又嚟「童年崩壞系列」？ 真人版『聖鬥士星矢』進軍荷里活!!

近年愈來愈多動畫作品被日本，甚至海外重新拍攝真人化電影化，不過往往唔知點解最後都會變咗「山崎賢人系列」「童年崩壞系列」。其中帶俾人最為慘痛嘅經驗，自然就係由20世紀福斯於2009年發行嘅『龍珠：全新進化』。

根據國外媒體「SCREEN DAILY」同日本國內嘅媒體報導，另一套大家嘅「童年集體回憶」『聖鬥士星矢』，亦已決定「進軍荷里活」拍攝真人版。

今次東映係透過坎城影展場刊宣佈新電影版確認開發，真人版電影名稱為『Saint Seiya: Knights Of The Zodiac』，今次電影將由中、日兩方共同製作，包括東映同真好電影。而漫畫作者車田正美、原動畫導演森下孝三、將共同擔任執行製片，導演則為曾經參與製作FIFA等團體嘅廣告，曾經喺2002年憑短片「Katedra」得過短片獎嘅波蘭導演Tomek Bagiński。

不過網友對於製作真人版電影，網友反應就非常一般啦，普遍嘅反應都係「童年崩壞」、「又將會有一套動畫版被毀啦」等等。希望新電影版出嚟會令人耳目一新啦。