2016最有風格成功男人 – GQ Men of The Year 結果公佈!

2016最有風格成功男人 – GQ Men of The Year 結果公佈!

權威男性雜誌GQ每年都會由各國《GQ》編輯團隊從各領域選出最有風格嘅成功男人代表,堪稱全球男士最高榮譽。日本版尋日就舉行咗「GQ Men of The Year 2016」頒獎典禮,並頒發共7個Men of The Year 獎項畀今年分別喺電影、音樂、體育及綜藝界發熱發亮嘅當紅代表。一齊睇下結果啦!
 
菅田將暉(演員)
 2016最有風格成功男人 – GQ Men of The Year 結果公佈!
今年23歲嘅菅田將暉共拍攝9套電影,並奪得日本電影電視製作人協會選出嘅新人獎。不論電影定電視劇嘅作品都成為話題,即使係廣告表演都show咗充滿個性嘅形象同演技。今年最hit唔係Masaki係邊個?
 
貝克茉秋(奧運柔道男子90kg級金牌選手)
 2016最有風格成功男人 – GQ Men of The Year 結果公佈!
21歲嘅貝克選手今年首次出戰里約奧運即成為第一個奪得90kg級賽事金牌嘅日本運動員。膽識與知識兼備嘅貝克茉秋被稱爲「千禧年世代」嘅柔道家,並象徵住一個新時代嘅柔道。大家都好期待佢4年後嘅表現呀!
 
Trendy Angel(搞笑藝人)
 2016最有風格成功男人 – GQ Men of The Year 結果公佈!
2015年於吉本興業主辦嘅全日本漫才大賽嘅敗者復活戰到成功攀升至成為冠軍,成為一時佳話既搞笑雙人組Trendy Angel,無論係綜藝節目、搞笑漫才節目、公演抑或係拍廣告同日劇都有相當耀眼成績嘅佢哋同樣被選為2016年嘅Men Of The Year!就連綾野剛拍廣告嘅時候都放下平時cool cool嘅現象大玩「齊藤先生」嘅梗添!
 

 
吉川晃司(歌手,演員)
 2016最有風格成功男人 – GQ Men of The Year 結果公佈!
知名男歌手吉川晃司,連張國榮都有翻唱過佢嘅歌曲!2015年會拍攝話題日劇「下町火箭」飾演主角阿部寬嘅好對手,亮眼演技引起話題。2016年更推出新專輯「WILD LIPS」及開巡遊演唱會,以及寫歌畀日本水球國家隊。最難忘嘅係佢今年為故鄉廣島嘅球隊「廣島東洋鯉魚」嘅日本大賽比賽上演唱日本國歌。
 

飯塚翔太、桐生祥秀、ケンブリッジ飛鳥、山縣亮太
(里約奧運銀牌得主 日本田徑國家隊 4X100接力代表)
 2016最有風格成功男人 – GQ Men of The Year 結果公佈!
今年於里約奧運成為日本史上第一次4X100接力項目中奪得銀牌嘅四位選手,連世界上跑得最快嘅男人保特都讚佢哋Great team work!
 

渡邊謙(演員)
 2016最有風格成功男人 – GQ Men of The Year 結果公佈!
比起2015年被提名美國劇場界最高榮譽東尼獎嘅最佳男主角、2016年嘅渡邊謙成績更加亮眼。2月先做完胃癌手術,3月已經飛去紐約繼續出演百老匯音樂劇《國王與我》,4月同9月亦分別有兩套電影作品《追憶之森》同《怒》喺日本上映。渡邊被視為少數真正成為國際級巨星嘅日本男演員。
 
小澤征爾(指揮)
 2016最有風格成功男人 – GQ Men of The Year 結果公佈!
曾擔任波士頓交響樂團音樂總監以及維也納國立歌劇院首席指揮嘅小澤征爾,今年成功以收錄拉威爾名歌劇《孩子與魔法》嘅專輯奪得美國格萊美最優秀歌劇錄音獎。佢亦都從柏林管弦樂團得到名譽團員嘅稱號,及於10月得到柏林名譽市民嘅稱號。GQ仲話呢個世界級嘅指揮其實已經包攬晒最光榮嘅獎項,反而可以頒發Men Of The Year畀佢係GQ嘅光榮添!
 
以上嘅咁多位得獎者,你對佢哋今年嘅表現又有幾深刻?
 
資料來源:日本版GQ