2018冬季劇集喺3月逐漸吿一段落，各電視台即將喺4月開始新一季劇集。以下係今季晨間劇以外嘅免費電視台連續劇一覽，大家快啲mark定準備再開始追劇啦！（以下翻譯皆為暫譯）
週一
コンフィデンスマンJP（信用欺詐師 / 行騙天下JP／The Confidenceman JP）
*香港電視台購入確認
（截自《信用欺詐師 / 行騙天下JP》官方網頁）
電視台：富士電視台
播放時間：21:00〜
開播日期：4月9日
演員：長澤正美、東出昌大、小日向文世⋯⋯
劇本：古澤良太
原作：無
官方網頁：http://www.fujitv.co.jp/confidenceman_jp/index.html
故事簡介：《行騙天下JP》呢套搞笑娛樂劇正係以「慾望」同「金錢」為主題，描述驟眼望落落去平凡又善良嘅三位信用詐欺師點樣喺各個行業度用佢哋妙想天開嘅計劃去呃錢。主角Da子（長澤正美 飾）係個好神秘又有啲天然嘅信用詐欺師，伙拍認真又年輕嘅小Boku（東出昌大 飾）同身經百戰嘅Richard（小日向文世 飾）一行動，只要比佢哋瞄準嘅獵物通通都挑唔出佢哋非常識嘅陷阱之中，有時仲會連同伴都比佢哋呃到。到底被欺騙嘅係敵人定係朋友？講緊大話嘅人係邊個？又有邊個可以一直笑到最後呢？
ヘッドハンター（招聘專員）
（截自《招聘專員》官方網頁）
電視台：東京電視台
播放時間：22:00〜
開播日期：待定
演員：江口洋介、小池榮子、杉本哲太⋯⋯
劇本：林宏司
原作：無
官方網頁：http://www.tv-tokyo.co.jp/head_hunter/
故事簡介：以工作、經濟為主題嘅東京電視台全新劇集時段「電視劇Biz」由《招聘專員》打響頭炮！主角黑澤和樹（江口洋介 飾）係幫人轉工嘅招聘專員，佢會深入了解佢嘅客戶，令到企業同待業人士可以完美咁配對。佢有時被稱為天使，但都有人話佢係個惡魔。劇集就講述佢同佢嘅敵人同朋友係唔同人生「轉機」嘅期間中所見嘅人性故事。「你，究竟值幾多錢？」
◯◯な人の末路（〇〇的人的末路）
（截自《〇〇的人的末路》官方網頁）
（截自《〇〇的人的末路》官方Twitter https://twitter.com/matsuro_ntv/status/968396730495467521）
電視台：日本電視台
播放時間：24:59〜
開播日期：4月23日
演員：橫尾涉（Kis-My-Ft2）、宮田俊哉（Kis-My-Ft2）、二階堂高嗣（Kis-My-Ft2）、千賀健永（Kis-My-Ft2）⋯⋯
劇本：西条みつとし
原作：鈴木信行「中了一億圓彩金的人的末路」（商業書藉）
官方網頁：http://www.ntv.co.jp/matsuro/
故事簡介：「如果我咁做咗嘅話會點呢？」「如果我捲入咗呢件事又會點？」由Kis-My-Ft2子團體「舞祭組」四位成員分別演活「唔覺意用虛擬貨幣賺咗大錢嘅人」、「經營全日本最為客人著想嘅洗衣舖嘅人」、「好攰呀。好想返鄉下悠閒咁生活嘅人」同「唔小心租咗兇宅嘅人」，講述佢哋點樣生活，然後迎來點樣嘅末路。而同佢哋相關嘅人都各自為自己嘅人生作出咗選擇，令佢哋邁向唔同嘅末路。
週二
シグナル 長期未解決事件捜査班（Signal 長期未解決案件搜查班）
*香港電視台購入確認
（「改變過去、拯救未來」，截自《Signal 長期未解決案件搜查班》官方網頁）
電視台：關西電視台／富士電視台
播放時間：21:00〜
開播日期：4月10日
演員：坂口健太郎、北村一輝、吉瀨美智子、渡部篤郎⋯⋯
劇本：尾崎將也
原作：tvN「Signal」（韓國電視劇）
