已落實：丸龜製麵母公司將全面收購譚仔雲南米線

今朝先講完，呢頭日本烏冬連鎖店丸龜製麵嘅母公司Toridoll Holdings已經開完大會，並拍板落實將收購「譚仔雲南米線」母公司同心飲食！

Toridoll Holdings剛剛發出嘅新聞稿指出，為咗於世界各地開展店舖以及加速事業成長，希望培養譚仔為公司繼丸龜製麵之後嘅第二支柱。佢哋亦話由同心飲食所營運嘅譚仔雲南米線係近年以年青人為目標、為有實績及經營經驗嘅人氣連鎖麵店。

Toridoll Holdings亦已確認將透過全資子公司「東利多控股有限公司」去收購同心飲食以及其關連公司New Huge Corporation Limited嘅全部股份。兩家公司主席均為人稱「五哥」嘅Tam Chuk Kwan，而合約亦會於聽日簽訂。

^確認收購新聞稿部分內容

收購原因及收購後發展請參閱：
譚仔變日本嘢!?丸龜製麵150億日圓收購譚仔雲南米線！

資料來源：Toridoll Holdings 新聞稿