放假時,一班女仔鍾意約埋一齊去街旅行,香港女仔係咁,日本女仔都唔例外,佢哋都鍾意同好姊妹去「女子旅」,去日本近郊地區relax下。

由於女子旅實在太受歡迎,京急電鐵推出左「葉山女子旅一日遊券」,等你去神奈川葉山玩返日,從另一個角度欣賞富士山。

 

「葉山女子旅きっぷ」包括:

京急電車、京濱急行巴士乘車券+葉山餐飲券+精選手信券

 

京急電車

由出發站至新逗子站來回,中途可以落車但回程前不可再逆行乘車及落車。

 

京濱急行巴士

一日遊券可乘坐京濱急行巴士來往以下車站:

逗子站至前田橋站

新逗子站至川久保站

逗子站至葉山站

逗子站至於九品寺站

 

留意以上範圍外嘅站都需要另外收費,詳細巴士號碼可以睇番以下官網(http://www.keikyu.co.jp/information/otoku/otoku_hayamagirl/map.html),乘車時間同時刻表可以睇以下網址(京濱急行巴士檢索)https://timetablenavi.keikyu-bus.co.jp/dia/route/web/exp.cgi


雖然呢張叫女子旅一日遊券,不過男士們其實都可以買咖,情侶遊當然更加冇問題,組番個兄弟團「男子遊」又得。



女子旅一日遊券

售賣車站:
京急線各站(泉岳寺站、羽田機場國際線站、羽田機場國內線站及新逗子站除外)票務中心及自動售票機

價錢:由2,600日圓至3,000日圓不等,視乎由邊個站出發。

如果由品川站出發,票價為3000日圓;橫濱站出發,票價為2800日圓,各站票價可睇番官網(http://www.keikyu.co.jp/information/otoku/otoku_hayamagirl/fare.html

 

葉山餐飲券

一日遊券包一餐定食,一共有22間餐廳揀,提供指定和食、中國菜、西餐選擇,當中包括森戶海岸海產、自家農場、獲獎嘅神奈川縣產豚肉等食材製作嘅美食。想知有咩食同地址可以睇番官網(逗子﹒葉山ごはん券)http://www.keikyu.co.jp/information/otoku/otoku_hayamagirl/restaurant.html

留意:每間餐廳都有指定時間用餐飲券,就算有餐飲券都係要用其他食客一齊排隊等位,所以去之前一定要睇清楚可使用時間。

 

精選手信券

除左交通同餐券,女子旅遊券仲包埋手信,提供10間當地特產畀你做手信,當中有甜品、小食、茶包、精品等。

例如呢間位於新逗子站嘅ミサキ冬甩專門店就有三件冬甩+手挽袋。

 

景點推介:

森戶神社

位於森戶海岸嘅森戶神社出名求姻緣,亦係一個䏲靚景嘅地方,好天可以睇到江之島同富士山。

地址:〒240-0112 神奈川県三浦郡葉山町堀内1025

開放時間:09:00-16:00

前往方法:新逗子站南出口2號巴士站坐逗12號巴士到森戶神社站,步行2分鐘。

====================

神奈川縣立近代美術館葉山館

由2003年開館至今嘅神奈川縣立近代美術館葉山館定期展出藝術品,係感受葉山文化藝術氣息嘅好地方。

參觀美術館要畀入場費,不過由於每場展覽會入場費都唔同,所以詳情需要睇番官網(http://www.moma.pref.kanagawa.jp/hayama/info.html),國際博物館日及文化之日可免費入場。

 

地址:〒240-0111 神奈川県三浦郡葉山町一色2208-1

開放時間:09:30-17:00

定休日:星期一、12月29日至1月3日

前往方法:於新逗子站南出口2號巴士站坐逗12號巴士到三ヶ丘站,步行4分鐘。
 

====================

山口蓬春紀念館

另一個文化藝術之地就係位於美術館附嘅山口蓬春紀念館。山口蓬春係已故日本畫家,皇宮亦掛有作佢嘅作品杉戶繪《繪》,紀念館係佢生前創作地方,死後大家為咗念紀佢,就將呢度變成紀念館,展出佢嘅畫作。

前往方法:新逗子站南出口2號巴士站坐逗12號巴士到三ヶ丘站,步行4分鐘。

====================

葉山しおさい公園

葉山しおさい公園係傳統日本庭園,由1987年開園至今,裡面除左有庭園景觀同富士山景,仲有一間相模灣海洋生物博物館,可以了解呢帶地區捕魚發展。


地址:〒240-0192 神奈川県三浦郡葉山町堀内2135番地

入場費:高中生或以上300日圓、中小學生150日圓

開放時間:08:30-17:00

定休日:星期一

前往方法:新逗子站南出口2號巴士站坐逗12號巴士到一色都海岸站,步行2分鐘。
 

====================

一色海岸

一色海岸係三浦半島睇日落西最靚嘅地方,富士山加上日落,絕對係旅程咖可以錯過嘅地方。

前往方法:新逗子站南出口2號巴士站坐逗12號巴士到一色都海岸站。