［20/4 update］
之前就報導過由於北海道唔夠薯仔，所以令Calbee卡樂B同湖池屋停售pizza味等十幾款薯片。除咗引來網上炒風同秋葉原有人擺街炒賣外，一般市民亦開始進入「冇薯片時代」。
不過pizza味薯片咁好食就真係好難忍嘅。所以有網友就發揮終極望梅止渴嘅精神……
紙造嘅米奇老鼠pizza薯片你點睇呀？
(來源:https://www.instagram.com/p/BTD_iiIjUHE/)
原來呢包「薯片」係由網友大野萌菜美用紙皮造嘅，佢平時已經有用紙皮箱嘅紙皮造勞作，由坦克到啤酒罐到怪獸都整過喎。今次佢呢包「薯片」由包裝袋到薯片都係紙皮造架。唔知係大家餓太耐定手工真係太好，唔少日本人都以為真係重新發售添。
ピザポテトがないのでダンボールで作ってみました。 #ピザポテト #ダンボール #Cardboard https://t.co/qxW83DmiNr pic.twitter.com/5L9tw6nrkv
— 大野萌菜美@ダンボール (@mbrid02) 2017年4月19日
－－－－－－－－－－－－－－－－－－－－－－－－－－－
你係咪「薯片粉」(唔係講前財爺呀XD)？ 如果你係薯片迷而最近又會係日本買薯片食嘅話，記得留意！ 有部分薯片可能會冇‧得‧賣！
話說上年8月，北海道就連續受到多個颱風吹襲，由於有好多農田都浸晒水，令到農業收穫大受影響。其中一樣影響就係北海道薯仔嚴重失收。
原來日本國內係有頗大數量嘅薯片原來都係用北海道薯仔(即國產薯仔，日本卡樂B就有七成原料來自北海道)，而為了維持商品品質同一致性，卡樂B（Calbee）同湖池屋決定暫時無限期停產部份薯片產品。而包括相對常見嘅「淡鹽味」等產品都受影響，好似卡樂B有18種產品將於4月15日停產，另外再有15種產品將於22日停產。
而湖池屋亦已有16種商品停產。到時當市面上嘅存貨完全消化後，就唔會再補貨。大家想食又有機會嘅話，好快入定貨啦。
不過香港版薯片用嘅薯仔唔係由北海道嚟，所以係唔受影響。
About Post Author