官方網頁：https://www.ktv.jp/signal/index.html
故事簡介：警察三枝健人（坂口健太郎 飾）細個嗰陣有位關係要好嘅女仔被拐帶並殺害，當時佢目擊到有謎之女人將個女仔拐走，但係冇警察肯理佢嘅證言，15年過去呢單案仍然未能解決，案件嘅限期亦漸漸逼近。有一日，三枝突然喺一部理應被廢棄咗嘅無線對講機聽到啲聲。把聲嘅主人，竟然係同佢追查緊同一單案嘅警察，喺度講緊同案件相關嘅線索。三枝最初都無法相信眼前嘅事實，但當佢去到嗰位警察提及嘅地方，竟然搵到一具屍骨⋯⋯係通訊嘅期間三枝知道嗰位警察係過去嘅人，佢哋通過呢部神祕嘅無線對講機，一齊合力將未解決嘅案件查個水落石出——
花のち晴れ〜花男Next Season～（花後天晴～花樣男子Next Season～）
（截自《花後天晴～花樣男子Next Season～》官方網頁）
電視台：TBS
播放時間：22:00〜
開播日期：4月17日
演員：杉咲花、平野紫耀（King & Prince）、中川大志、濱田龍臣、飯豐萬理江、今田美櫻、鈴木仁、中田圭祐⋯⋯
劇本：吉田惠理香
原作：神尾葉子「花後天晴～花樣男子Next Season～」（漫畫）
官方網頁：http://www.tbs.co.jp/hana_hare/
故事簡介：10年前《花樣男子》中道明寺司（松本潤 飾）率領嘅「F4」同牧野杉菜（井上真央 飾）嘅愛情故事隨住電影版嘅結束落下帷幕。喺佢哋畢業10年後嘅今日，英德學園竟然再次掀起一陣風波！女主角江戶川音（杉咲花 飾）係一個隱藏嘅平民，一直偷偷地喺便利店打工幫補家計，而且同另一間學校嘅馳天馬（中川大志 飾）有婚約。佢唔平凡嘅日子比神樂木晴（平野紫耀 飾）搞到更加混亂。神樂木係呢間超級豪門嘅學生，佢因為仰慕傳說中嘅道明寺前輩而組成「C5（Correct 5）」，被其他學生所崇拜，仲有學生特登為咗佢轉去英德就讀。到底江戶川同「C5」之間會擦出點樣嘅火花？佢哋又會點樣「活出屬於自己嘅人生」？
わたしに××しなさい！…／兄友（請對我××！⋯／兄友）
（截自《請對我××！⋯／兄友》官方網頁）
電視台：MBS／TBS
播放時間：25:28〜（另外MBS會喺星期日24：50～播出）
開播日期：3月27日（MBS首播：3月25日）
演員：玉城Tina、小關裕太、佐藤寬太、山田杏奈、金子大地⋯⋯（《請對我××！⋯》）／橫濱流星、松風理咲、古川毅⋯⋯（《兄友》）
劇本：北川亞矢子（《請對我××！⋯》）／中川千英子（《兄友》）
原作：遠山繪麻「請對我××！⋯」／赤瓦もどむ「兄友」（漫畫）
官方網頁：http://www.mbs.jp/batsushina_anitomo/
故事簡介：兩套人氣戀愛漫畫同時播出電視劇版，為電影揭開序幕！《請對我××！⋯》講述人氣男子時雨（小關裕太 飾）因為被雪菜（玉城Tina 飾）知道咗佢嘅秘密，逼住要同佢持續進行唔同嘅戀愛任務。本來佢只係為咗戀愛小說嘅橋段而生嘅任務到底幾時變成真正嘅戀愛⋯⋯？！《兄友》則係跟唔上今時今日嘅戀愛嘅七瀨麻衣（松風理咲 飾）同靚仔但好怕羞消極嘅西野壯太（橫濱流星 飾）之間嘅愛情故事。兩個故事會喺同一時段嘅上下兩部播出。
週三
特捜9（特別搜查班9）
（截自《特別搜查班9》官方網頁）
電視台：朝日電視台
播放時間：21:00〜
開播日期：4月11日
演員：井之原快彥（V6）、寺尾聰、羽田美智子、中越典子⋯⋯
劇本：深澤正樹、岡崎由紀子、真部千晶⋯⋯
原作：無
官方網頁：http://www.tv-asahi.co.jp/tokusou9/#/?category=drama
