日本拉麵有好多種，每個地區有特色不一，你哋又最鐘意邊間呢？早前KTS舉行咗第4届鹿兒島拉麵王決戰（第4回鹿児島ラーメン王決定戦），吸引咗約3萬人投票，選出鹿兒島最好食嘅拉麵！節目已經播出，等我地一齊回顧有咩優勝麵店啦！
鹿児島ラーメン王決定戦楽しかった～?
18杯食べる気まんまんで行ったけど2杯しか食べてません?ﾋﾄｵｵｲ…
あるちゃんさんお出迎えありがとうございました?
あかほね、あかほねちゃん、たかくん、なぎさん、ホネコさん朝も早くからお疲れ様でした～
またどっか行きましょう? pic.twitter.com/h9hIlfMenf— ナガキン130 (@xhaj7XUiD3yQ7uD) February 18, 2018
鹿兒島拉麵王決戰
鹿兒島拉麵王決戰（鹿児島ラーメン王）係由KTS舉行嘅競賽，2015年起每年舉行，目的係俾大眾選出當地最好食嘅拉麵店！參賽嘅拉麵屋會設計特別Menu，花盡心思去準備比賽，除咗因為電視節目宣傳效果顯著，係令麵店成名嘅好機會，亦係對麵店嘅一種肯定，證明該店嘅拉麵係鹿兒島之最！
據電視台資料，比賽先由約3萬當地區居民投票，於30間拉麵店中選出18間參與決戰，再於2月16至18日，舉行第4届鹿兒島拉麵王決戰！
圖片來源：KTS
第二輪投票（即決賽）以現場參與形式舉行，玩法好簡單：
入場免費，想食拉麵就要畀錢買飛，一張飛可以換一杯拉麵，換言之，想試曬場內所有拉麵，如果你食得晒（笑），就要買夠30張飛喇！
事前買飛會平少少，一張飛600yen；當日買飛就一張飛700yen。
而俾飛換拉麵果陣，就會收到一個投票用嘅coin，離場前去攤位投票就可以！
圖片來源：KTS
最終結果
優勝： 五郎家 7281票
五郎家係上届排名第3位嘅店舖，以叉燒博多拉麵參戰。佢地嘅拉麵「和え玉」麵條好出名，即係事先拌入特製醬汁及湯底，加麵果陣就更好食喇！
圖片來源：KTS
準優勝：TAKETORA たけとら 6559票
TAKETORA係上届獲勝嘅店舖，今次以「黑豚Triple Special」參戰，有生黑豚火腿、黑豚肉碎同薄切黑豚，食前再加上宿山川產木魚碎！
第3位：サカノウエユニーク 5881票
サカノウエユニーク用上鹿兒島赤雞整叉燒，配合自製柚子醬食，味道有層次！
第4位：麺屋 剛 5509票
麺屋 剛係上届獲第2位嘅店舖，特點係超大舊叉燒，分量驚人，睇到就好有食慾啦！
第5位：鹿児島らーめん 三男坊 4977票
鹿児島ラーメン 三男坊主打又平又好食，用上當地食材配上自家製麻油，係當地出名嘅老店之一！
如果大家想重溫節目內容，KTS將於3月13日播出SP，大家可以一睹當時活動嘅情況！（詳情請按我）
About Post Author
