拒絕米芝蓮 之 又要暖又要靚!遊北海道禦寒術

拒絕米芝蓮 之 又要暖又要靚!遊北海道禦寒術

大部分人第一次去北海道,都會比零下氣溫嚇親而失控買一堆保暖衫,但結果發現唔止嘥錢,仲因為根本無機會著而嘥晒行李啲位!而最唔想嘅係,去旅行當然會想影多啲靚相,但著到米芝蓮咁又肥又腫就……..其實,只要揀啱質地,唔洗著到漲卜卜都可以好暖又好睇,只要留意以下checklist,就有明確目標知道自己要帶啲咩去啦!
 
拒絕米芝蓮 之 又要暖又要靚!遊北海道禦寒術
 
以北海道而家嘅1月氣溫為例,平均溫度大約係0~-10度,但因為室內通常都有暖氣,所以最好係以洋蔥式襯法(layering)為主。首先係heat-tech,然後係毛衣或棉質打底衫,再加件最重要嘅保暖大褸(最好可以擋風防水),淨係呢3件,其實已經夠做!當然,小物例如冷帽、頸巾同厚襪仔嘅幫助亦好大,因為只要保護好容易受寒嘅頭部、頸同埋腳,基本上就已經暖咗7成。
要準備嘅衣物如下:heat-tech、大褸、冷帽、頸巾、厚襪、手套、雪靴、保暖褲、太陽眼鏡、耳罩。至於暖蛋之類,可以去到先買。
 
服飾方面
★heat-tech:想保暖但又著得輕薄唔臃腫,就一定要有heat-tech。唔洗厚但要貼身,當去5日的話,至少就要帶3件替換~
拒絕米芝蓮 之 又要暖又要靚!遊北海道禦寒術
 
★冷衫:反而唔係咁重要,因為雖然保暖但唔擋風,高領就更加唔洗諗,一上車或進入開咗暖氣嘅室內,一定會熱到標汗。
拒絕米芝蓮 之 又要暖又要靚!遊北海道禦寒術
 
★大褸:因為喺雪地時根本就凍到唔會除褸,所以係唔會有人見到你裡面襯乜,大褸就理所當然成為最重要嘅item!因此建議如果唔鍾意日日以同一造型示人的話,可以帶多件大褸替換。
拒絕米芝蓮 之 又要暖又要靚!遊北海道禦寒術
 
★絨毛褲/leggings:好重要!想顯瘦的話可以儘量揀黑色。
拒絕米芝蓮 之 又要暖又要靚!遊北海道禦寒術
★雪靴:最緊要保暖、防滑同埋防水!保暖方面毛毛越豐厚越好,最好係中筒,踩入厚雪都唔怕。另外因為北海道結冰嘅路面好滑好易跣親,所以鞋底刻紋越深越好,咁先可以防滑。喺呢方面Timberland就做得唔錯,膠鞋底夠深夠穩,但保暖方面都係雪靴好啲。
拒絕米芝蓮 之 又要暖又要靚!遊北海道禦寒術
 

☓唔好諗住著:
★絲襪:千其唔好諗住一對絲襪走天下,喺北海道係無・可・能派上用場!
★牛仔褲:喺零下嘅溫度入面,牛仔褲完全唔保暖,如果係裡面加襪褲,會令行動唔方便,而且濕咗亦唔容易乾。
★水靴:雖然防水,但唔夠保暖。
 
配飾方面:
★頸巾:要保暖條頸就一定要避免吹風,喺造型上亦好大幫助,建議可以帶兩條或以上襯衫
拒絕米芝蓮 之 又要暖又要靚!遊北海道禦寒術
 
★冷帽:同頸巾一樣重要!因為冷風好易吹到頭痛,突如其來嘅大雪亦會淋濕個頭,唔想冷親絕對要戴冷帽。一樣建議至少帶2頂
拒絕米芝蓮 之 又要暖又要靚!遊北海道禦寒術
 
★耳罩:唔想戴冷帽的話可以選擇耳罩保護耳仔,造型一樣大加分,真係怕凍的話亦可以同冷帽雙管齊下!
拒絕米芝蓮 之 又要暖又要靚!遊北海道禦寒術
 
★手套:喺北海道唔戴手套對手真係會結冰!尤其是如果要玩雪,更加無可能赤手抱雪~注重實用多過美觀的話,最好揀防水款,唔係手套好容易濕。不過缺點就係用電話會好麻煩…尤其係影相嘅時候~不過如果係touch screen的話,就唔洗專登除手套了。
拒絕米芝蓮 之 又要暖又要靚!遊北海道禦寒術
★厚襪:反正唔會點嘥位,帶多幾對都無妨,因為雪靴濕咗仲可以換襪。越厚越好,羊毛款最保暖~
拒絕米芝蓮 之 又要暖又要靚!遊北海道禦寒術
 
★手袋:要有蓋有拉鍊!唔係好容易入晒雪,裡面嘅相機同電話都會有生命危險。
拒絕米芝蓮 之 又要暖又要靚!遊北海道禦寒術
 
★太陽眼鏡:唔好以為冬天就唔洗戴太陽眼鏡,雖然地面比冰雪覆蓋,但其實反而更容易折射陽光,傷眼(又稱雪盲)。
拒絕米芝蓮 之 又要暖又要靚!遊北海道禦寒術
 
可以帶備的配件:
★如果對鞋唔防水,就可以帶備防水噴霧喺身,噴同無噴效果都幾明顯,即使有雪都好易拍走
拒絕米芝蓮 之 又要暖又要靚!遊北海道禦寒術
baacon 有售,現貨特價$100/一支
 
★雪爪
日本好多便利店都有賣,因為雪地實在太濕滑,用完可以大大降低「pk率」。不過留意番雪爪好易刮傷地板,所以上車或者進入室內都要記得除番~
拒絕米芝蓮 之 又要暖又要靚!遊北海道禦寒術
 
★雨傘
輕便嘅縮骨遮就OK,防止大雪時被淋濕。
拒絕米芝蓮 之 又要暖又要靚!遊北海道禦寒術
 
★暖包
貼嘅或手拎嘅都可以按自己需要選擇,可以去到日本先買(選擇超多)
拒絕米芝蓮 之 又要暖又要靚!遊北海道禦寒術
 
另外,因為北海道天氣好乾燥,記得要帶齊超保濕嘅moisturizer去呀~