近年唔少外國影視都會嚟香港拍外景，為呢個繁華嘅城市添上全新嘅故事。今季就有由小池榮子同吉澤亮雙主演嘅《戀愛香港（恋する香港）》將舞台由日本移到香港，成套劇仲會喺香港取景！
一共有四集嘅《戀愛香港》係日本關西嘅電視台MBS所計劃嘅，係一套短篇嘅愛情懸疑搞笑劇。故事講述日本藝人Elly（最上Moga飾）喺香港拍記錄片嘅途中，突然被香港人Daniel（永田薰飾）誘拐，令到拍攝現場十分混亂。喺呢個時候，記錄片嘅導演健太（吉澤亮飾）遇上咗日藉遊客真樹（小池榮子飾）。真樹嚟香港係為咗同交友網站認識嘅男性會面，但一直都見唔到對方。原來真樹因為冇自信心而喺交友網站度用咗Elly嘅相做頭像，令Daniel偶然見到Elly就以為佢係自己一直想見嘅真樹。一個誤會令真樹、健太、記錄片嘅助導彩（馬場富美加飾）、Elly同Daniel五個人嘅命運交織起嚟。
今次劇集有近年極速走紅嘅新星吉澤亮伙拍前輩小池榮子主演，雖然年齡差13歲，但都無阻兩人之間嘅火花。加上前電波組.inc嘅最上Moga、東海地區偶像組合MAG!C☆PRINCE嘅永田薰同近日先拍攝完《Code Blue 3》嘅馬場富美加，相信可以帶比觀眾新鮮感又不失豪華。兩位主演仲表示好期待今次喺香港拍攝，希望可以令大家感受到香港嘅景色之餘都會享受呢個故事。
琴日（9／25）劇組就正式喺香港開始拍攝，仲上載咗馬場富美加同最上Moga喺外景場地嘅相，話會喺Twitter不定時更新拍攝花絮。各位香港粉絲可以留意下，劇組隨時就喺你左近！拍咗成日之後馬場富美加喺Instagram話覺得好熱，喺香港咁悶熱嘅天氣下仲要投入拍攝工作真係辛苦曬佢啦。(原圖)
（翻譯：《戀愛香港》今日開始拍攝啦。好熱。唔使提啦。好熱。大家敬請期待。原圖
而吉澤亮都喺今日（9月26日）正式加入劇組拍攝，同演員們仲有香港嘅工作人員愉快地合作中，仲同路過嘅貓玩得好開心?。希望佢地喺拍攝期間都可以好好享受喺香港嘅日子啦～
（原圖）
吉澤亮同永田薫喺茶餐廳場景合照
（原圖）
永田薫與最上もが
（原圖）
（原圖）
《戀愛香港（恋する香港）》
10月8日起逢星期日深夜0：50（初回深夜1：24～1：54）MBS電視台首播
10月10日起逢星期二深夜1：28（初回深夜1：58～2：28）TBS電視台播放
官方網站：http://www.mbs.jp/koisuru-hongkong/
官方Twitter：https://twitter.com/mbs_koisuruHK
About Post Author
