京都念慈菴揚威海外 在美日掀起潮流

京都念慈菴揚威海外 在美日掀起潮流

美國京都念慈菴川貝枇杷膏熱潮

2月22號《華爾街日報》報道京都念慈菴川貝枇杷膏近期受到民眾歡迎,唔少原本咳咗好耐嘅用家都表示京都念慈菴可以舒緩感冒症狀同埋醫咳。喺紐約中國市場負責人更加話網上由市價嘅$7.8美元炒至$70美元,計返要成$500幾蚊港紙。

《華爾街日報》Facebook  page就有網民講笑叫美國人病咗唔好靠食京都念慈菴,要去睇醫生,因為佢唔想見到個價再升。

京都念慈菴揚威海外 在美日掀起潮流
《華爾街日報》

日本京都念慈菴人氣

除咗美國之外,原來喺日本京都念慈菴都幾出名。日本人一開始知道京都念慈菴係因為演員、歌手去香港、台灣演出嘅時候受到當地歌手推薦。所以日本大眾對京都念慈菴嘅印象係「連專業歌手都會用嘅有效喉糖」,慢慢變成去香港、台灣會買嘅手信。

上年12月播出嘅《有吉弘行のダレトク(有吉弘行的誰得益)》入面淺野裕子同堆紫吹淳都不約而同將「買京都念慈菴喉糖、川貝枇杷膏」加入香港一日遊嘅行程。可以睇到京都念慈菴喺日本藝人當中嘅人氣。

京都念慈菴揚威海外 在美日掀起潮流
節目介紹3位日本女藝人嘅香港半日遊:傳送門

 

日本亞馬遜

日本亞馬遜可以搵到京都念慈菴嘅各種產品。唔同味嘅喉糖、各式包裝嘅川貝枇杷膏,甚至會注明產地係香港定台灣。

京都念慈菴揚威海外 在美日掀起潮流
日本亞馬遜

日本網民對京都念慈菴普遍都一致好評。睇下亞馬遜上面嘅評論啦!

喉糖

「京都念慈菴喉糖無論邊隻味都咁易入口,原味就好似杏仁豆腐咁好好食。」

「喺電視節目見到藝人去台灣藥房買先知呢隻喉糖。一食就覺得喉嚨好舒服,係食日本喉糖無嘅感覺!」

「非常有效嘅喉糖,而且獨立包裝方便攜帶,係出門旅行嘅必備!」

 

川貝枇杷膏

「喺香港,京都念慈菴川貝枇杷膏係主流嘅大賣商品。喉嚨又乾又痛,或者痰唔清嘅時候既可以沖少少熱水飲,又可以就咁食。甜甜地非常易入口⋯⋯可以作為屋企看門口嘅藥。」

推薦比久咳不清嘅人:「我丈夫試過好多隻咳藥水、喉嚨噴霧都唔得⋯醒起細細個係新加坡食過川貝枇杷膏,比丈夫一試就好咗好多喇!」

評論入面仲有網民譯返川貝枇杷膏嘅詳細說明書,真係好有心呀!