東京迪士尼35歲生日!9個慶祝活動介紹

東京迪士尼35歲生日!9個慶祝活動介紹

1983年4月15日開業嘅東京迪士尼樂園將喺2018年4月15日迎嚟35歲生日!為咗慶祝生日,樂園會喺2018年4月15日至2019年3月25日嘅345日舉行以「Happiest Celebration!」做主題嘅週年慶祝活動,我地一齊嚟睇下有咩特別啦blush

東京迪士尼35歲生日!9個慶祝活動介紹

東京迪士尼樂園

1.Dreaming up日間巡遊 2018年4月15日開始

相隔5年,東京迪士尼樂園將會喺2018年4月15日(星期日)推出全新日間巡遊「Dreaming up」。陣容有《幻想曲》、《美女與野獸》、《小飛俠Peter Pan》同埋首次登場嘅《大英雄聯盟,Big hero 6》等等。

*依加嘅日間巡遊「Happiness is Here」將會喺2018年4月9日最後一次演出。

東京迪士尼35歲生日!9個慶祝活動介紹

2.遊玩設施「小小世界」翻新重開 2018年4月15日開始

到咗春天,由開業至今一直備受喜愛嘅「小小世界」將以全新面貌登場。增加大約40個大人細路都鐘意嘅電影角色,包括《Frozen》嘅Elsa、Anna同Olaf,《愛麗斯夢遊仙境》,《灰姑娘》,《Peter Pan》,《魔發奇緣》,《花木蘭》,《阿拉丁》同《獅子王》等等。

東京迪士尼35歲生日!9個慶祝活動介紹

3.「Celebrate! Tokyo Disneyland」灰姑娘城堡特備表演 2018年7月10日開始

樂園至今規模最盛大嘅晚間特備表演融合噴水、光影效果同埋嶄新影像投影技術。以灰姑娘城堡作為舞台,同時喺唔同場區亦有影片、音樂嘅配合。

東京迪士尼35歲生日!9個慶祝活動介紹

4.奧爾良劇場 全新劇場演出(劇名未定) 2018年7月10日開始

米奇同佢嘅好朋友將會喺探險世界嘅表演舞台「Theater Orleans」有全新嘅表演。喺35週年慶祝活動期間會有特別演出,例如表演嗰陣用35週年嘅主題曲。

*依加嘅表演節目「Minnie Oh! Minnie 」將會喺2018年3月19日最後一次演出。

東京迪士尼35歲生日!9個慶祝活動介紹
Minnie Oh! Minnie 劇照

5.東京迪士尼度假區35週年「Happiest Celebration!」Grand Finale壓軸慶典 2019年1月11日~3月25日

東京迪士尼度假區喺2019年3月25日(星期一)迎嚟35週年「Happiest Celebration!」活動嘅尾聲。到時仲會推出Grand Finale期間限定特別周邊商品,將活動氣氛推上最高點。

 

東京Disney Sea

6.水上巡禮(活動名未定)2018年4月15日~2019年3月25日

身穿35週年特別服裝嘅米奇同佢一班朋友將會喺地中海港灣出現,聯同Disney Sea原創角色迪士尼小熊(Duffy)一齊同大家打招呼。

東京迪士尼35歲生日!9個慶祝活動介紹

7.船塢邊舞台 全新劇場演出(劇名未定) 2018年7月10日開始

Dockside Stage位於美國海濱,米奇同佢嘅好朋友將會喺呢度帶嚟充滿美國色彩嘅演出。喺35週年慶祝活動期間會有特別演出,例如表演嗰陣用35週年嘅主題曲。

*依加嘅表演節目「Step to Shine」將會喺2018年3月19日最後一次演出。

東京迪士尼35歲生日!9個慶祝活動介紹
Step to Shine劇照

8.Pixar動畫工作室特別活動(活動名未定)2019年1月11日~3月25日

一家大細都鐘意睇嘅Pixar動畫將會喺Disney Sea舉行特別活動。地中海港灣會有Pixar人氣角色嘅表演;而且仲可以有機會同角色近距離接觸。

 

9.迪士尼小熊Duffy嘅活動(活動名未定)2019年1月11日~3月25日

迪士尼小熊Duffy嘅活動將會舉行。到時會有Duffy嘅商品、餐點、可以影相嘅裝飾等等。

 

節日主題

除咗帶嚟全新嘅表現節目同埋體驗之外,喺活動期間兩個園區會有特別餐點同週年紀念周邊出售。更加會喺節日期間推出特別活動,節日包括復活節、七夕、夏祭、萬聖節、聖誕節同元旦。

東京迪士尼35歲生日!9個慶祝活動介紹
七夕嘅時候米奇米妮以牛朗織女扮相出現

東京迪士尼35歲生日!9個慶祝活動介紹

35週年活動介紹(官網):http://www.tokyodisneyresort.jp/blog/pr170921/