日男票選 「最想成為的臉」排行榜 藤岡靛封王

日男票選 「最想成為的臉」排行榜 藤岡靛封王

呢個由日本男性投票選出嘅「最想成為的臉」排行榜其實Oricon Style今年已經係第8屆搞架啦!以往榜上面嘅名字都係一啲大家耳熟能詳嘅名字、同埋屬於王道靚㗎仔嘅樣。不過今年嘅賽果就有好多黑馬跑出,仲爆冷添喎!唔知係咪代表著日本娛樂圈口味嘅一個變遷呢?
 

一齊睇下結果先:

 

第10位 山崎賢人(初上榜)
第9位 櫻井翔 (2015年第8位)
第8位 玉木宏 (2015年未上榜)
第7位 福士蒼汰 (2015年第2位)
第6位 妻夫夫聰(2015年未上榜)
日男票選 「最想成為的臉」排行榜 藤岡靛封王
第5位 木村拓哉(2015年第1位)
日男票選 「最想成為的臉」排行榜 藤岡靛封王
第4位 向井理(2015年第5位)
日男票選 「最想成為的臉」排行榜 藤岡靛封王
第3位 佐藤健(2015年第10位)
日男票選 「最想成為的臉」排行榜 藤岡靛封王
第2位 竹野內豐(2015年第9位)
日男票選 「最想成為的臉」排行榜 藤岡靛封王
第1位 藤岡靛(初上榜)
日男票選 「最想成為的臉」排行榜 藤岡靛封王
 
今年光榮奪得首位嘅係第一次上榜、曾經喺香港同台灣發展過嘅藤岡靛(Dean Fujioka)!今年藤岡靛喺日本嘅發展非常精彩,繼舊年出演NHK晨間劇爆紅之後今年分別同深田恭子、織田裕二拍攝日劇《請和這個沒用的我談戀愛》同《IQ246》,又接拍多個廣告,即時結咗婚有埋細路一樣無影響佢成為女觀眾殺手!

 

第二位就係資深男演員竹野內豐。話說佢真係越老越man~!已經係4字頭嘅佢非常受男性歡迎,更加有男選民都話佢man到如果自己係女仔都會被佢迷倒添!小編超中意佢呢個系列嘅廣告,完全體驗到咩叫大前輩級嘅型呀!

 

第三位係從舊年第10位一躍而上嘅佐藤健。近年嚟佢喺戲劇界表現非常突出,演技實力亦獲得認同,憑《天皇的料理番》獲得演技獎。拍《浪客劍心》系列電影嘅動作場面亦英姿凜凜,令唔少男性都非常欣賞佢呀!

 

呢個時候大家可能會問,咦?福山雅治呢?其實佢已經於2014年達成5連霸所以封入殿堂喇~唔知大家、尤其是男性讀者,對呢個Ranking又點睇呢?

資料來源:Oricon Style