熱愛京都做觀光導覽大使 日本節目大讚敬業精神

熱愛京都做觀光導覽大使 日本節目大讚敬業精神

專欄:[香港在日本]

喺1月9號朝早8點播出嘅スッキリ(我家好宅大公開)Touch環節,介紹咗一位喺京都嘅案内所做嘢嘅香港人。佢嘅敬業精神同埋對日本嘅熱愛令到主持人都好佩服。

熱愛京都做觀光導覽大使 日本節目大讚敬業精神

故事嘅主人翁係鍾雪兒,自細就鍾意日本嘅動漫,入到大學之後就奮力學日文,之後仲去咗好多次日本旅行。去咗各地旅行嘅佢愛上京都嘅氛圍,依家25歲嘅佢工作嘅地方係京都塔嘅關西旅遊信息服務中心(Kansai tourist information centre kyoto)。一齊睇吓佢平時做嘢係點㗎啦!

熱愛京都做觀光導覽大使 日本節目大讚敬業精神
雪兒笑容甜美,一望就覺得好親切。
熱愛京都做觀光導覽大使 日本節目大讚敬業精神
工作嘅地方喺京都塔

紐西蘭旅客
有一位紐西蘭嚟嘅旅客想買京都塔展望室嘅入場券,係買緊嘅時候就問佢係第幾次黎京都旅行,發現佢第一次嚟日本就即刻向佢推薦咗好多唔同嘅景點同路線。由京都到奈良,甚至和歌山同廣島,熱情介紹咗整整40分鐘!旅客就大讚收到好多寶貴情報好開心。

熱愛京都做觀光導覽大使 日本節目大讚敬業精神

美國旅客
之後有兩個來自美國嘅旅客,佢哋想買去東京嘅新幹線車票,仲想預約座位添。喺佢哋仲諗緊點樣表達嘅時候,服務貼心嘅雪兒就即刻問佢哋係咪想座睇到富士山嗰一邊。遊客即刻讚佢好好呀!

熱愛京都做觀光導覽大使 日本節目大讚敬業精神
深知旅客嘅需要而提供貼心服務。

印尼旅客
去到另一日嘅採訪,雪兒一邊講住流暢嘅印尼話,一邊帶住嚟自印尼嘅旅客去到為伊斯蘭教徒設置嘅祈禱室。點知突然間佢就好心急咁跑起上嚟,原來係有人唔記得咗個電話係祈禱室。平時總係掛住微笑嘅雪兒都不禁擔心電話嘅主人記唔記得返嚟攞返。好彩過咗一個鐘,佢哋就返嚟搵電話然後雪兒就帶咗佢哋去拎返喇。

熱愛京都做觀光導覽大使 日本節目大讚敬業精神

熱愛京都做觀光導覽大使 日本節目大讚敬業精神
除咗英文同日文,仲講得一口流利印尼文。

形象擔當?
喺外地唔見咗野都搵得返真係好開心,對當地嘅印象亦有影響,而電話嘅主人亦都笑住咁話係雪兒係佢嘅恩人。主持人最後就評論話2020奧運就係靠呢一班咁有心嘅觀光大使喇。

熱愛京都做觀光導覽大使 日本節目大讚敬業精神

值得自豪、學習
其實雪兒下定決心要喺京都做嘢嘅時候睇到案内所請人,應徵咗之後順利見得成,由2016年嘅10月就開始喺度做喇。佢嘅目標唔單止係要做好份工,而且仲係要為旅行者提供貼心適切嘅服務,令佢哋更加鍾意京都同日本。睇到佢親切嘅笑容同埋對工作嘅熱誠,身為香港人都覺得好自豪啊!唔少人都話想以佢為目標努力添。
熱愛京都做觀光導覽大使 日本節目大讚敬業精神