嘅介紹,或者你會得到新嘅答案啊!

八戶市種差海岸蕪島奇景 30000黑尾鷗漫天飛舞
今次帶大家去睇海鷗! 位於青森縣八戶市嘅種差海岸附近,就有一個出晒名睇海鷗嘅神社! 如果各位有機會去東北旅行,小編大力推薦可以前往參觀!
 

八戶市種差海岸蕪島奇景 30000黑尾鷗漫天飛舞
先講咗具體地點喺邊先啦。呢個有海鷗睇嘅地方就係蕪島嘅蕪嶋神社。蕪島係屬於種差海岸遊步道最北端,係日本知名嘅蕪島黑尾鷗繁殖場所,除咗被日本政府定為自然紀念物外,2013年仲被收編為三陸復興國立公園。

新聞年年都會追蹤海鷗繁殖,由幼鳥出世到築巢等都有報導

八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞
由八戶站坐30分鐘JR火車就可直達鮫站,一出站已幾乎可以見到遠處滿天海鷗。不過行過去蕪嶋神社都仲係需要10分鐘時間嘅。一出車站就見到個「鯊魚頭」,非常易認。不過背後係因為青森係日本唯一一個仲保留食鯊魚嘅習慣。(當然日本都仲有其他地方可以食到鯊魚,不過保留傳統嘅就只有青森),而該地區自舊陸奧國起就係收獲鯊魚漁獲嘅漁港同「加工」場所。

留意雖然文中多次提到「蕪嶋神社」,不過其實「蕪嶋神社」本體而家係唔入得嘅(汗)。由於「蕪嶋神社」於2015年11月5日因原因不明嘅火災,而接近全毀。於完全修復之前都禁止進入(預計2020年解封)。不過幸好繁殖地就冇受到太大影響。所以大家可以安心觀賞。

八戶市種差海岸蕪島奇景 30000黑尾鷗漫天飛舞
蕪嶋神社連311地震嘅海嘯都「頂得住」,最後卻被燒毀,非常可惜

八戶市種差海岸蕪島奇景 30000黑尾鷗漫天飛舞
如果係睇日文資料嘅朋友,應該都會見到「ウミネコ」呢個字,亦即係「海貓」。其實係因為喺度繁殖嘅海鷗係鳥喙末端上有紅色的斑點、黑色的尾巴嘅黑尾鷗,由於呢種黑尾鷗叫聲好似貓叫咁,於是就被稱為「海貓」。喺蕪島見到嘅「海貓」,直情多到可以遮住個天!


八戶市種差海岸蕪島奇景 30000黑尾鷗漫天飛舞
有興趣睇嘅朋友就要留意,因為觀賞黑尾鷗係有季節性嘅。每年3月上旬左右黑尾鷗就會嚟到蕪島,然後4月前後開始産卵, 6月左右孵化雛黑尾鷗。 到了8月前後佢哋就會飛離蕪島。

而由於現場最高峰係有超過30000隻黑尾鷗,試想像一下有一半(15000隻)起飛,當中有一半邊邊排泄,你話幾壯觀呢。所以各位朋友去嗰日就記得唔好著件太名貴嘅衫,或者做好防護措施。神社門口係有遮免費借用,應該都幫到大家「頂下」。

八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞

八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞

如何去蕪島?
去蕪島非常簡單! 由八戶站出發,坐JR八戶線約30分鐘,去到鮫站,跟指示牌行10分鐘左右就到!
八戶市種差海岸蕪島奇景 30000黑尾鷗漫天飛舞
八戶市種差海岸蕪島奇景 30000黑尾鷗漫天飛舞

 

WHAT IS [冇雷公咁遠系列!!]!?

每次去日本,唔係東京就係京阪神,有時會唔會覺得有少少悶﹖ [冇雷公咁遠系列!!]專門介紹遠離以上地方嘅地方! 無論你係心思思想出遠行,定只係眼睛想旅行,入嚟之後可能會得到新嘅答案啊!

 

 

16年4月新出「JR東日本鐵路周遊券」遊東北平咗又爽咗!!

以往去東北地區旅行,除非係自己租車,否則基本就只有坐JR去,不過以前由於只有最貴嘅「JR全國PASS」(大人7日:29110日圓,14日:46390日圓,21日:59350日圓,兒童半價)係包東北地區,重要連續7日,真係又貴又唔方便。不過自從2016年出咗「JR東日本鐵路周遊券」(海外售價 大人19000日圓,兒童 9500日圓)之後,換證後14日內可任選5日任坐JR,令到行程安排彈性咗好多,真係超級方便,而且東京(上野)去青森單程已經去咗16940日圓,隨時行程第一日已經回本。

 

 

冇雷公咁遠系列!!

VOL.1 (東北 岩手縣 )

光與天然的完美配合 東北自然奇景鐘乳「龍泉洞」

傳送門

 

VOL.2 (東北 青森縣 )

娘子,同牛魔王去青森睇耶穌(咦?)

傳送門

 

VOL.3 (北陸 福井縣 )

登上東尋坊絕崖 盡覽日本海+自然奇蹟

傳送門

 

VOL.4 (東北 青森縣 )

有冷有熱!! 青森必食「自己砌滿到瀉海鮮飯 X 特製千層味噌豬扒」

傳送門

VOL.5 (東北 青森縣 )
東北世界自然遺產十二湖 睇未淪陷嘅青池

傳送門

 

影片來源:

YOUTUBE:
happy King
SankeiNews
id aoao