藍色到底有幾種? 介紹5種日本常見藍色

藍色到底有幾種? 介紹5種日本常見藍色

日本人對 顏色 嘅執著可能有好多人都聽過。最近一位推主分享咗48種 藍色 嘅圖,就成功引起網友關注及瘋狂轉載,依家已經有超越100000個like,連推主自己都嚇親。

 

日文嘅「藍色」

青(あお, ao, R:000 G:149 B:217)
基本色嘅藍色「青」據說係日本最早期出現嘅顏色。(以日文顏色形容詞嘅變化嚟睇,早期出現嘅分別係白色、黑色、紅色同藍色)《源氏物語》入面都有用「青」去描寫。

「青」泛指晴天海洋同琉璃石嘅顏色。「青」的原意係淺色(色彩度低),話人面無血色、面青青嘅「顔が青い」亦係呢個意思。

藍色嘅種類

除咗基本嘅藍原色之外,好似推主咁講藍色真係有好多種。大部分以植物命名,例如「淺蔥, あさぎ」、「千草, ちぐさ」、「藍, あい」、「縹, はなだ」等等。當中「藍」同「縹」都係常見嘅染料。除咗植物之外,亦有以日常生活物件、水、天等作命名,今次同大家介紹5種日文常見嘅藍色。

紺(こん, R:000 G:026 B:067)
平時校服冷衫外套嘅藍色。藍染入面最深嘅顏色。「紺色」係中國古代嘅染色名,平安時代將「紺色」傳去日本之後沿用至今。由於有長遠嘅歷史所以對日本人嚟講「紺色」好普遍,亦用「紺」字組成咗好多詞語,好似代表冬天到來嘅「紺足袋」。

藍色到底有幾種? 介紹5種日本常見藍色
紺足袋

御納戶色(おなんどいろ, R:000 G:112 B:131)
代表江戶時代嘅顏色,藍中帶有綠,偏暗。由「納戶色」?生出「鉄納戶」(てつなんど)、「錆納戶」(さびなんど)、「藤納戶」(ふじなんど)等色,並成為現代和服中其中一種受歡迎嘅顏色。當中「納戶」指收納衣服同雜物嘅空間,顏色名嘅起源眾多,其中一個話係源自「納戶」入面昏暗嘅印象。

藍色到底有幾種? 介紹5種日本常見藍色
圖片來源

藍鼠(あいねず, R:107 G:129 B:142)
帶有藍色嘅暗灰色。好似「OO鼠」咁嘅顏色表達由江戶中期開始可以見到,係日本一種好常見嘅顏色,指老鼠嘅灰色、啡色。呢種顏色表達叫「四十八茶百鼠」,當中「四十八」同「百」都係表示數量多嘅虛數。據說「四十八茶百鼠」出現嘅原因係要避開鮮豔嘅顏色,以免犯「奢侈禁止令」。
 

藍色到底有幾種? 介紹5種日本常見藍色
四十八茶百鼠部分顏色

薄浅葱(あさぎいろ, R:162 G:215 B:221)[薄浅葱(あさぎいろ, R:162 G:215 B:221)]
淺嘅藍綠色。比「水色, みずいろ」顏色稱深。除咗「薄浅葱」之外亦有「淡浅葱」嘅表達方式。「浅葱色」係由平安時代開始流傳嘅顏色,原本用嚟描述葱嘅嫩芽,但結果實際變成比葱嘅嫩芽更藍更淺嘅顏色。由「浅葱色」?生出「水浅葱」(みずあさぎ)、「錆浅葱」(さびあさぎ)、「花浅葱」(はなあさぎ)等色,「薄浅葱」(あさぎいろ)亦係其中一例。

白藍(しらあい, R:212 G:236 B:238)[白藍(しらあい, R:212 G:236 B:238)]

藍染當中最淺嘅顏色。(藍染由深到淺分別係『濃藍』、『中藍』、『浅藍』同『白藍』)

舊名係「しろきあい」,係平安時代嘅《延喜式》(記錄當時皇宮儀式、規則嘅律令),「縫殿寮」部分都有記載嘅顏色。雖然同「藍白」(あいじろ)個名好似,但「藍白」比「白藍」更淺色。

 

推主話藍色比人憂鬱嘅形象,但好驚訝見到圖入面有明亮嘅顏色。睇到呢度希望你都可以愛上多變嘅藍色啦。

有興趣睇多啲顏色介紹可以睇這裡