日本芫茜風吹到勁一勁，
最近東京新宿更加舉行咗世界第一個芫茜祭，吸引好多人嚟開餐～
場內18個小食亭，有日本、台灣、中東等等料理，
全部都賣芫茜食物同飲品，個別攤檔可以選擇走芫茜www
小編本身唔係太好芫茜，但因為太多人話芫茜好正，所以都嚟試食挑戰吓～～
結果…好多嘢都好好好好好食！
首先依個芫茜烤牛肉熱狗（600円）十分抵讚！
個熱狗會用鐵板烘熱，牛肉多到滿瀉，上面再鋪滿大堆芫茜～
一咬落去啲牛好juicy同感覺好新鮮，又唔會有肥膏，好好食～
第二就係依個芫茜蛋包麵（700円）～
店主聲稱係台灣風，但係我點食都覺得同平時日本嗰種蛋包麵冇分別w
佢喺普通嘅蛋包麵上面加咗芫茜先落醬，兩樣嘢意外地夾啊^^
第三就係依個芫茜燴海鮮（700円），成場最多人排隊，人氣NO.1~
大蝦好大隻，其他海鮮亦十分足料，本身芫茜味唔太重，
不過可以依據自己嘅喜好請店長加多啲芫茜比你www
最後有唔叫唔得嘅芫茜特飲（400円），其實係凍檸水加芫茜w
佢啲檸檬係同芫茜一齊製過，所以檸檬有啲芫茜味，芫茜又有啲檸檬味，
飲落好清涼好fresh，夏日熱辣辣，必點！
由於會場有好多檯櫈提供，所以都唔怕去到冇位坐^^
芫茜祭係期間限定，做到6月4號就完，大家把握機會去試吓啦^0^
About Post Author
