牛仔很忙!秋冬必備牛仔褸

牛仔很忙!秋冬必備牛仔褸

涼風陣陣,相信大家都已經聞到秋天的味道,並做好入手秋裝的準備。而在眾多外套款式之中,要做到復古中帶street味,型得黎又要夠casual,兼不會有outdated一說的,牛仔褸大概是數一數二交足功課的褸款之一。買牛仔褸,原理同「老牛」一樣,可以陪你度過漫長歲月,甚至越著越有味道,成為一件「有故事的褸」,這亦是很多人愛到古著店找尋vintage牛仔褸的原因之一。代表icon例如潮流教父藤原浩、木村拓哉、中村世紀和小木基史等,每到秋冬都牛仔褸不離身,日本販售vintage牛仔褸的古著店,更是多如銀河沙數!
 
牛仔很忙!秋冬必備牛仔褸
木村拓哉與Levis,早在10多年前就結下不解之緣。
 
牛仔很忙!秋冬必備牛仔褸
對於denim on denim的襯法,小木基史駕馭得易如反掌。
 
牛仔很忙!秋冬必備牛仔褸
中村世紀更身體力行示範3件牛仔一齊上。
 
牛仔很忙!秋冬必備牛仔褸
藤原浩親身示範,牛仔褸同皮褸一樣好夾
 
而最多人著的牛仔褸款,是由日本人命名的Trucker jacket。皆因Trucker jacket初初傳入日本時,馬上受到貨車佬寵幸,而當時呢款牛仔褸咁啱只有生產型號沒有名字,所以日本人索性叫呢款牛仔褸做「Gジャン(音G-Jyan,即jean jacket)」再慢慢演變成trucker jacket。對很多人來說,牛仔褸勝在簡單易襯,不必動用腦筋,簡單著件basic tee或恤衫便可著出有型有款感覺。自問carry到的,當然亦可以學木村、中村世紀和日系潮男的經典Denim on Denim襯法,直接以牛仔褸x牛仔褲,撞出經典全牛look。但所謂講就易做就難,同色同布料咁著其實好容易顯得老土,好多明星都失過手,更何況係我地呢啲素人?所以一定要記得—有深淺色對比!這是最簡單而又成功的Denim on Denim襯法,只要利用顏色不同的牛仔上下身,便可以相互呼應,平衡整體的單調感覺。如若配上簡單的accessories例如帽或皮帶,就仲更加好睇添。想知牛仔褸仲有咩玩法,可以留意以下例子:
 
牛仔很忙!秋冬必備牛仔褸
深淺色對比可以令整體比例更好,亦不會顯得太over。
 
牛仔很忙!秋冬必備牛仔褸
單以denim都一樣可以玩layering,以oversize牛仔shirt配denim短褲,就算色系一樣都好有層次感。再加對短襪仔,啱晒而家早晚溫差大既初秋。
 
牛仔很忙!秋冬必備牛仔褸
少少頹得黎又有點文青感覺。
 
牛仔很忙!秋冬必備牛仔褸
約埋兄弟一齊著denim,亦是bromance之一。
 
牛仔很忙!秋冬必備牛仔褸
眼鏡同帽,都係打造double denim look嘅好幫手,唔怕太沉悶。
 
牛仔很忙!秋冬必備牛仔褸
數數手指,他身上總共有7樣牛仔單品,感覺卻仍然非常順眼,全因顏色的運用上拿捏剛好,層次分明又有活力。
 
牛仔很忙!秋冬必備牛仔褸
天氣再凍啲時,可以選擇裡面有羔羊毛的款式。
 
牛仔很忙!秋冬必備牛仔褸
日本人一玩layering,真係唔夠佢嚟…..
 
 
牛仔很忙!秋冬必備牛仔褸
又或是以長身的白色tee隔開2件牛仔,再加件hoodie,都係好好嘅玩layering方法。
 
牛仔很忙!秋冬必備牛仔褸
腦閉塞的時候,白色tee就是萬能,同舒適簡約的白鞋亦是絕配。
 
牛仔很忙!秋冬必備牛仔褸
褲款則可以選擇寬鬆的款式,營造更加casual的感覺。
 
又甚至,可以配搭workshirt、高領毛衣、或各種top款,牛仔褸都有信心可以同佢地做到partner。
牛仔很忙!秋冬必備牛仔褸
看,如果沒有牛仔褸的存在,恐怕這圍裙會顯得相當突兀。
 

牛仔很忙!秋冬必備牛仔褸
溫差大的秋天裡,可以內襯格仔恤衫再穿上牛仔褸,覺得熱時脫下格仔恤衫並綁在腰間即可,好睇又方便。
 
牛仔很忙!秋冬必備牛仔褸
配搭鮮豔的顏色或誇張的破洞褲,亦毫無違和感。
 
牛仔很忙!秋冬必備牛仔褸
內裡加上hoodie的話,保暖又可為纖瘦的上半身增添份量。
 
牛仔很忙!秋冬必備牛仔褸
 
牛仔很忙!秋冬必備牛仔褸
 
牛仔很忙!秋冬必備牛仔褸
 
紳士帽、cap帽、beanie都一樣好夾。
 
牛仔很忙!秋冬必備牛仔褸
 
牛仔很忙!秋冬必備牛仔褸
 
追求舒適的話,可以直接穿上寬鬆的jogger pants或chino,甚至闊管褲。
 
牛仔很忙!秋冬必備牛仔褸
 
牛仔很忙!秋冬必備牛仔褸
 
牛仔很忙!秋冬必備牛仔褸
 
牛仔很忙!秋冬必備牛仔褸
想著出獨特風格,就要跳出框框,擺脫平凡,嘗試人地唔敢試既style。例如以粗獷不羈的牛仔褸撞文質彬彬的西裝外套、wool大褸或是高領冷衫,再「高呢」啲可以玩埋質地,例如襯絲質tie、粗冷sweater等去平衡牛仔褸的casual感,都可以顯得更有玩味。
 
鞋方面,最經典當然是襯粗獷味重的短boots,想顯得不羈放縱愛自由又man,其實唔難。