故事簡介：由2006年開始播放嘅《警視廳搜查一課9係》喺上年播出嘅第12季隨住主演渡瀨恒彥嘅逝世畫上句號，但9係嘅故事仲未結束。當時9係因為係長加納倫太郎（渡瀨恒彥 飾）嘅調職而解散，不過一年後總監決定要將9係嘅同事重組成為新嘅部門「特別搜查班」，由宗方朔太郎（寺尾聰 飾）帶領下解決唔同事件。敬請期待「特搜9」嘅活躍！
正義のセ（正義的正）
（截自《正義的正》官方網頁）
電視台：日本電視台
播放時間：22:00〜
開播日期：4月11日
演員：吉高由里子、安田顯、三浦翔平、廣瀨愛麗絲、塚地武雅、平埜生成、宮崎美子、生瀨勝久⋯⋯
劇本：松田裕子
原作：阿川佐和子「正義的正」（小說）
官方網頁：https://www.ntv.co.jp/seigi-no-se/
故事簡介：女主角竹村凜凜子（吉高由里子 飾）係橫濱地方檢察廳嘅檢察官。只係第二年做檢察官嘅佢雖然有啲笨拙，但係咩都會比足心機去做，就算煩到身邊嘅人都會公正咁處理案件。隨住故事發展，作為檢察官同作為女性嘅佢都漸漸成長，觀眾一邊睇住都一定會倍感精神。
週四
警視庁・捜査一課長season3 〜ヒラから成り上がった最強の刑事!〜（警視廳・搜查一課長season3～由普通職員成長至最強的警察！～）
（截自《警視廳・搜查一課長season3～由普通職員成長至最強的警察！～》官方網頁）
電視台：朝日電視台
播放時間：20:00〜
開播日期：待定
演員：內藤剛志、安達祐實、塙宣之（KNIGHTS）、金田明夫⋯⋯
劇本：安井國穗、田邊滿、谷口純一郎⋯⋯
原作：無
官方網頁：http://www.tv-asahi.co.jp/ichikacho3/#/?category=drama
故事簡介：繼2012年第一季、2016年第二季後嘅系列新作，故事繼續以率領超過400名精英警察臨場調查各宗案件嘅搜查一課長大岩純一（內藤剛志 飾）為主角，講述佢同可信嘅下屬點樣一齊負起責任解決唔同嘅案件。當中仲會繼續穿插大獲好評嘅「東京最新情報」同「鮮為人知嘅東京最新名地方」，將正積極籌備奧運嘅東京嘅魅力盡顯大家眼前。
未解決の女 警視庁文書捜査官（未解決的女人 警視廳文書搜查官）
（截自《未解決的女人 警視廳文書搜查官》官方網頁）
電視台：朝日電視台
播放時間：21:00〜
開播日期：4月19日
演員：波瑠、鈴木京香、沢村一樹、遠藤憲一、工藤阿須加⋯⋯
劇本：大森美香
原作：無
官方網頁：http://www.tv-asahi.co.jp/mikaiketsu/#/?category=drama
故事簡介：隨住殺人等犯罪嘅時效被廢止或延長，日本警方為咗解決呢啲經過一年或以上都搵唔到犯人嘅事件而喺全國嘅警察本部設立專屬部門去調查。本劇嘅舞台正係參考上述部門，講述格鬥派熱血警察矢代朋（波瑠 飾）同頭腦派冷靜警察鳴海理沙（鈴木京香 飾）呢對性格迴異嘅拍檔點樣解開謎團。有別於一般查案方法，隸屬「文書解讀系」嘅兩人將透過文字去調查案件，係一部爽快嘅偵探劇。
モンテ・クリスト伯 −華麗なる復讐−（基度山伯爵 -華麗的復仇-）
（截自《基度山伯爵 -華麗的復仇-》官方網頁）
電視台：富士電視台
播放時間：22:00〜
開播日期：4月19日
演員：藤岡靛、大倉忠義（關傑尼斯∞）、山本美月、新井浩文、高橋克典、高杉真宙⋯⋯
劇本：黑岩勉
原作：大仲馬「基度山恩仇記」（小說）
官方網頁：http://www.fujitv.co.jp/MONTE-CRISTO/
故事簡介：改編自法國文豪大仲馬喺十九世紀出版嘅經典小說，講述男主角柴門暖（藤岡靛 飾）被奪去心愛嘅女性同未來嘅屋企人，含冤喺地獄咁嘅環境監禁咗15年，被孤獨同憤怒激起復仇嘅心。佢一邊以一個美好嘅人嘅假像繼續生活，一邊暗地裡開始展開復仇⋯⋯
