安室奈美惠 香港場演唱會 應援活動+兩大注意事項

安室奈美惠 香港場演唱會 應援活動+兩大注意事項

聽日就係喇!各位安室Fans您哋準備好心情去睇佢最後兩場香港演唱會未?因為安室嘅演唱會真係睇一場少一場,所以小編真係好珍惜今次見到佢嘅機會,而為咗令安室知道大家真係好愛好愛佢嘅關係,香港fans準備咗一系列應援活動,依家就嚟同大家分享吓同講解演唱會中一啲必需注意嘅事項喇!

安室奈美惠 香港場演唱會 應援活動+兩大注意事項

「namie amuro 5 Major Domes Tour 2012 ~20th Anniversary Best~」

 

演唱會中兩大禁止事項

首先有兩大規條希望大家一定要守,真係好好好好重要。喺演唱會中禁止任何相片同影片拍攝,雖然知道大家都想拍低安室精彩嘅表演,但係希望大家都可以放低手上嘅電話或者相機,好好地去欣賞,因為您雙眼就係呢場演唱會最好嘅相機。

另一樣需要注意嘅係,千祈千祈唔好帶會發光嘅物件做應援,例如螢光棒之類嘅嘢千祈唔好帶,所以請大家都唔好浪費金錢係場館前購買,或者自製一切會發光嘅物資喇,想應援安室嘅就睇以下嘅計劃喇!

安室奈美惠 香港場演唱會 應援活動+兩大注意事項

「namie amuro 5 Major Domes Tour 2012 ~20th Anniversary Best~」

 

開場時嘅絲帶應援

演唱會當日(3月30同31日)會有Fans派發三色絲帶,而呢三個顏色係嚟自歌曲「HERO」封面嘅顏色,到時希望大家喺入場前已經綁定係手,嚟歡迎大家嘅HERO – 安室奈美惠登場。

今次嘅絲帶係由各個有心嘅義工提供,所以數量有限,如果可以嘅亦都歡迎大家自製三色絲帶參加應援,或者加入義工行列一齊整絲帶派畀其他Fans,去響應香港場應援。另外當日派發地點不定,敬請留意喇。

安室奈美惠 香港場演唱會 應援活動+兩大注意事項

「HERO」第45張單曲 2016年發售

 

安室奈美惠 香港場演唱會 應援活動+兩大注意事項

安室奈美惠 香港場演唱會 應援活動+兩大注意事項

Fans自製嘅三色應援絲帶

 

Encore時段大合唱

喺等待安室出嚟Encore嘅時候,希望各位可以一齊大合唱歌曲「Never End」嘅歌詞「Never End Never End La La La La La La La」,一直重覆循環唱呢句歌詞,直至安室出場。

安室奈美惠 香港場演唱會 應援活動+兩大注意事項

翻譯:Encore 多謝大家!「namie amuro 5 Major Domes Tour 2012 ~20th Anniversary Best~」

 

拍照小玩意

其實Fans真係好有心思,佢哋準備咗啲真係好靚,好精緻嘅Foamboard畀大家拍照留念。唔知大家到時又會想拎住邊一款影相呢?小編個人嚟講一定係揀「#NO NAMIE #NO LIFE」同「YOU ARE MY HERO!君だけのためのHERO」嗰兩塊,啊啊啊!講中哂自己嘅心聲呀!係啵,影完不仿upload上FB或者IG,tag返 #amurohk 同大家分享吓喇!

安室奈美惠 香港場演唱會 應援活動+兩大注意事項

安室奈美惠 香港場演唱會 應援活動+兩大注意事項

Fans自製嘅香港場Foamboard

 

以上就係香港場某部分嘅應援活動喇,想知更多詳情就留意呢3個安室應援站安排嘅活動喇。另外希望各位Fans都會響應今次嘅應援,留個美好回憶畀自己同安室,多謝咁多位嘅配合,到時見!

安室奈美惠 香港場演唱會 應援活動+兩大注意事項

安室奈美惠 香港場演唱會 應援活動+兩大注意事項

 

*感謝Amurohk版主Takeshi Ray提供有關安室應援活動相片。

另外感謝「SPACE OF NAHK」、「CHICHATHK」、「Amurohk」三站聯合推香港站應援。

 

安室奈美惠 namie amuro Final Tour 2018 〜Finally〜 in Asia Hong Kong

地點:香港紅磡體育館

日期:2018年3月30日&31日  

開演時間: 20:15