第19屆香港動漫電玩節（下稱動漫節）聽日（7月28日）正式開羅喇！相信喜愛日本動漫或遊戲嘅大家一定唔會錯過～入場前不妨做下功課，等我地同大家率先介紹有咩精彩必看亮點，等大家辛苦排完隊入場唔會錯過喇！
1）PlayStation® 精彩舞台活動＋優惠！試玩 PS VR＋GT SPORT
相信機迷一定會去PS攤位！因為今年PlayStation®合共邀請6位重量級遊戲製作人同埋3位著名聲優遠道來港，包括遊戲《Monster Hunter: World》製作人 辻本良三、監督 德田優也、遊戲《Dragon Ball FighterZ》系列製作人平野真之、超人氣聲優 堀川亮(聲演角色-比達)、《NARUTO to BORUTO 新忍出擊》製作人 新野範聰、著名聲優 竹内順子(聲演角色-漩渦鳴人)、《真‧三國無雙8》製作人 鈴木亮浩；而香港網路紅人達哥更加會率先試玩遊戲！
優惠方面，相信粉絲都知道每年去PS攤位賣遊戲同主機都會由折扣！動漫節首3日（28至30日）、每日頭3名買滿3,000元產品嘅顧客可以以排隊次序免費獲得1項禮品，包括價值8,380元嘅SONY 43吋4K超高清ANDROID TVTM電視、價值4,760元嘅SONY《火影忍者 疾風傳》限量版Walkman及頭帶式耳機或價值3,699元嘅APIGA AP1賽車架。不過真係想要呢個優惠就真係要早D黎排下隊啦～
2）Hot TOYS 羅列世界級經典英雄角色
第二個絕對有驚喜嘅就係世界頂級珍藏人偶品牌Hot TOYS攤位！呢度你會搵到全球首次展出嘅MARVEL《雷神奇俠3：諸神黃昏》THOR同HULK嘅1:1情境雕像！另外仲有STAR WARS 40周年企劃人偶、DC Comics《正義聯盟》全隊超級英雄角色1:6比例珍藏人偶等等～仲有搶先發售嘅精品，絕對係英雄漫畫迷必到朝聖之地！
星期五早上入場朋友千祈唔好錯過開幕活動，早上10點到中午12點都會由Kylo Ren為首帶領First Order帝國軍小隊佔領展位（F02）大家可以把握機會同星戰角色影相留念！
3）17位LEGO達人砌出香港地標千期百趣主題 Build Amazing Hong Kong
今年LEGO®展位以「Build Amazing Hong Kong」為主題，搵左17為香港LEGO達人砌左6件「我最期待的香港大型盛事」，當中不乏香港著名地標，超具影相留念打卡價值！通場更舉行「LEGO®建築師大賽」等大家可以投票，隨時有機會贏得豐富獎品。而展館商店方面更設有搶先獨家發售精品，例如新電影旋風忍者系列。消費滿港幣＄1200更可換領限定版LEGO®中環前立法會大樓或40220 London Bus，真係好吸引！
4）XBOX最強主機現身：試玩 Xbox One X、4K賽車
Xbox今年都會推出會場優惠！而且今年更加首次於香港公開全新「最強主機」Xbox One X！想目睹4K細膩畫質、試玩首次於香港曝光嘅多個世界知名遊戲《Forza Motorsport 7》、《Crackdown 3》、《Dragon Ball Fighter Z》同《Super Lucky’s Tale》等等就一定要去A01攤位啦！另外配合今年第一屆兒童玩具展，Xbox攤位都設有家庭玩樂體驗區，等小朋友可以以氣球打造出《Minecraft》三個主要角色Steve、Creeper同Pig影Selfie留念！
5）日清合味道 跨次元發展
日清合味道相信好多港人都鍾意食，今年動漫節日清合味道推出2次元美少女角色，一個叫Kappu、一個叫Mido，係以揚威海外嘅香辣海鮮味為藍本創造架～除左有機會可以撞到呢兩位可愛美少女之外，大家仲可以即場影靚靚即影即有添！
動漫電玩節已經舉行到第19屆，相信大家有黎過都知道呢度有幾多模型、動漫、同人商品、Cosplay同舞台表演睇啦！木棉花、角川、玉皇朝等等都有動漫周邊發售，而會場更有熊本熊、多啦A夢等人氣可愛角色攤位。而今年第一屆兒童玩具節更設有3D照相區、大型充氣滑梯等，可以俾小朋友盡情玩樂。想知更多攤位詳情可以瀏覽番各個官方網站啦！
第19屆香港動漫電玩節
日期：2017年7月28日至8月1日
時間：上午10:00至晚上9:00（8月1日閉館時間為晚上8:00）
地點：灣仔會展1號展館
票價：35元
About Post Author
