池袋食買玩攻略 東武購物+美食+美容

池袋食買玩攻略 東武購物+美食+美容

同澀谷、新宿一樣,池袋係東京其中一個最繁華嘅地區,無論係購物中心、各種美食定娛樂場所都多不勝數~今次就等住喺池袋嘅小編同大家介紹吓池袋有咩食買玩好去處,率先登場嘅就係位於池袋車站旁,出口可以直到的購物中心東武百貨店啦!

池袋食買玩攻略 東武購物+美食+美容

17層大型購物中心東武百貨店 搭電車去池袋站落車,出閘後行幾步就會見到東武百貨店,非常方便!以下精選咗10間東武百貨店必去舖頭,包保大家啱心水~

——————————-

美食篇

#1 B1F 零食店 OYATSU table

池袋食買玩攻略 東武購物+美食+美容

池袋食買玩攻略 東武購物+美食+美容

OYATSU(おやつ)即係零 食咁解,依到有好多可愛造型嘅糖果、餅乾、蛋糕等等零食,啱晒買嚟做手信! 當店人氣No.1嘅商品係笑哈哈朱古力,睇落似聰明豆加咗個笑哈哈上去 咁~第2位就係自選積木蛋糕,大家可以同店員講想要咩大細嘅蛋糕盒(4件裝係東武店先有!),然後大家就可以拎住個盒,將自己鍾意嘅蛋糕砌入個盒入面,變到成件積木咁,好有趣啊~
——————————-

#2 B1F 便當店 nicodeli

池袋食買玩攻略 東武購物+美食+美容

池袋食買玩攻略 東武購物+美食+美容

喺nicodeli一次過可以買到各款精緻便當同餸菜,盒盒賣相都好吸引,啱晒買返酒店做宵夜同早餐!依到最好賣嘅食品第三名係無骨炸雞,第二位係醬汁雞肉,而第一位就係青椒昆布雞絲沙律啦!店長話青椒昆布雞絲沙律一日可以賣到35盒咁多,睇嚟健康小食嘅人氣真係冇得輸~
——————————-

#3 B1F 甜品蛋糕店 Konigs-Krone

池袋食買玩攻略 東武購物+美食+美容

池袋食買玩攻略 東武購物+美食+美容

食物館入面嘅甜品蛋糕店Konigs-Krone係一間開業於昭和52年嘅老餅店~店內凍櫃擺滿咗一杯杯合時商品,例如水果布甸、水果蛋糕杯等等,啱晒鍾意買甜品返酒店食嘅朋友~如果人多嘅話可以挑戰份量比較大嘅3月商品「甜王」士多啤梨蛋糕批,鬆脆批皮入面有層層蛋糕同水果等等,聽落都覺吸引~ 除咗甜品之外,當店嘅超人氣商品4色罐裝禮盒(2160円)(連稅)入面有多款曲奇同批,下次新年送禮時不妨考慮吓(笑)

——————————-

#4 13F 吉列豬扒とんかつ和幸

池袋食買玩攻略 東武購物+美食+美容

東武池袋11F樓至15樓有成46間餐廳咁多,真係成個美食天堂咁啊~當中13樓「和幸」嘅吉列豬扒 就非常出名,小編點咗個吉列3選定食(1500円)(連稅),入面包咗芝心吉列豬扒、吉列大蝦同吉列蟹忌薕可樂餅,份量十足~芝心吉列豬扒中間層芝士好香濃,仲有少少流心 ~配埋個秘制醬汁,惹味程度100分!

——————————-

#5 13F 西餐X甜品店 不二家餐廳

池袋食買玩攻略 東武購物+美食+美容

池袋食買玩攻略 東武購物+美食+美容

相信鐘意食甜品的朋友對日本老子號餅店「不二家」都唔會陌生~依間不二家餐廳主打各類甜品,水果芭菲、班戟、蛋糕等等都有信心保證~小編試食咗士多啤梨熱香餅(900円)(連稅)同意大利士多啤梨蛋糕(590円)(連稅),熱香餅蛋香好重,士多啤梨蛋糕忌薕口感輕柔,入口即溶,係幸福嘅味道啊~其實依到除咗甜品之外仲有意粉等等主食提供,有興趣 嘅話可以直接喺到食完晚餐再叫甜品 ~
——————————-