ラブリラン（LOVE RERUN）
（截自《LOVE RERUN》官方網頁）
電視台：讀賣電視台／日本電視台
播放時間：23:59〜
開播日期：4月5日
演員：中村杏、古川雄輝、大谷亮平、片瀨那奈、大政絢⋯⋯
劇本：永田優子、大林利江子
原作：天沢アキ「ラブリラン」（漫畫）
官方網頁：http://www.ytv.co.jp/lovererun/
故事簡介：因為15年來一直單戀青梅竹馬嘅鷺澤亮介（大谷亮平 飾），女主角南さやか到咗30歲都冇拍過拖。但係有日佢起身，突然見到眼前出現左一個自稱係佢同居男友嘅陌生男子町田（古川雄輝 飾）！喺搵返佢嘅記憶嘅同時，南嘅心思都開始搖擺不定，到底最後佢會點選擇？由失憶開始嘅新感覺愛情喜劇，即將上演。
週四
執事 西園寺の名推理（執事 西園寺的名推理）
（截自《執事 西園寺的名推理》官方網頁）
電視台：東京電視台
播放時間：20:00〜
開播日期：4月13日
演員：上川隆也、八千草薰⋯⋯
劇本：田中真一
原作：無
官方網頁：http://www.tv-tokyo.co.jp/shitsuji/
故事簡介：主角西園寺一（上川隆也 飾）係一個完美嘅執事。佢所侍奉嘅係一個好奇心旺盛又有少少天然嘅貴婦人。有日，佢哋遇上咗一單殺人事件。因為貴婦人對案件感到疑惑，所以西園寺開始獨自搜查事件。佢以佢嘅知識同能力將事件嘅謎底解開，作為完美執事帶比大家最正嘅偵探娛樂片。
デイジー・ラック（Daisy Luck）
（截自《Daisy Luck》官方網頁）
電視台：NHK
播放時間：22:00〜
開播日期：4月20日
演員：佐佐木希、夏菜、中川翔子、德永繪里、鈴木伸之、桐山漣、磯村勇斗、長谷川朝晴、矢野聖人⋯⋯
劇本：橫田理惠
原作：海野つなみ「Daisy Luck」（漫畫）
官方網頁：http://www.nhk.or.jp/dramatopics-blog/22000/290164.html (未有官方網頁）
故事簡介：改編自《逃跑可恥但是有用》原作者嘅另一作品，講述楓（佐佐木希 飾）、薰（夏菜 飾）、Michill（中川翔子 飾）同惠美（德永繪里 飾）四個兒時玩伴喺惠美嘅婚禮中重聚。但就喺嗰一日，楓嘅公司突然破產，又比男朋友飛咗，30歲人先成為雙失青年。佢決定要實現自己細個嘅夢想——成為麵包師傅。雖然喺小區度有人肯請佢整麵包，但係呢條路都唔易行，前輩安藝（鈴木伸之）嘅指導都十分嚴厲。喺楓開始咗全新生活嘅同時，專注喺高級美容院工作嘅薰、極窮嘅手袋職人Michill同新婚嘅惠美都有唔同嘅日常等緊佢哋。佢哋嘅未來會係點呢？
あなたには帰る家がある（有家可歸的戀人們）
（截自《有家可歸的戀人們》官方網頁）
電視台：TBS
播放時間：22:00〜
開播日期：4月13日
演員：中谷美紀、玉木宏、木村多江、Yusuke Santamaria⋯⋯
劇本：大島里美
原作：山本文緒「有家可歸的戀人們」（小說）
官方網頁：http://www.tbs.co.jp/anaie/
故事簡介：改篇自1994年大熱嘅婚姻小說，加上製作組向超過100名女性調查佢哋對婚姻同家庭嘅感覺，務求令已婚嘅大家都有所共鳴。主角佐藤真弓（中谷美紀 飾）結咗婚13年，正同老公秀明（玉木宏 飾）、女兒一齊生活。但隨住女兒升讀私立中學，各種家庭支出令佢決定要出嚟工作維持生計。但係秀明又冇咩危機感，亦冇對真弓嘅工作同家務伸出援手，所以真弓開始對佢不滿。與此同時，秀明遇上同真弓完全相反嘅已婚女性茄子綾子（木村多江 飾），並漸漸互相吸引⋯⋯
