河口湖大石公園可以話係河口湖之旅，甚至係山梨之旅嘅必去景點（沒有之一），因為依到係富士山嘅絕佳觀賞地點，行住睇、坐住睇，都一樣咁好睇！
—————————————————-
大石公園
河口湖自然生活館其實係一個好大嘅area，入面嘅大石公園就係其中最多人同富士山打卡影相嘅地方啦～秋天嘅時候，大石公園入面種滿遍遍芒草，夏天嘅時候仲有成片薰衣草田㖭！沿住湖邊去到盡頭就會去到花街道，依到有好多波波草任影唔嬲㗎～不過mika去過2次大石公園，2次都見到好多人唔聽話，走晒入欄杆入面影波波草，大家去到嘅時候千祈唔好咁樣做，唔係真係失禮死人㗎～
—————————————————-
河口湖自然生活館CAFE
想放慢腳步休息吓，坐住欣賞富士山，去河口湖自然生活館CAFE就啱晒啦～坐喺室外嘅檯櫈可以一路食住嘢，一路欣賞富士山；室內雖然睇唔到富士山，不過冬天室外凍冰冰，一入到去可以喺暖氣房入面休息都真係幾爽㗎～
—————————————————-
河口湖自然生活館SHOP
依間shop有大量富士山主題嘅手信同食物～例如袋仔、毛巾、擺設等等～鍾意富士山手信嘅朋友小心買到大出血啊～
—————————————————-
交通小貼士
從河口湖駅坐巴士到河口湖自然生活館徒步1分鐘
—————————————————-
河口湖自然生活館
山梨県南都留郡富士河口湖町大石2585=
About Post Author
