要數褲袋最常袋住嘅野，頭幾位入面一定有紙巾嘅身影。唔小心袋著紙巾洗衫就會令成機衫都有紙巾碎⋯辛辛苦苦洗咗一機衫就咁無曬
近日播出嘅「ありえへん∞世界」入面就搵大學教授介紹咗點樣可以輕鬆去除。
節目訪問咗途人覺得點樣去紙巾碎先啱，有人話用膠紙，有人話將網袋放入機一齊洗⋯⋯結果有高達94%嘅途人都答錯。
一齊睇下教授點講：
正確方法
將佈滿紙巾碎嘅衫放入洗衣機，加入柔順劑再開一次機就會無紙巾碎咁神奇？
原來因為柔順劑入面嘅界面活性劑成份會將紙巾碎分離開去，而且唔會再黐住件衫。
之後只要普通曬乾件衫，再輕輕fing下就可以喇。
Twitter分享
有日本推主將節目內容分享到Twitter，結果又引起一番討論。唔少網民都話呢個方法非常好，又有網民分享實際試用方法嘅成效，甚至開始傾邊隻柔順劑好用。
うっかり、ティッシュまみれになってしまった洗濯物は、
柔軟剤だけを入れて、すすぎ1回脱水1回まわすと、
びっくり綺麗になるそうです！！是非お試しアレ。
しょっちゅう惨事に見舞われたが、知らんかった！
イライラしながら洗濯物ブンブン振ってたわʬʬʬʬʬʬʬ pic.twitter.com/IQRHA3qCNl— きゃら。 (@caramel_heart99) 2018年2月10日
（唔小心令到成件衫都係紙巾碎嘅時候，只要加入柔順劑再過一次水脫一次水，就會靚曬！
大家都請務必試下。）
網民反應
「成日都唔小心整到紙巾碎（笑）所以有呢個方法太好喇！」
「呢個！令人太感謝喇！成日鼻唔舒服嘅呀仔慣咗放紙巾入褲袋，結果我就咁放去洗就釀成好多次悲劇」
「太有用喇！特別係花粉多嘅時期成日都唔記得袋入面有紙巾」
「3日前先啱啱整到⋯如果可以早啲知就好喇！」
「下次一定要試下！一陣去買柔順劑先」
About Post Author
