名古屋嘅日本LEGOLAND®終於開幕！ 相信大家都應該已經PLAN好晒、買晒機票預備去LEGOLAND®打卡玩掛，定係其實你已經買咗全年通行證？ 不過無論你係預備去定諗緊去唔去，呢樣野都係要知！ 原來LEGOLAND®下半年有幾個月係一個星期放兩日假架。
LEGOLAND®開幕剛好一個月多少少，每日都吸引到大量遊客到訪。不過踏入6月，即係園方劃為「淡月」，部分星期就會開始實施「一週兩休」嘅政策。
究竟咩係「淡月」同「一週兩休」？同全年無休嘅USJ同迪士尼唔同，LEGOLAND®係將一啲預計會比較少人入場嘅月份定為「淡月」，而「淡月」嘅每個星期二、三都會定為休息日，即係樂園會休園唔開放，一方面畀員工可以保證5天工作，同時方便設施維護嘅工作。點解係星期二、三？ 因為園方認為一般家庭星期二、三較難一家大細入場，而「淡月」則係以旺、淡季，同以多雨月份作為決定因素。
以2017年為例，嚟緊嘅6、7、9、11、12月都被劃分為「淡月」，除咗6同9月全部星期二、三都會休息外，7、11、12月嘅大部分星期二、三都會休息。雖然休園日其實開幕前已經喺官網通知咗大家邊日休園，不過就仍然有一堆冇睇官網就衝「全年通行證」嘅遊客表示不滿，直指樂園「坑遊客」，仲話「要保證５天上班，請多幾個人輪班咪得囉」。
其實除咗部分星期二、三會休息外，日本LEGOLAND®嘅營業時間其實按不同日子都係有分別的，大家PLAN行程之前最好都係上官網睇多兩睇啦。
資料來源:https://www.legoland.jp/
About Post Author
