退休真係咁困難!? 宮崎駿第N度復出!!

退休真係咁困難!? 宮崎駿第N度復出!!

三年前隨著宮崎駿宣佈『風起了』係佢嘅告別作,最後甚至聲稱連吉卜力工作室嘅製作部門都要解體,以示日後唔會製作長篇動畫。
 
不過,由於宮崎駿以往戰績實在太「彪炳」,已經習以為常嘅大家反應基本都係「娘子,同牛魔王一齊睇耶穌」咁上下。宮老果然「不負眾望」,昨日於NHK電視節目「『NHKスペシャル 終わらない人 宮崎駿』」中透露:「我又復出啦☆」。
 
退休真係咁困難!? 宮崎駿第N度復出!!
今次嘅主角係於吉卜力博物館播放的短片『毛虫のボロ』,話說宮崎駿於節目中表示,由於『毛毛蟲波蘿(毛虫のボロ)』嘅故事概念已經醞釀咗20年,如果只係得短篇會好浪費喎。於是8月佢就主動提出製作一個逾百個分鏡嘅「加長版」。
 
退休真係咁困難!? 宮崎駿第N度復出!!

「加長版」就預計2019年起貨,話說今次製作人鈴木敏夫收到宮崎駿嘅構想時,宮崎駿同佢講「與其咩都冇做就死咗,佢寧願做到一半時死。」所以就決定「去碼」。