【半夜三更去邊好?】「磯丸」有得食24小時壽司放題!

【半夜三更去邊好?】「磯丸」有得食24小時壽司放題!

大家有冇聽過「磯丸水產」?係咪覺得好似好熟口熟面呢?磯丸水產係一個以海鮮料理為主嘅連鎖居酒屋,目前喺全日本已經有成100間分店,所以曾經喺日本見過一啲都唔出奇,啲野食都幾好味㗎,未試過的話都可以一試。
 
【半夜三更去邊好?】「磯丸」有得食24小時壽司放題!
 
不過今次想介紹嘅並唔係呢間居酒屋,而係集團旗下新開嘅姊妹店「磯丸壽司」。呢間壽司店喺上年11月先開,主打海鮮壽司,同磯丸水產一樣都係24小時營業,仲有得食放題,係一眾深夜餓狼半夜三更嘅好去處!如果大家到日本之後或者離開日本之前都咁啱係凌晨,不妨過嚟食返餐超豐盛壽司放題先~
 
【半夜三更去邊好?】「磯丸」有得食24小時壽司放題!
 
放題有兩種價錢選擇,平啲嗰種可以食到80道料理,貴啲嗰種可以食到100場種料理,當中包括中拖羅、海鰻、海膽等等高級食材,全部都好新鮮,以呢個價錢半夜三更都可以食到咁高質嘅壽司,都幾驚喜!
 
【半夜三更去邊好?】「磯丸」有得食24小時壽司放題!
店內係一貫磯丸風格,裝修到成個漁港市場食堂咁,食都食得有feel啲!
 
【半夜三更去邊好?】「磯丸」有得食24小時壽司放題!
Menu都幾豐富,壽司仲可以一件一件咁叫,想食幾多叫幾多,啱哂想試多幾件唔同款式嘅人。
 
最後溫馨提示,磯丸壽司喺11月23日至30日嘅朝早11點到夜晚10點會有¥500折扣優惠,而磯丸水產一路大獲好評嘅「半價猜拳大會」喺磯丸壽司店內都有得玩,勝出者可以得到最高¥10,000嘅折扣優惠,搞到現場氣氛勁high,好好玩!
 
磯丸すし 横浜西口南幸店
地址:神奈川県横浜市西区南幸2-14-3 海東ビルB1・1F
電話:050-5784-2563
價錢:「ゆかり放題」 女士 ¥2,480、 男士 ¥3,480;
           「きづな放題」 女士 ¥3,480、 男士 ¥3,980
營業時間:24小時
休息:無