做咩呀！男仔鍾意Sanrio唔得咩！
冇錯，呢五個美男子係超級鍾意Sanrio嘅五位高中生「Sanrio男子」。分別鍾意Hello Kitty、Melody、布甸狗、肉桂狗同Little Twin Star。
其實如果有留意開Sanrio嘅話，都知呢隊組合推出咗一段時間，仲有自己嘅官方Twitter，其實係日本嘅Sanrio二次元愛好者粉絲中已經好有人氣。官方Twitter仲成日放圖討好粉絲，不過本系列就講明話嚴禁二次創作嘅。
Wallpaper仲可愛過我。
上個月，Sanrio男子突然嚟個聲優發表，姐係話呢班高中生係會講嘢！但個秘密計劃就無揭曉，而今日！終於都知道，原來Sanrio男子會推出手機戀愛遊戲！俗稱溝仔game嘅乙女遊戲！
事實上，雖然畫風同人設到唔錯，但我真係未接受到呢班靚仔鍾意咁可愛嘅卡通人物嘅事實。（非歧視，純粹未接受到lol）
有埋關係圖，但點解可以複雜到…
遊戲唔單止可以享受DOKI DOKI（讓人心跳加速）嘅校園戀愛生活，每個主角都會有兩款ending。另外，仲會有Avatar玩、即係可以換下衫、換下牆紙…俾多個機會Sanrio逼你課金…
遊戲會喺今年秋天2016年推出，如果而家去官方網站進行事前登錄仲可以攞到特典添！
暫時睇人設，我鍾意最man嘅源誠一郎，但係我都係未接受到佢最鍾意肉桂狗呢個事實…（更何況本人Sanrio系列好感度最低係肉桂狗www）
講！係咪其實你女朋友逼你著既件T-shirt！
有粉絲就表示其實啲男高中生可以唔洗溝女主，自己圍內hehe就得。你又會唔會玩呢隻game呢？
（利申：經驗話俾我知，戀愛遊戲係可以學到日文，仲要幾有用個隻XD）
About Post Author
