熱賣推介！精選6樣日本得獎文具！

日本出品嘅文具種類多，而且設計夠晒靚，所以唔少人都會專程去入貨㗎！今次為大家精選6樣日本熱賣文具，全部都得過獎，保證美觀又實用！各位文具迷唔好錯過啦！

今次介紹嘅文具全部都係「日本文具大賞」嘅得獎商品，呢個比賽係文具界嘅年度盛事，每年都吸引好多廠商參加，所以獲獎商品可以話係「精英中嘅精英」！「日本文具大賞」分為兩個部門，分別係「機能」同「設計」。每部門揀出5樣入選商品後，會再進入下一輪篩選，揀出一樣「年度優勝獎」嘅商品。比賽嘅話題性十分高，通常獲獎嘅商品都會立即大賣，成為日本文具店嘅熱賣商品㗎！

回顧番呢兩年嘅「日本文具大賞」，我地就每年揀左兩款得獎文具，快啲睇下有冇你嘅心水！

1. SONIC手動鉛筆刨

呢個望落好普通嘅鉛筆刨，究竟有咩咁特別呢？佢係2017年機能部門嘅得獎商品， 賣點係透過「自動感知功能」，係鉛筆刨好果陣會自動退出，咁就唔怕「刨過龍」啦！

四款顏色都好搶眼，就算大人都會鍾意！

價錢： ¥1800+税 

2. PLUS裁紙機

同樣係2017年機能部門嘅得獎商品，呢個裁紙機嘅特別設計，適合各種size嘅紙張使用，而且備有移動紙張嘅工具，方便調較唔同嘅裁斷位置。

價錢： ¥5500+税 

3. 天野製作所 投影印章

相信大家用印章果陣，成日都會有呢個困擾⋯⋯無論點對都係唔啱位，印出嚟總係偏側左去一邊！要解決呢個問題，用呢款LED投影印章就可以！

佢係2016年機能部門嘅得獎商品，印章頂部同中部係電池嘅正負極，一拎起就會自動通電，投影出一個「預覽圖」，咁就輕易對準位置印野啦！

價錢： ¥16200+税 

4. LIHIT LAB可立式筆袋

呢樣文具望落成個水樽咁，其實係一個筆袋嚟！

佢同樣係2016年機能部門嘅得獎商品，以「可立式」為特色，只要輕壓上蓋就會快速彈開，慳番拉開拉鏈嘅時間，大大提升便捷性！

價錢： ¥1000+税 

5. ZEBRA 水擦拭MARKER

鐘意用白板但係好討厭白板筆嘅臭味同擦極都有嘅痕？唔想係menu上面嘅價錢一改就要成張menu印過？咁你就要睇下呢支用水輕輕一擦就乾淨哂嘅MARKER喇！

用水洗一洗，就可以沖乾淨Marker嘅痕跡，完全唔怕整污糟手！

價錢： 幼筆 ¥1200+税 ／粗筆 ¥1400+税

6. PLUS 漸變色膠帶

接落嚟介紹嘅呢樣文具係寫筆記Schedule mark重點嘅好幫手！漸變色膠帶同樣都係2014年機能部門嘅得獎商品，雖然佢嘅功能同螢光筆類似，但係就靚過螢光筆好多！而且仲唔駛擔心墨水過底嘅問題，係好薄嘅紙上面都用到。

有花草、水彩同蠟筆三種款，總共20隻色選擇。用色彩繽紛嘅膠帶黎間重點、裝飾，見到佢心情都靚D啦！

價錢： ¥300+税 

想知更多日本文具大賞嘅情報，可以上呢個網址睇晒歷年得獎商品：

http://www.isot.jp/Award/Past-Winning-Products/