渡邊直美憑住重量級身形同搞笑形象紅遍IG同演藝界，好多日本大碼女仔都會封佢做偶像。而最近就出現一名17歲高中生みくぴ（MIKUPI），不論係身高同外形都同渡邊直美一模一樣！就咁睇上面張cover，你又點估到左面係假，右面先係真？
呢位みくぴ同渡邊直美一樣身高157cm，重205磅，細細個開始已經因為肥胖嘅身型而感到自卑…直到睇咗渡邊直美嘅單元劇「白鳥美麗物語」，劇中渡邊直美完全唔care自己嘅體型，甚至變成一個魅力沒法擋嘅人氣學生，令Mikupi開始崇拜同學習渡邊直美，並且慢慢地唔再自卑。
後來更做咗《Popteen》嘅part-time model！
右面係渡邊直美，而左面係換上渡邊直美品牌PUNYUS嘅みくぴ…個人覺得如果渡邊直美要拍戲嘅話，みくぴ完全可以做替身！
みくぴ表示，最欣賞渡邊直美唔介意自己身型，仲會用心打扮自己成為一個潮人，希望有朝一日自己可以同偶像見面。
不過みくぴ依然好有神秘感，因為佢每張相都戴住黑超，真樣未曾曝光！
雖然唔知みくぴ除咗副超後仲似唔似渡邊直美，但係相信渡邊直美的確憑住自身嘅正能量，改變咗好多人同帶咗好多歡樂比大家！
About Post Author
