恐龍戰隊!! 你嘅童年到底係屬於日版定美版?

恐龍戰隊!! 你嘅童年到底係屬於日版定美版?

『Power Rangers:戰龍覺醒』今日終於上映! 對上一套『PR』電影已經二十年前嘅事,而電視版就更加久遠啦。(日版恐龍戰隊係1992年日本首播,無線則為1994年,美版嘅『Power Rangers』則為1993年於Fox Kids,1995年於亞視播放。)呢套戰隊作品其實應該都係唔少人嘅集體回憶吧。唔知大家對邊個版本比較有印象?

恐龍戰隊!! 你嘅童年到底係屬於日版定美版?
恐龍戰隊!! 你嘅童年到底係屬於日版定美版?

日版恐龍戰隊,即係『恐龍戰隊 獸連者』,係首套1隊有6個人嘅超級戰隊系列。呢套嘢真係集中、西、古、今於一身。『恐龍戰隊 獸連者』故事係講一億七千萬年前,企圖消滅人類嘅「潘多拉魔女」同手下被封印於一個勁遠,勁偏僻嘅行星Nemesis,不過就俾去行星Nemesis探索嘅太空人唔小心開咗封印個蓋……(其實都好無言,個宇宙封印甕隨便放喺路中心,冇保安機關之餘仲離遠都見到…)

恐龍戰隊!! 你嘅童年到底係屬於日版定美版?

而對抗佢哋嘅,就係白魔導師巴札喺察覺到魔女復活之後,急急地底神殿召喚五位返嚟,沈睡已久嘅五族古代戰士,配合5隻恐龍守護獸組成嘅恐龍戰隊。影片由於係受到當時全球賣座嘅『侏儸紀公園』全球爆紅影響,先至有揀幾隻較受歡迎的恐龍同生物嘅主意。

恐龍戰隊!! 你嘅童年到底係屬於日版定美版?
美版就仲簡單。由於當時『侏儸紀公園』全球爆紅,美國Saban公司決定買『恐龍戰隊』個版權返嚟再重新編劇,包裝成『Power Rangers』再推出。不過話就話重新搞過,但都唔係真係由零開始拍過。劇集嘅形式係以美國嘅演員拍攝劇情同戰隊埋身格鬥嘅部份,而部份絕招片段同機械人嘅部份就直接用返日版嘅片段(所以每次一去到機械人戰或者變完身突然會返咗東京XD)。而主角亦唔似得日版係沉睡上千年嘅原始人古代戰士,而係一堆讀緊書嘅學生,俾一個叫就當嘅「立體影像」XD揀咗去對抗邪惡嘅麗塔女王統治世界。

恐龍戰隊!! 你嘅童年到底係屬於日版定美版?
恐龍戰隊!! 你嘅童年到底係屬於日版定美版?

當年美版嘅『新恐龍戰隊』同日版嘅『恐龍戰隊』係分別由亞視同無線買到版權,雖然未至於好似當年播『包青天』咁正面衝突,但就分別都有自己嘅粉絲,特別美版首歌不停咁「GO GO POWER RANGERS」真係洗咗唔少人腦。

恐龍戰隊!! 你嘅童年到底係屬於日版定美版?
boss是共用的

你嘅童年到底係屬於日版定美版?