相信唔少中意日本、留意好多日本topic嘅LikeJapan嘅讀者都知道呢對主人翁係邊個！佢哋就係台灣超人氣Facebook「粉絲團」－「雖然媽媽說我不可以嫁去日本」入面嘅茂木夫婦啦～～
茂木夫婦經營嘅粉絲團（即係我哋香港叫嘅Facebook Page）至今已經有超過35萬Like，而當初就係嚟自台灣嘅女主角茂木太太（薏涵）成立嚟記敘佢同日本人男朋友（而家已經係老公）嘅茂木先生嘅愛情點滴。佢哋嘅關係亦都係從Facebook開始。當年311嘅時候，修讀日文系嘅台灣大學生女主角薏涵於Facebook受到一名陌生日本男子嘅私訊，一句：「Hello，how are you？」，同埋薏涵嘅一句：「Hi. 日本の方ですか？」就將兩人關係打開。
茂木太太喺Facebook Page將佢哋相戀時發生嘅趣事、日台價值觀嘅不同、在日本打工嘅日常、同茂木先生喺日本旅行嘅點滴、幫茂木先生準備便當及晚餐等等非常日常嘅圖片及網誌公開同大家分享，吸引好多憧憬跨國戀愛、或者單純喜歡日本文化、或者想知道事態發展嘅花生友們follow。終於，各位粉絲真係見證住兩人成功Goal in－茂木先生求婚成功、而到而家佢哋仲生埋寶貝女添呀！
小編最有印象就係佢哋喺涉谷街頭、淺草、鎌倉等香港人都中意去嘅旅遊熱點到影咗堆超有型嘅婚紗相～
圖片全部源自【雖然媽媽說我不可以嫁去日本】Facebook Page
佢哋嘅愛情故事有如偶像劇劇情一樣，因此早就已經出咗書（小編都有支持！）。不過咁獨特嘅故事仲吸引埋電影公司將其拍成電影！終於可以係大銀幕見到茂木夫婦嘅故事啦！雖然佢哋唔係演返自己，不過佢哋都有喺電影入面客串w 大家可以尋找下佢哋喎！
女主角為台灣女演員簡嫚書，男主角則由日本男演員中野裕太飾演。電影將於5/27於日本上映，然後6/16台灣上映。唔知呢段風靡台日兩地嘅跨國戀曲有冇機會嚟香港上映呢…
About Post Author
