屢上「日本殘酷一丁」 香港西野加奈

屢上「日本殘酷一丁」 香港西野加奈

[專欄:香港在日本]

喺12月6號晚凌晨一點播出嘅節目アメージパング入面,嚟自香港嘅西野加奈粉墨登場,成功令節目變得更有趣嘅同時一圓自己嘅夢想。其實アメージパング係一個類似殘酷一叮(日本國營電視台NHK嘅のど自慢)嘅節目,又叫NKKのど自慢(NKK=なりきり系,即係當自己係?位明星咁唱歌),節目參加者都係日本生活嘅外國人,由V6輪流主持。

屢上「日本殘酷一丁」 香港西野加奈

《NKKのど自慢》

節見中參加者會站於舞台,而主持人就喺另一間房望住參加者。開始唱歌前主持人會同參加者傾計,再示意參加者開始唱。唱嘅途中如果主持人按鐘一下即係參加者唱錯歌詞或者走音,判定為唔合格;按鐘兩下都係唔合格;而按鐘三下先係合格。香港嘅西野加奈順利合格之餘,仲成功可以當面對住森田剛表白!一齊睇下佢地傾咗啲咩啦~

12月6號播出部分內容

出場(森田剛、三宅健兩個人對話)
森田剛:嚟咗喇!
三宅健:呢個女仔好鐘意你(森田剛)㗎嘛
森田剛:好可愛呀~今日都

屢上「日本殘酷一丁」 香港西野加奈
開咪開始同香港嘅西野加奈一齊傾計

健:今日森田先生喺呢到呀
西:我、我知道。所以比、比平時更加緊張。(中略)
剛:今日你唱咩歌呀?
西:我會唱「君が好き」(鐘意你)。
健:係唔係指森田先生呀?
剛:剛が好き?(鐘意剛?)(這裡用了歌名食字)
健:唔好自己講出嚟啦你
剛:剛が好きか?(鐘意剛嘛?)
西:はい、君が好き(係,鐘意你)。

屢上「日本殘酷一丁」 香港西野加奈
(中略)
健:有冇揀呢首歌嘅理由呢?
西:有!歌詞入面有句「今すぐ飛んでいくよ」(依加即刻飛撲去搵你);正正係我依加嘅心情。想要即刻飛撲去你隔離!(尷尬笑)

屢上「日本殘酷一丁」 香港西野加奈
(開始唱君が好き)
[突然改歌詞:「君が好き」變咗做「剛が好き」]
健(對剛):睇嚟呢首歌確實係對你唱⋯要好好接受她嘅心情呀。
健:仲想聽落去?
剛:聽!聽!
健:睇嚟聽得好入迷喎。

屢上「日本殘酷一丁」 香港西野加奈
就咁樣香港嘅西野加奈就唱曬成首歌,主持人到最後先記起要比鐘聲判定合唔合格。當然香港嘅西野加奈係合格啦!

 

第五次嘅舞台
其實香港嘅西野加奈已經係第五次登上アメージパング嘅舞台。
第一次佢唱Best Friend,但係被判定為唔合格。覺得好唔甘心嘅佢就再上節目唱戀愛使用說明(トリセツ),終於拎到合格嘅成績。

屢上「日本殘酷一丁」 香港西野加奈

每次佢都係唱西野加奈,亦成日話自己好鐘意音高聲甜嘅加奈。合格嘅時候佢甚至講笑咁問主持人,合格咗係唔係可以同加奈同台唱歌(笑)
除咗加奈之外,喺今次(12/6)嘅節目入面我地都睇到佢好鐘意森田剛。喺上一次(10/10)嘅節目入面佢就比主持人問西野加奈同森田剛佢鐘意邊個多啲。結果因為佢鐘意西野加奈多啲,於是就好唔好意思咁向森田道歉喇www(之後森田講笑咁話自己被人飛咗wwww)

tsubasaww

香港嘅西野加奈(tsubasaww)其實只有21歲,依加係日本留緊學,大約係日本住咗一年半。

屢上「日本殘酷一丁」 香港西野加奈
第一次上節目嘅介紹

追夢嘅人望落去真係閃閃發亮!希望佢可以慢慢接近夢想啦!