家政夫のミタゾノ（家政夫三田園）
（截自《家政夫三田園》官方網頁）
電視台：朝日電視台
播放時間：23:15〜
開播日期：4月20日
演員：松岡昌宏（TOKIO）、剛力彩芽、余貴美子、椿鬼奴⋯⋯
劇本：八津弘幸
原作：無
官方網頁：http://www.tv-asahi.co.jp/mitazono/#/?category=drama
故事簡介：延續2016年嘅第一季，今次最強女裝家政「夫」三田園薰（松岡昌宏 飾）伙拍新人家政婦五味麻琴（剛力彩芽 飾），繼續同觀眾窺探唔同家庭嘅秘密。三田園嘅興趣係知道咗嗰個家庭嘅秘密之後設下陷阱，令家庭因此而破碎。時隔1年半，今次佢到底又會掀起點樣嘅風暴？
孤独のグルメ Season 7（孤獨的美食家 Season 7）
（截自《孤獨的美食家》官方Facebook https://www.facebook.com/kodokugurume/）
電視台：東京電視台
播放時間：24:12〜
開播日期：4月6日
演員：松重豐、久住昌之⋯⋯
劇本：未知
原作：久住昌之、谷口治郎「孤獨的美食家」（漫畫）
官方網頁：http://www.tv-tokyo.co.jp/kodokunogurume7/
故事簡介：由2012年開始嘅人氣系列迎來第7季，仍然係由井之頭五郎（松重豐 飾）一個人喺街到「搵食」，邂逅難以言喻嘅美味。今季將會回歸初心，推廣不為人知嘅隱世美食，由和式料理到中華料理一應俱全，仲會有從未介紹過嘅種類，助你望梅止喝（然後變得更肚餓）。
宮本から君へ（來自宮本給你的話）
（截自《來自宮本給你的話》官方網頁）
電視台：東京電視台
播放時間：24:52〜
開播日期：4月6日
演員：池松壯亮⋯⋯
劇本：真利子哲也
原作：新井英樹「來自宮本給你的話」（漫畫）
官方網頁：http://www.tv-tokyo.co.jp/miyamoto_kimi/
故事簡介：宮本浩（池松壯亮 飾）喺大學畢業後成為咗一個營業部職員，但係佢仲未係好成熟，所以仲未能做好佢份工，亦正為自己喺社會嘅存在意義而煩惱。返工嗰陣，佢喺代代木嘅月台對某間公司嘅接待員甲田美沙子一見鍾情，一直都想同佢講嘢，但有好多次都白白睇住機會溜走⋯⋯到底宮本喺事業同戀愛方面會點成長？佢會搵到自己嘅生存方法嘛？你又會喺宮本身上得到點樣嘅訊息呢？
週六
やけに弁の立つ弁護士が学校でほえる（崩壞的教育現場上戰鬥的律師）
（截自《崩壞的教育現場上戰鬥的律師》官方網頁）
電視台：NHK
播放時間：20:15〜
開播日期：4月21日
演員：神木隆之介、田辺誠一、岸井ゆきの、濱田マリ⋯⋯
劇本：濱田秀哉
原作：無
官方網頁：http://www.nhk.or.jp/dodra/yakeben/
故事簡介：欺凌、體罰、怪獸家長、老師嘅過勞⋯⋯教育現場正逐漸崩壞，在此校園律師們立下戰書，以法律同學校嘅問題對抗！新任律師田口章太郎（神木隆之介 飾）正被派去成為校園律師，為青葉第一中學解決唔同難題。到底田口會點做？係冇正確答案嘅學校問題當中，佢開始咗奮鬥嘅每一日——
Missデビル 人事の悪魔・椿眞子（Miss Devil 人事部惡魔・椿真子）
（截自《Miss Devil 人事部惡魔・椿真子》官方網頁）
電視台：日本電視台
播放時間：21:00〜
開播日期：4月14日
演員：菜菜緒、佐藤勝利（Sexy Zone）、木村佳乃、船越英一郎、和田正人⋯⋯
劇本：山浦雅大
原作：無
官方網頁：http://www.ntv.co.jp/missdevil/
