仲記得當年『電車男』嘅小說、劇集版同電影曾經風行全日本嗎？ 以網友經歷為題材對於一眾網友覺得非常「貼身」嘅題材，所以通常都有一定支持度嘅保證。而嚟緊嘅4月就會有套類似題材嘅劇集播放。而且仲要打住「以『FINAL FANTASY 』系列為題材首次實寫化」嘅旗號！
事緣係日本有位『FF14』嘅玩家，日本遊戲BLOG「一撃確殺SS日記」嘅博主マイディー攪咗個叫「光之老竇」嘅企劃，簡單嚟講就係拉自己六十幾歲嘅老竇跳『FF14』嘅坑，然後自己隱藏身份以普通玩家身份同佢一齊去冒險。
由於本身佢老竇係機迷，佢好順利就跳咗坑，然後一齊組隊刷副本、打怪、打寶。直至佢地喺大迷宮邂逅篇一齊組隊打低咗5層嘅大佬，マイディー先突然跳出嚟父子相認。成個過程都有喺佢個BLOG入面(傳送門)，仲吸引到好多人追睇，而家仲決定拍成日劇添！
「光之老竇」嘅名其實都係嚟自『FINAL FANTASY』系列嘅第一個主角(即係『FF1』主角啦)，千葉雄大將會飾演劇集主角マイディー，而劇集將於4月16日(MBS)、4月18日於TBS開始播放。
©2017『ファイナルファンタジーXIV 光のお父さん』製作委員会
About Post Author
