為咗準備奧運，除咗硬件配套之外日本政府亦好希望建立一個更好嘅社會，其中一樣改革就係喺3月9日決定嘅「防止吸入二手煙 健康增進法」。奈良生駒市市政府為咗呼應法案，喺4月1日開始實施新禁煙規範，受到網民熱烈討論。
避免吸入二手煙健康增進法
3月9日日本厚生勞動省發表咗「防止吸入二手煙 健康增進法」，入面提到減少二手煙吸入嘅建議。例如考慮唔同場地、設施嘅需要而推行減少二手煙吸入措施。
日本厚生勞動省：http://www.mhlw.go.jp/topics/bukyoku/soumu/houritu/dl/196-11.pdf
4月1日開始禁止市政府員工在工作時間內吸煙
1.為咗避免到訪者同員工吸入二手煙，員工喺工作時間內禁煙。（食飯時間除外）
2.吸煙後45分鐘禁止搭?。除咗要員工遵守之外亦會貼出告示希望到訪者協助遵守。
當中指出對人體有害的揮發性有機物喺吸煙者食煙45分鐘之內會從體內排出。
3.對吸煙員工提供戒菸資訊、幫助
4.啟發所有員工思考吸煙對健康嘅影響等
上述措施並無提出罰則，不過喺守規矩嘅日本職場，煙民都應該會自動自覺遵守。
設立「禁止食煙區域」 6月1日開始監控
喺近鐵生駒站周圍設立「禁止吸煙區」，24小時禁煙。
會喺大約60個地方設置路面標示。違反者會收到提醒，如果繼續食煙就會被罰款2萬日圓。
圖中顏色標示嘅地面、樓上同樓下區域都要禁煙；可以食煙嘅只有圓點標示嘅區域。
網民反應有讚有彈 認為職場要求太嚴苛
「食飯時間得一粒鐘，就算好趕咁食完晏都要35分鐘啦！之後仲要45分鐘唔準搭?即係叫佢地唔好返！？」
「太無聊喇！咩都整個規定出嚟。雖然我唔食煙，但係咁做真係太過份。吸煙者既然比咗稅就應該有權食煙。」
「唉⋯已經做唔到落去喇⋯」睇完呢單新聞之後唔知點解腦海浮現一路嘆氣一路咁講嘅叔伯父(´・ω・`)
「45分鐘好似真係過份躢啲，雖然真係會有煙味。」
「呢個仲唔係歧視？」
「喺食煙嘅地方增設刷牙區嘅話問題就可以解決喇」
「雖然有好多批評嘅聲音，但係食煙擺明有害，對住人食更加係加害於人。所以應該要理解做喺人面前食煙等於犯罪。」
「對本身體弱嘅我嚟講係個好消息！希望班煙民好好遵守。」
－－－－－－－－－－－－－－－－－－－－－－－－－－－－－－－－－－－－
批評意見多數都係指出實際執行嘅難處，亦有人覺得煙民有食煙嘅權利。
讚成嘅就覺得咁做有助健康。
封面照片來源：NHK News Web
About Post Author
