我相信如果大家係有童年嘅香港人嘅話都唔會對以下嘅角色感到陌生！細細個就睇住佢哋，到而家我咁大個人佢哋仲係咁細個…不過無變過嘅就係呢班小朋友仍然都係會闖好多禍！雖然係動畫卡通片姐，但如果喺現實生活有細路咁樣做，會唔會變咗「港孩」的行為？500位日本網民就綜合多方面因素投票選出「最令人擔心將來長大後嘅小朋友角色」，一齊睇下結果啦！
10）松野カラ松（松野唐松）（おそ松くん《小松君》）
9）松野チョロ松（松野傻松）（おそ松くん《小松君》）
8）ジャイ子（胖妹）《多啦A夢》
7）磯野カツオ（磯野鰹）《海螺小姐》
6）フグ田タラオ（河豚田鱈男）《海螺小姐》
5）坊（小少爺）《千與千尋》
4）バカボン 《天才妙老爹》
3）小丸子 《櫻桃小丸子》
2）野原新之助 《蠟筆小新》
1）野比大雄 《多啦A夢》
第一位結果係由堪稱動漫卡通界最唔掂細路代表野比大雄成功奪得第一位～雖然每套劇場版電影都見到大雄好似好努力同好活躍咁，但大家千祈唔好忘記，佢係一個瞓懶覺當興趣、最叻遲到、特技係射擊既小朋友XD 齋睇佢嘅缺點真係會擔心佢到底能唔能夠喺社會立足！
（當年大雄嘅試卷答案離譜到引起日本網民話題ww）
第二位就係最鐘意整蠱作怪嘅小新啦！一個鍾意除褲扭籮pat又細細個已經有啲鹹濕嘅細路！相信佢即使長大後都係一個過份樂觀又成日玩嘢嘅廢青！XD
（雖然高中生嘅小新其實好似幾靚仔XDD）
第三位就係擁有好多粉絲嘅小丸子喇！雖然小丸子真係好好睇，又講友情又講親情，同學仔有搞笑，不過諗返其實小丸子唔單止懶而且成日激親阿媽家姐（笑） 不過呢個角色係以作者小學三年級為藍本所立嘅，所以據說作品入面小丸子係應承過佢長大後會成為一個成功嘅漫畫家㗎！
另外，小夫排14位、《寵物小精靈》嘅小智就排20位。反觀小霸王胖虎就排23，唔通大家同覺得其實胖虎係個幾有前途嘅小朋友？XDDD
其他結果／詳細內容來自：Goo Ranking
About Post Author
