日本人煮肉一向高「汁」,山本漢堡扒

日本人煮肉一向高「汁」,山本漢堡扒

 
繼牛扒,吉列牛之後,今次有LIKEJAPAN特派記者浅井麻里帶大家去食日本人一樣咁出色嘅漢堡扒。今次我哋揀咗呢間山本漢堡扒位於澀谷嘅分店,好老實咁講一句,價位可能比較高一點。
呢間舖頭由「俺のハンバーグ山本」改名而成,相信「俺のXXX」系列大家都有聽過,蘭桂坊就有一間。
 
日本人煮肉一向高「汁」,山本漢堡扒
 
店內環境比較優雅,唔會有果班「肉呀,肉呀」嘅大男人氣氛同咋咋聲嘅燒肉聲。
咁第一次嚟到都係要試一試佢嘅名物「山本のハンバーグ」,配藍黴乳酪磨菇cream汁。(1750YEN)一年食到一次已經好開心。
 
日本人煮肉一向高「汁」,山本漢堡扒
先嚟一個理想,嘩!藝術呀。
 
日本人煮肉一向高「汁」,山本漢堡扒
再嚟一個現實,保證攝影師呢一行再過幾多年都唔會被取代。由於自己唔係食樣派,由味道行先,反正食咗落肚都唔記得咩樣。
 
日本人煮肉一向高「汁」,山本漢堡扒
 
呢間餐廳每一個漢堡扒都會有味噌湯同飯跟,不可不提的是,佢哋白飯係用日本米入面嘅牌子米,宮城縣產嘅「一目惚れ」,每一粒都好似有生命,真係粒粒皆辛苦架。
 
日本人煮肉一向高「汁」,山本漢堡扒
點解人地又係漢堡扒專門店賣1000yen前後,你又係漢堡扒專門店可以賣差唔多一倍價錢?

首先佢係用鐵板上,漢堡扒size本身睇落唔算好大,用刀將漢堡扒剪一剪開後流出嚟嘅唔只係肉汁,而係cream汁,唔大但見到d汁已經飽,睇得出同食得出準備功夫做得相當足。唔知同大x樂鐵板唔同嘅地方係咩,食到最後都覺得熱辣辣。

 
由澀谷車站行過去大約五分鐘,大家不妨去試下啦。
特派記者:浅井麻里

山本のハンバーグ 渋谷食堂
東京都渋谷区 渋谷3-6-18 第四矢木ビル
営業時間: 11時00分~22時30分