故事簡介：「你擁有辭職嘅權利。」超越「惡女」嘅「惡魔」椿真子係位人事顧問，狠辣嘅手段為人聞之喪膽，將辦公室嘅黑暗面表露無遺。喺佢嘅職權騷擾下，到底會點樣大膽地解決辦公室入面嘅種種問題？社長到底點解會請佢？新入職嘅社員們又會點樣成長落去？
おっさんずラブ（大叔的愛）
（截自《大叔的愛》官方網頁）
電視台：朝日電視台
播放時間：23:15〜
開播日期：4月21日
演員：田中圭、吉田鋼太郎、林遣都、内田理央⋯⋯
劇本：未知
原作：無
官方網頁：http://www.tv-asahi.co.jp/ossanslove/#/?category=drama
故事簡介：去年年末大獲好評嘅單發短劇《大叔的愛》正式連續劇化！特別鍾意巨乳嘅大叔春日創一（田中圭 飾）雖然好想結婚，但係生活常識為0，完～全唔受女仔歡迎。突然有日，佢被其實好有少女心嘅上司同同住抖S後輩吿白！最後春日會情歸何處？所謂「常識」同「鍾意一個人」又係點樣嘅概念？超越既有概念嘅純愛故事由今個春天開始！
いつまでも白い羽根（一直都是白色羽毛）
（截自《一直都是白色羽毛》官方網頁）
電視台：東海電視台／富士電視台
播放時間：23:40〜
開播日期：4月7日
演員：新川優愛、伊藤沙莉、加藤雅也⋯⋯
劇本：小松江里子
原作：藤岡陽子「一直都是白色羽毛」（小說）
官方網頁：http://tokai-tv.com/shiroihane/
故事簡介：木崎瑠美（新川優愛 飾）因為考唔上大學而入讀護士學校。但係佢本身冇興趣成為護士，又唔擅長同人相處，根本冇可能成為護士。所以佢喺實習嘅同時，亦猶疑緊係咪要退學重新再考大學。但喺同性格迴異嘅同伴相處、初戀、仲有同病人一齊奮鬥之間，瑠美開始探索到全新嘅自己，並䦒始想成為護士⋯⋯「你，又係咪以真實嘅『你』活著？」
週日
ブラックペアン（黑色止血鉗）
（截自《黑色止血鉗》官方網頁）
電視台：TBS
播放時間：21:00〜
開播日期：未定
演員：二宮和也（嵐）、竹内涼真、葵若菜、内野聖陽⋯⋯
劇本：丑尾健太郎
原作：海堂尊「黑色止血鉗1998」（小說）
官方網頁：http://www.tbs.co.jp/blackpean_tbs/
故事簡介：《黑色止血鉗》改編自《白色榮光》系列原作者嘅小說。人稱「手術室嘅惡魔」嘅渡海征司郎（二宮和也 飾）係以其優秀嘅縫合技術同手術成功率100%喺醫院出名嘅孤傲外科醫生。有日，新任精英講師高階權太（小泉孝太郎 飾）加盟渡海所在嘅醫院，並引入手術用嘅最新醫療器具，將「唔需要外科醫巧妙嘅技術」嘅手術形式帶入去。醫院、研究室、藥廠、醫療器具生產商同厚生勞動省之間嘅問題，仲有新技術內隱藏住嘅黑暗面漸漸浮出。渡海會點樣保護屬於外科醫生嘅尊嚴？「呢對係拯救生命嘅神之手？定係會奪去所有嘅惡魔之手？」
崖っぷちホテル！（岌岌可危的酒店！）
（截自《岌岌可危的酒店！》官方Twitter https://twitter.com/gakehote2018/status/970304330900189184）
電視台：日本電視台
播放時間：22:30〜
開播日期：4月15日
演員：岩田剛典（三代目J Soul Brothers）、戶田惠梨香、濱邊美波、中村倫也⋯⋯
劇本：土田英生
原作：無
官方網頁：https://www.ntv.co.jp/gakehote/
故事簡介：「歡迎光臨『岌岌可危的酒店』！」呢度係一間位於郊外嘅小酒店，曾經佢係為人所知嘅高級酒店，但隨住年月流逝，酒店面臨破產，服務態度惡劣，當中嘅員工仲要全部都係充滿個性嘅奇怪人！喺呢個時候，一位年輕嘅住客出現咗。但喺呢個時候，大家都唔知道佢將會改變成間酒店⋯⋯
About Post Author
