雖然《校對女孩 ‧ 河野悅子》已經完左好耐，但石原里美嘅百變look依然深入民心！劇中河野悅子夢想成為時裝雜誌編輯，雖然被分配到感覺老土嘅校閱部，但悅子照樣每日以唔同look華麗登場，而且唔止outfit，就連髮型都一樣咁百變，充滿正能量！
第一集就換咗10個造型，好誇張~
而如果細心就會留意到悅子係「絲巾控」，好多髮型都係用絲巾襯出黎！而且因為石原里美同好多人一樣都係有啲肉地嘅圓臉，所以劇中所用到嘅髮型大部分都好容易carry，而且頭髮及肩就可以紮到~就等小編親自示範比大家睇，就算無石原嘅顏值，都可以嘗試(๑>◡<๑)
1. 絲巾 X 低馬尾（手殘都識）
好簡單超簡單，梳條低馬尾再用絲巾綁個蝴蝶結就完成啦~
2.絲巾 X 扭扭髻
頭髮無石原咁長的話，首先將絲巾摺成長條形戴喺頭上，後面分成3part，扭進絲巾內再用髮夾固定，最後拉鬆製造自然感覺。可以用colorful啲嘅絲巾，感覺更加復古。
3.絲巾 X 鬢辮
首先綁好低馬尾，戴上絲巾，然後連同頭髮一齊鬢普通嘅鬢辮就完成啦~帶少少浪漫感覺，仲可以修飾面型！
4.絲巾 X 公主頭
上下各扭一束，用髮夾夾喺中間固定，再用橡筋綁起，系上絲巾蝴蝶結就可以。呢個有公主頭feel~氣質度up！
5.絲巾 X 丸子頭
呢個一樣超簡單！因為追求自然凌亂感，所以求其綁個丸子頭，再求其綁個蝴蝶結，就搞掂食碗麵！元氣滿滿der~
最後最後~除咗用喺頭上，其實仲可以戴係頸到點綴造型！
About Post Author
