鍾意食味覺糖嘅朋友，相信都會試過晒各種唔同口味！繼之前人氣盛極一時嘅三文魚味味覺糖(好唔好食就有啲難評價，口味這回事……始終很個人的)…依家推出咗超好食嘅「極上蜜柑Puccho」！1月頭朝日電視台一個日本節目「ソノサキ」就採訪咗製造依款糖嘅農場同工場，睇哂成個蜜柑採集、同嚴選美味蜜柑嘅過程。睇完之後真係覺得好想食，想食到就嚟衝落街買啊！到底有幾好食？我地嚟睇下佢地點樣生產依隻糖啦！
© UHA Mikakuto Co.,Ltd.
送到工場嘅蜜柑
(出處：朝日電視台《ソノサキ》)
(出處：朝日電視台《ソノサキ》)
其實，一日由農場送到工場嘅密柑有大約15萬個，當中可以成為「極上蜜柑Puccho」嘅，只有當中20%以下嘅嚴選蜜柑。咁大家就知道依隻極上味覺糖用嘅蜜柑有幾嚴格，有味道保證啊！咁佢係點樣嚴選好食嘅蜜柑嘅呢？
第一關：大小測試
(出處：朝日電視台《ソノサキ》)
第一關，就係睇下蜜柑是否到達「極上蜜柑」嘅大小標準。工廠嘅生產線上面開咗直徑4.5cm嘅洞，如果蜜柑大過4.5cm，當然可以過到關成為候選極上蜜柑，但如果小於4.5cm就會跌落洞中，過唔到下一關。順帶一提，如果密柑係4.5cm以下，就會成為啫喱之類嘅加工品。
第二關：甜度測試
(出處：朝日電視台《ソノサキ》)
(出處：朝日電視台《ソノサキ》)
過咗大小果一關，下一關就會測試蜜柑嘅甜度足唔足夠。佢地用光嘅穿透率測試，糖份越高嘅密柑，光嘅穿透率越低，相反亦如是。依個機械仲會仔細分開唔同甜度嘅密柑，最普通嘅甜度係10度左右，而最高嘅特選甜度就係12度以上，大約係蜜桃同芒果嘅甜度。選做特選蜜柑嘅，大約全體中只有2成，將會攞嚟做味覺糖。依啲就算少少份量都可以引出濃厚味道嘅蜜柑，睇落真係好好食啊。
人手剝皮工序
蜜柑通過所有以上測試，就可喜可賀成為咗嚴選蜜柑啦！以下依啲蜜柑將會送去果汁工場，集中搾汁工序。
(出處：朝日電視台《ソノサキ》)
(出處：朝日電視台《ソノサキ》)
喺搾汁之前，當然要為蜜柑去皮。而去皮嘅工序竟然係人手一個一個用手剝皮完成！人手去皮其實速度並唔慢，一日仲可以剝到8000個蜜柑呢！剩低嘅皮用嚟做乜？工場就話會送去蔬菜之類嘅農場做肥料啦。
用盡每一滴果汁嘅搾汁技巧
(出處：朝日電視台《ソノサキ》)
(出處：朝日電視台《ソノサキ》)
其實，全個蜜柑最甜嘅部位就係薄皮同果肉黐住嘅位。廠方特地準備咗遠心分離機，去分別同薄皮黐住嘅果肉，再用機械搾出每一滴果汁！咁樣，由又甜又大嘅特上蜜柑搾成嘅濃厚果汁就完成啦！一睇個果汁就覺得佢濃厚、口感都會好滑，飲落一定好好飲啦！
(出處：朝日電視台《ソノサキ》)
成為味覺糖
(出處：朝日電視台《ソノサキ》)
由極上蜜柑製成嘅果汁會送去味覺糖工場，經過製成糖漿、加入色素等等嘅工序製成橡皮糖。上圖嘅就係未切開嘅製成品，咁長嘅糖將會切成我地常見嘅size，之後放入包裝，就大功告成啦！
睇咗成個生產過程，覺得咁大咁甜嘅特選蜜柑真係好吸引啊！！小編完成依篇文之後打算落去買返嚟食下！唔知實際食落去嘅口感又係點嘅呢，用真正果汁整成嘅糖真係好值得叫人期待！
About Post Author
