【想食鰻魚去邊度好?】京都百年老店「京極かねよ」

【想食鰻魚去邊度好?】京都百年老店「京極かねよ」

京都實在有太多間賣相極吸引嘅鰻魚料理專門店,如果唔知點揀,不妨直接挑選百年老店,因為可以經得起百年風浪,當中一定有佢過人之處!
 
【想食鰻魚去邊度好?】京都百年老店「京極かねよ」
 
小編今次關西採訪之行就揀咗位於三条通名店街附近嘅「京極かねよ」,一來地點夠方便,附近有公共交通公具直達;二來呢度係已經有近百年歷史嘅老舖,可以坐喺歷史建築入面品嚐有只此一家嘅鰻魚料理;三來店舖位於商店街橫街,食完附近大把野行,慢慢食慢慢睇,喺呢度絕對可以玩足一整日!
 
【想食鰻魚去邊度好?】京都百年老店「京極かねよ」
 
呢間舖喺1920年代大正末期已經存在,所以一入門口就已經感受到懷舊嘅氣氛同味道,一磚一瓦,全部都流露住昔日嘅氣氛。
 
【想食鰻魚去邊度好?】京都百年老店「京極かねよ」
 
全店原本有3層,不過經過戰前火災之後3樓就被燒清光,得返地下同2樓兩層。1樓係一般普通座位,2樓就係和式榻榻米座位,窗邊位仲可以望到園林景,都幾舒服。
 
【想食鰻魚去邊度好?】京都百年老店「京極かねよ」
 
呢張圓枱喺咁多座椅中顯得特別古懷,原來已經陪住舖頭走過唔少年頭,年紀有返咁上下。
 
【想食鰻魚去邊度好?】京都百年老店「京極かねよ」
 
一坐低店員就會好醒目地問你想要中文Menu定英文Menu,咁就有圖有字有真相,想食咩都唔使估估吓。當中最多人點嘅就係有湯、刺生、兩大片玉子燒同兩大片燒鰻魚嘅「鰻魚套餐」以及只有呢度先食到嘅「日式煎蛋鰻魚蓋飯」,份量都幾大。
 
【想食鰻魚去邊度好?】京都百年老店「京極かねよ」
 
等咗陣,煎蛋鰻魚蓋飯出現啦,個玉子燒大到個蓋都冚唔哂!一揭開個碗蓋,蛋香就撲鼻而來!因為塊蛋太大嘅關係,即使打開咗個蓋都係見唔到鰻魚同米飯。(笑)
 
【想食鰻魚去邊度好?】京都百年老店「京極かねよ」
 
揭開塊勁重身嘅玉子燒,終於都見到啲鰻魚啦,揭開一刻啲鰻魚仲出緊煙,可想而知塊蛋有幾保溫有幾厚!鰻魚都幾厚肉,不過油脂唔多,入口未有太肥美嘅感覺,而醬汁亦唔算太濃,不過咁樣反而啱啱好,因為醬汁一早滲哂入飯入面,如果太濃一定會搶哂鰻魚嘅味道之餘仲會越食越膩。
 
食嘅時候記得要同時將玉子燒、鰻魚同米飯一次過大大啖放哂入口,呢個三味一體嘅獨有食法唔單口感更豐富,味道亦變得更有層次,比單獨分開食好味得多!
 
【想食鰻魚去邊度好?】京都百年老店「京極かねよ」
 
呢個「鰻魚套餐」真係好豐富,有鰻魚,有刺身,仲有個加咗鰻魚肝去整嘅湯,個湯好清爽舒服,食到中途飲返啖,可以幫助消除油膩感。
 
【想食鰻魚去邊度好?】京都百年老店「京極かねよ」
 
用咗備長炭去燒嘅鰻魚好腍身,燒嘅時候師傅功架好重要,要一邊搽秘製醬汁一邊燒但又唔可以整爛條魚,令到醬汁都可滲到入魚肉之餘要保持鰻魚嘅美觀,少啲經驗都做唔到!講到燒鰻嘅特製醬汁原來亦有段故,話說當年火災,老闆咩都唔攞,就係拎住一桶醬汁逃生,可以想像到呢桶沿用百年嘅醬汁對佢嚟講有幾重要!
 
【想食鰻魚去邊度好?】京都百年老店「京極かねよ」
 
小編對呢個跟餐嘅刺身有少少失望,因為鮮度未至於充滿驚喜,而且有唔少細骨,第一塊食落口喺毫無心理準備之下差啲出事……
 
【想食鰻魚去邊度好?】京都百年老店「京極かねよ」
 
勁厚嘅玉子燒係繼鰻魚之後第二個大賣點,呢個餐有兩大塊,唔使就住食,好爽!有別於一般偏甜嘅玉子燒,呢度嘅玉子燒加入咗以柴魚、貝類、昆布熬製而成嘅高湯,所以唔難食得出雞蛋中有淡淡嘅魚香,唔鍾意普遍偏甜嘅玉子燒的話呢個可能係你杯茶!
 
總括嚟講整體水準都唔錯,不過可能期望越大失望越大,今次呢間有近百年歷史嘅鰻魚料理老舖並未有太大驚喜,但勝在味道同環境都極之懷舊、經典同傳統,想一試日本嘅百年老滋味,呢度可以一去。
 
日本一の鰻・京極かねよ
地址:京都府京都市中京区六角通新京極東入ル松ヶ枝町456
電話:075-221-0669
營業時間:11:30~20:30
休息:無