又一催淚愛情故事《跨越8年的新娘》嚟緊5月10號就喺香港上映。
故事簡介
故事講述一對新人尚志 (佐藤健 飾)、麻衣 (土屋太鳳 飾)原本計劃緊婚禮，但係喺婚禮前3個月新娘突然病重昏迷。最後兩位主角喺8年後終於拉埋天窗，結得成婚。
真人真事改編
呢個咁感人嘅故事其實由真人真事改編。舉行結婚儀式嘅公司喺得到新人同意之後將婚禮片段製成影片放上YouTube，到依加有近173萬次觀看次數。當時受到媒體報導。
一直陪伴患病新娘
令麻衣陷入昏迷嘅係罕見疾病「抗NMDA受體腦炎」。治療入院長達6年，其間尚志一直陪伴在側。麻衣雖然喺治療完咗之後醒返，但係就因為後遺症而失憶唔記得咗尚志。
親友勸尚志另覓伴侶
雖然唔知麻衣幾時先會醒，但係尚志一直都耐心等候，無微不至咁照顧昏迷中嘅佢。中間等咗成6年咁長。由新娘嘅父母開始，後期連新郎嘅父母都開始擔心會阻礙新郎嘅人生，勸佢放低麻衣搵過另一個。
記憶慚慚恢復
麻衣因為後遺症失憶而唔記得咗尚志。不過一方面尚志繼續守候，另一方面麻衣都好努力喚醒昔日記憶。有日媒報導就話麻衣記憶恢復嘅契機係睇返病倒之前嘅Schedule book，裡面充滿同尚志一齊拍拖，以至準備結婚嘅記錄。
婚禮當日
為咗可以順利行婚禮嗰一段路，原本要用輪椅代步嘅麻衣努力做康復治療。最後經歷咗一個又一個嘅考驗，呢對戀人終於可以結成夫婦，無論係佢哋自己、定係親人嘅父母，甚至係負責籌劃婚禮嘅負責人都感動落淚。
《跨越8年的新娘》嚟緊5月24號就喺香港上映，小編都好期待電影會點樣演繹呢個感人故事！
《跨越8年的新娘~奇蹟的真實故事》
主演：佐藤健、土屋太鳯
共演者：藥師丸博子、衫本哲太、北川一輝、濱野謙太
香港上映日期：2018年5月10日
故事簡介:
喺結婚前夕，尚志 (佐藤健 飾)嘅未婚妻 麻衣 (土屋太鳯 飾)，突然患上原因不明嘅罕見疾病，陷入長時間昏迷，麻衣嘅父母唔忍心見到尚志咁，所以希望佢可以忘記麻衣，但係尚志無放棄，一直都喺麻衣身邊照顧住佢，等咗好耐好耐，麻衣終於醒翻，但係因為患病嘅後遺症，令佢失去記憶，忘記咗尚志係佢重要嘅人呢件事，不過尚志仍然對佢不離不棄，守候麻衣多年，終於迎嚟奇蹟。
About Post Author
