【淺草拉麵放題專門店】挑戰「30分鐘」拉麵放題!

【淺草拉麵放題專門店】挑戰「30分鐘」拉麵放題!

除咗燒肉放題、鍋物放題,原來日本連拉麵都可以玩放題!位於淺草嘅「拉麵BUTA」畀¥980就可以任食30分鐘,唔好以為30分鐘好短,日本人閒閒地都可以食到兩三碗,最高紀錄係20碗,會唔會太誇張!?

 

【淺草拉麵放題專門店】挑戰「30分鐘」拉麵放題!

「拉麵BUTA」位於淺草國際通附近,由雷門行過去大概10分鐘,地點唔太難搵。

 

有咩食!?

【淺草拉麵放題專門店】挑戰「30分鐘」拉麵放題!

入到店內攞住格仔碟就可以開始去夾食材,呢度用餐方式半自助,鍾意咩toppings都可以隨便夾。

 

【淺草拉麵放題專門店】挑戰「30分鐘」拉麵放題!

食拉麵一定要有嘅叉燒!不過唔好夾得太多,因為實在仲有太多好料等全大家!

 

【淺草拉麵放題專門店】挑戰「30分鐘」拉麵放題!

左邊嘅豚角煮一定要試!雖然肉質偏肥,但入口即化嘅口感真係會令人忍唔住食多兩舊。

 

【淺草拉麵放題專門店】挑戰「30分鐘」拉麵放題!

右邊黃色嘅係芝士絲,放一撮喺熱辣辣嘅拉麵上面可以做到半溶嘅拉絲效果。

 

【淺草拉麵放題專門店】挑戰「30分鐘」拉麵放題!

連蔥都有2種,加多啲超好味!

 

【淺草拉麵放題專門店】挑戰「30分鐘」拉麵放題!

雞蛋亦有3款,左邊係半熟有味糖心蛋,右上角係水煮蛋,右下角係生雞蛋。

 

【淺草拉麵放題專門店】挑戰「30分鐘」拉麵放題!

如果你覺得30分鐘時間夠你食完碗拉麵有餘,咁食之前可以食少少沙律開吓胃。

 

【淺草拉麵放題專門店】挑戰「30分鐘」拉麵放題!

唔使擔心食食吓口渴冇野飲,counter有橙汁同sports drink畀你自助斟。

 

準備開餐!

【淺草拉麵放題專門店】挑戰「30分鐘」拉麵放題!

揀好想食嘅食材就可以揾個位坐低,工作人員就會過嚟同你收錢及問你想要咩軟硬度嘅麵。30分鐘會由師傅放低碗麵嘅一刻先開始計,所以揀食材嘅時候可以慢慢揀唔使急,同埋唔好一次過攞太多,因為冇限次數,想添先再攞,唔好造成浪費。

 

【淺草拉麵放題專門店】挑戰「30分鐘」拉麵放題!

牆上面有教你唔同配搭嘅食法,想扮吓拉麵達人真係話都冇咁易!

 

【淺草拉麵放題專門店】挑戰「30分鐘」拉麵放題!

極之似模似樣嘅「王道拉麵」!最令人驚艷嘅係湯底同拉麵麵條質素都唔差,拍得上任何一間拉麵專門店。

 

【淺草拉麵放題專門店】挑戰「30分鐘」拉麵放題!

食完一碗如果個肚仲有大量空間的話可以再追加拉麵,但如果已經有6、7成飽就可以試埋店內其他食法。例如呢個國產雞蛋豚肉拌飯!店內有白飯提供,再揀幾種自己鍾意嘅食材撈埋一齊,又係一道簡單嘅美食!推介一定要加生雞蛋!

 

【淺草拉麵放題專門店】挑戰「30分鐘」拉麵放題!

食到最後可以用僅餘嘅時間飲返杯橙汁,為呢一餐劃上一個非常完美嘅句號。

 

【淺草拉麵放題專門店】挑戰「30分鐘」拉麵放題!

呢一餐真係會飽到冇朋友!

 

拉麺ビュッフェBUTA
地址:台東区浅草2-11-7 森口ビル1F
電話:03-5828-0055
營業時間:11:00~22:00
休息日:星期三

 

資料來源:gnavi