九號水產將會於6月16日喺黃埔開幕!

九號水產總面積5萬呎,係全香港最大嘅海鮮主題概念場!入面有使用上等食材嘅食店之外,仲有海鮮大街、優質食材店、同埋漁港探知館~

首先入到去會見到呢個「漁港探知館」區域~

呢到好多頂級海鮮嘅圖案,全部都可以喺呢到買到或者食到㗎!

再行前少少可以見到呢個船艙透視,呢個區域別具意義,因為主辦人想帶俾大家睇香江漁民精神。

主辦人開創原因係佢做開採購,想將上等食材帶俾香港人,做一個可以買又可以食到上等食材嘅地方~而且採購都好講究,親身去小漁村入貨而唔係去漁市場

 

然後介紹一下呢個海鮮大街,呢到有好多唔同飛機嚟嘅海鮮~

呢到可以買到有唔同地方產嘅龍蝦、象拔蚌、高級活魚、日本深海巨蟹同各種貝類等~呢到水缸嘅水都好講究,唔同嘅海產會有唔同嘅水溫,連鹽度都會計好,慕求所有海產都有最好嘅環境生長。


呢到另一個賣點係佢嘅售後服務!佢地會好仔細將海產作新鮮處理,包括清洗、以高度保鮮包裝,買完返去唔洗再自己作任何處理,可以即煮!

 

接住介紹嘅係優質食材店,優質食材店有好多日本進口食材,分別有可以買到最新鮮食材嘅慢煮區、加工製品嘅快煮區同埋即食嘅易食區

 

日本醬料、麵類、急凍食品、生蠔、長腳蟹應有盡有!其中重點推介日本長腳蟹之外仲有呢個好特別嘅急凍餃子!通常食到嘅餃子都係以豬肉製作,而呢隻餃子係用魚製作㗎!分別有饅魚、鰤魚、三文魚同埋舌拿魚4隻味道~($26~38/12隻)

另外仲有全港獨家墨西哥有機藍莓,超級香超級大粒啊!($69.9/盒)

 

食肆方面,現時有4間食店會喺6月16日開幕,其他店舖會分階段開幕。4間食店分別有「頤之味壽司吧 Daimanzoku」、「饒之味居酒屋 Zeppin」、「蟹筵」、「寿司翔太」、各餐廳各有特色!

詳情請看:九號水產高水準日本餐廳

另外如果帶小朋友嚟仲有得一齊玩㗎!呢個主題漁船可以透過玩樂親身體驗一下漁民嘅生活,呢到分別有3個網,由少至多魚~大家可以試下個重量~

另外仲有個海底油樂園~你可以油顏色上畫紙上,完成後將作品交到服務台scan,你嘅作品就會出現喺LED螢幕上!

 

呢個集合食、玩、買嘅5萬呎全新海鮮主題概念場係咪好吸引呢?

詳細:

九號水產

地址:九龍紅磡德豐街8號黃埔新天地第九期地下

電話:2121 0606

營菜時間:10:00~23:00