[專欄:香港在日本]

家樂牌麻辣鮮露,呢個名連香港人嘅小編都無乜聽過…但係近來竟然係日本興起咗香港麻辣鮮露熱潮,更有唔少日本人嚟香港掃麻辣鮮露貨!其實今次事緣係因為一位日本漫畫家瀧波ユカリ,畫咗一篇漫畫去推廣麻辣鮮露…

(原圖傳送:按我)

瀧波老師仲自力將日文漫畫翻譯做中文,可以睇得出佢對麻辣鮮露係真愛啊啊啊!以下就係佢所上載嘅中文版漫畫:

(原圖傳送:按我)

 

 

老師與香港麻辣鮮露的相遇

大家都見到瀧波老師有幾鐘意麻辣鮮露,但其實佢同麻辣鮮露係點相遇嘅呢…

事緣就係瀧波老師係2017年3月去香港旅行。

(原圖傳送:按我)

 

老師隨便喺超市買咗支家樂牌調味料(就係麻辣鮮露!) 話麻辣鮮露有山椒同辣椒嘅味道好過癮又啱烏冬。佢喺香港買完麻辣鮮露之後帶返日本,麻辣鮮露都一直陪住佢…

包括佢食火鍋嘅時候~(佢已經開始希望日本都有得賣)

(原圖傳送:按我)

 

仲有食水餃嘅時候都會加~(開始對麻辣鮮露有欲望)

(原圖傳送:按我)

 

隨住冬天嘅來臨,瀧波老師會成日用麻辣鮮露嚟食火鍋配料,所以最後一支嘅麻辣鮮露只剩下40ml以下!

(原圖傳送:按我)

 

面對自己對麻辣鮮露嘅渴求,1月2號瀧波老師上載咗一幅宣揚麻辣鮮露美味之處嘅漫畫啦!佢仲首先將漫畫翻譯咗做中文,之後仲有翻譯成英文等5國語言嘅打算。瀧波老師對麻辣鮮露嘅愛真係好偉大,仲想用唔同語言宣傳佢嘅美味!

依一篇漫畫令到麻辣鮮露係瀧波老師嘅粉絲之中人氣大爆發,成為咗粉絲們途經香港嘅必買手信。

 

 

 

相信香港人其實對麻辣鮮露接觸唔多,其實味道又係點架呢?我地睇吓日本粉絲點評價佢:

(有花椒粉同辣椒嘅陣陣辣味,會對世界作出「點解之前無依種味道架?」嘅疑問。最推薦嘅食法係加喺便利店嘅關東煮)

 

 

(不愧係家樂牌,用一支就乜都做到。炒野、火鍋、前菜都用到。鹹味強所以可以完全決定到野食嘅味道。)

 

 

後話:近來瀧波老師屋企中嘅麻辣鮮露用到所剩無幾,佢出現咗咁嘅感歎:

(偶然戀上好難到手嘅調味料…只有將麻辣鮮露擬人化拍成電視劇…)

(原圖傳送:按我)
 

有關呢件事編輯部就有直接同官方(聯合利華(香港)有限公司)方面詢問過,結果對方咁樣回覆:

非常謝謝您對Knorr家樂牌麻辣鮮露的支持。麻辣鮮露自2015年在香港上市以來,因其獨特的鮮麻香辣,加上少油健康,即刻受到香港消費者喜愛,更成為旅客來港旅遊最常買的手信之一。我們很開心也非常感謝日本職業漫畫家瀧波ユカリ在Twitter上用漫畫推薦麻辣鮮露,引起網民的瘋傳與迴響,目前麻辣鮮露只在香港販售,但我們看到了這股熱潮,會留意並且評估拓展銷售點的可能性,讓更多喜愛麻辣鮮露的消費者能夠買到該商品。
 

其實瀧波老師最後已經搵到人係香港寄麻辣鮮露比佢啦!大家唔洗擔心

大家睇完係咪好想試一試日本人讚不絕口嘅麻辣鮮露呢?鐘意食辣嘅人可以去超市睇下有無得賣,可能一試愛上!