播映前倒數一個月!! 「FF14 光之老竇」公開主題曲影片

早前小編就報導過將於4月開始播放，以『FINAL FANTASY 』系列為題材首次實寫化嘅『FINAL FANTASY XIV光之老竇』唔覺唔覺仲有一個月左右就開始播映。而TBS最近就公開咗OP嘅影片。

故事改編自真人真事，講述一位『FF14』嘅玩家，日本遊戲BLOG「一撃確殺SS日記」嘅博主マイディー攪咗個叫「光之老竇」嘅企劃，簡單嚟講就係拉自己六十幾歲嘅老竇跳『FF14』嘅坑，然後自己隱藏身份以普通玩家身份同佢一齊去冒險。

劇集於伺服器「Gungnir」內拍攝。

「光之老竇」嘅名其實都係嚟自『FINAL FANTASY』系列嘅第一個主角(即係『FF1』主角啦)，千葉雄大將會飾演劇集主角マイディー，而劇集將於4月16日(MBS)、4月18日於TBS開始播放。角色配音方面，主角マイディー使用嘅角色為南條愛乃小姐，同主角一齊行動嘅「あるちゃん」為壽美菜子，「きりんちゃん則為悠木碧小姐。

主角マイディー

主角父親由大杉漣飾演(遊戲角色：インディ)

劇集將於4月16日(MBS)、4月18日於TBS開始播放。

©2017『ファイナルファンタジーXIV 光のお父さん』製作委員会