幾日前喺Twitter上傳咗一張白花油嘅相，大讚白花油可以舒緩到頭痛問題，呢個post即刻俾人瘋傳，至今已有近4萬likes Retweets同6萬8千幾個likes！究竟點解咁多日本人會咁有興趣？一齊睇下佢哋嘅留言！
9月16號果陣，有一位日本coser喺Twitter度up咗個post(花@senash15原文)，向大家推介呢支好有用嘅藥油。佢話，自己一直都有頭痛問題，即使keep住食止痛藥都無好轉。不過，將幾滴白花油落手指，再輕輕按摩幾分鐘，頭痛情況即刻有好轉，所以佢就好想推介俾大家喇！
而網民對於呢個post好似好感興趣，唔少人都有留言討論。部分人都指自己有用過白花油，都覺得好work！
有人睇完就話，自己同樣有頭痛問題，好想試下白花油嘅效果好唔好。
正當日本人討論緊白花油有咩用途果陣，除左可以治頭痛、除蟲，有人就講原來白花油對於花粉症有幫助！加兩滴落口罩，或者直接擦上鼻，據說真係舒緩到花粉症，真係長知識呀！
呢個人竟然話，用大量水去稀釋白花油，可以內服飲用⋯⋯我地check過白花油使用指引，講到明「只供外用」，所以大家都係唔好試喇！
有日本人問，日本嘅「薄荷油」同白花油係咪一樣嘅呢？原post作者就回應話，兩者好似有分別，建議大家都係買中國果隻白花油。
而講起喺邊買到白花油，網民就分別講起台灣、中國同香港都有得賣。原post作者就話，日本係無得賣嘅，所以自己都係靠通販買翻嚟。有人就建議大家去旅行果陣順便買埋。唔知遲啲日本人嚟香港，會唔會大量入手白花油做手信呢？
About Post Author