購物篇

#1 7F 精品店 Sanrio

池袋食買玩攻略 東武購物+美食+美容

池袋食買玩攻略 東武購物+美食+美容

小編去採訪的時候天氣仲係好凍,不過東武嘅Sanrio門口已經放滿晒櫻花主題精品,一片粉紅色充滿春天氣氛啊~PUMA同Hello Kitty合作嘅紅色波鞋(12960円)(連稅)超級搶手,每個碼數都只有一對,想買就要盡快入手啦~當店其中1樣人 氣商品就係布甸狗、My Melody、Little Twin Stars兔兔公仔(1620円)(連稅),屁股個位真係有好大舊白雪雪嘅毛毛,好得意啊~如果想送禮物畀返學的小朋友,可以考慮學生禮物Box Set(5724円)(連稅),入面有多款文具,啱晒學生哥!

——————————-

#2 7F 文具店 伊東屋

池袋食買玩攻略 東武購物+美食+美容

池袋食買玩攻略 東武購物+美食+美容

創於1904年嘅伊東屋已經有過百年歷史,係一間好出名嘅文具店~東武池袋嘅伊東屋都幾大間, 各種無論係筆、簿、紙、卡…幾乎所有文具都可以喺到搵到!小編特別鍾意依到嘅賀卡,有啲卡收埋咗啲「機關」,一拉條繩就會見到寫住「HAPPY BIRTHDAY」,好得意!記得買來送俾朋友啦!另外依到又有賣近年大熱嘅食物造型筆記簿,當中朱古力餅同方包筆記簿就最搞笑啦~自己都想買返幾本呀!

——————————-

#3 5F 行李箱專門店PROTeCA

池袋食買玩攻略 東武購物+美食+美容

PROTeCA專門賣多功能行李箱,有啲有電話充電功能(目前只限andriod電話),方便長途旅行嘅朋友 ; 有啲就可以鎖死車輪,搭巴士時就可以空出雙手做其他野,都唔洗怕件行李碌走啦~

——————————-

美容篇

#1 2F 護膚品 HABA

池袋食買玩攻略 東武購物+美食+美容

HABA係一個日本原創嘅護膚品品牌,佢地嘅王牌產品鯊魚烷精油有高效嘅保濕成份,而且非常襟用,每次用少少一滴,30ml裝可以用足半年!由於HABA係「無添加主義」所有產品都不含任何添加劑,唔易引起皮膚敏感, 所以適用於任何年齡嘅顧客,甚至連嬰兒或者孕婦都可以安心使用~

——————————-

#2 14F 美容剪髮 beauty TUNE SHISEIDO

池袋食買玩攻略 東武購物+美食+美容

池袋食買玩攻略 東武購物+美食+美容

最近愈來愈多人鍾意去日本剪頭髮,因為日本髮型師剪得特別好睇咁話喎~其實唔洗左搵右搵,東武池袋14樓都有間美容髮型屋beauty TUNE,仲要係護膚品名牌資生堂SHISEIDO旗下嘅店舖 嚟!普通剪髮套餐(6480円)(連稅)已經包咗洗、剪、吹同造型,過程中髮型師會用資生堂嘅護髮產品幫客人護髮,又會好細心幫你諗造型,仲教埋大家點先保持到個髮型靚靚 ~最後因為客人剪完頭髮後,唔多唔少個妝都會花花地,所以髮型師會教大家點樣補妝,好貼心啊~
——————————-

外國人專用5%OFF優惠券

池袋食買玩攻略 東武購物+美食+美容

東武池袋2樓嘅免稅櫃台除咗可以辦理一般退稅手續之外,仲有得換優惠券 ~只要去櫃檯到出示你嘅護照同以上依張優惠券對兌券,就可以換領一張95折優惠券啦!留意返必須要買夠單價 1000円(不連稅)以上嘅商品先可以用到依個優惠,每張優惠券喺發行後7日內可以無限使用,真係好抵啊!大家記得行街街之前記得換埋先好出發啦~

池袋食買玩攻略 東武購物+美食+美容

*本優惠券對兌券有效期至2019年8月31日
*有關詳情及細則請參考優惠券上的注意事項
——————————-

東武百貨店 池袋店
地址:東京都豊島区西池袋1-1-25
營業時間:10:00~20:00 B2F~3F、6F(3~7區)、9F、10F:10:00~21:00(星期日及公眾假期除外)

 

下一頁往
其他池袋必去景點