VS嵐10周年紀念!特別篇解構

VS嵐10周年紀念!特別篇解構

4月12日晚嘅黃金時段,富士電視台播咗《VS嵐》10周年嘅2小時特輯,邀請唔同嘉賓同人氣偶像嵐一齊玩遊戲同抽鬼牌,如常帶畀觀眾愉快嘅時光!

節目由2012年開始喺香港轉播,相信讀者都唔會覺得陌生,小編自己亦可以算係喺《VS嵐》嘅見證下長大成人(笑)10周年並唔係一個容易達到嘅數字,到底佢哋今次會點樣慶祝呢?

*以下內容含輕微劇透,雖然唔會透露遊戲嘅經過同結果,但還請小心食用
圖/截自《10周年紀念 VS嵐春天的2小時特別篇(10周年記念 VS嵐春の2時間SP)》(2018年4月12日播出)

——-

 

《VS嵐》簡短介紹

先同大家介紹吓個節目先啦~《VS嵐》係由2008年4月12日開播嘅冠名綜藝節目,由嵐主持並邀請嘉賓同佢哋對戰,至今已經VS咗351次啦。開播年半左右後正式進軍黃金檔,經過多次改版後變成依加嘅賽制:嵐會同「Plus One」嘉賓(們)同隊對抗嘉賓隊,以4~5個遊戲決一勝負。

VS嵐10周年紀念!特別篇解構

今次一開場,唔知各位忠實粉絲有冇覺得好熟口面呢!!!

冇錯,雖然近年有問觀眾問題嘅「Opening Quiz」、玩小遊戲攞額外分嘅「Opening Chance」同畀嵐五子按一個話題傾吓計嘅「Opening Talk」等嘅開場方法,但係啱啱開播嗰陣,其實佢哋係喺中間行出嚟開始節目㗎!不過喺2011年中旬開始中間條樓梯就冇再出現過啦。

VS嵐10周年紀念!特別篇解構

 

10周年紀念嘅嘉賓隊成員

今次嘉賓隊由出演過最多次《VS嵐》嘅搞笑藝人兒嶋一哉(UNJASH)率領常客們組成,相信有睇開嘅讀者都好熟佢哋(笑)

VS嵐10周年紀念!特別篇解構
令人感到安心嘅常客們:山崎弘也(不可接觸)、小島瑠璃子、菊地亞美、狩野英孝、小木博明(小木矢作)、兒嶋一哉。背心上面仲寫住佢哋參戰嘅次數!

呢啲搞笑藝人可以話為《VS嵐》錦上添花。只靠嵐五子撐起成個節目其實係好辛苦嘅,但係有咗搞笑藝人盡顯本職幫手帶動氣氛,可以帶界觀眾更多歡樂。好似下圖咁,二宮對菊地亞美嘅嫌棄小劇場已經成為菊地出演《VS嵐》嘅慣例~小編睇親都忍唔住笑XD

VS嵐10周年紀念!特別篇解構
(二宮:返歸啦你!)

今次嘅Plus One就由嵐嘅大親友、同事務所嘅生田斗真擔任。佢其實係參戰《VS嵐》最多次數嘅傑尼斯藝人,啲遊戲都畀佢玩到熟哂,所以絕對有信心會留下好嘅結果喎!

VS嵐10周年紀念!特別篇解構
 

無可替代嘅存在「天音」

除咗嵐、嘉賓同工作人員們之外,「天音(天の声)」都係不可或缺嘅存在。佢哋負責旁述遊戲發展同帶起話題,偶然仲會參與遊戲?,睇住佢哋可以邊玩邊旁述真係五體投地(笑)

天音主要係由富士電視台嘅主播負責,但係曾經都有段時間係由搞笑藝人天野博之(Kyaeen)擔當。目前嘅天音主要有3位主播輪流負責,今次負責嘅係第二代天音、亦係有份輪流緊嘅中村光宏主播為大家旁述。而抽鬼牌環節「BABA嵐」嘅天音就係同樣有份輪流嘅谷岡慎一主播。

VS嵐10周年紀念!特別篇解構
 

經典遊戲「Giant Crash」

講到今次嘅遊戲,首先登場嘅係「Giant Crash」(初登場:2009年10月22日),亦係今次特輯中唯一嘅經典遊戲。呢個遊戲係工作人員為咗慶祝《VS嵐》進軍黃金時段而設計嘅新遊戲,玩家要選擇3個方塊令佢下降但係又唔會整冧VS肌肉君。不過當初佢喺記招公開比傳媒試玩嗰陣,VS肌肉君竟然冇冧到,成為9年嚟唯一一次「no crash」XD

VS嵐10周年紀念!特別篇解構
(VS肌肉君~10周年紀念特別版~)

每次工作人員喺VS肌肉君身上都花盡心思,配合嘉賓或者節目內容而獨有嘅設計。今次十周年紀念特登喺蛋糕度插上十支蠟燭,仲用左嵐嘅代表色(藍、紅、綠、黃、紫)?!

VS嵐10周年紀念!特別篇解構

 

「樣貌MIX對決」

之後有大受好評嘅特別環節「樣貌MIX對決」 (初登場:2017年10月26日),近年嘅《VS嵐》不時為咗配合嘉賓隊而設計特別遊戲,呢個就係為咗配合電影《MIX》(港譯《乒乓情人夢》)而衍生出嚟嘅,要估出同圖一MIX埋一齊嘅人物。

VS嵐10周年紀念!特別篇解構
(隨後嘅「樣貌MIX對決」 令大家相當興奮!!先生你到底係邊位啊???)

 

「Circle Hunter」

接住係「新」遊戲「Circle Hunter」(初登場:2018年3月21日),係改良自當時為支援者JAPAN隊而設嘅特別環節「追趕吧JAPAN」。今次因為兒嶋喺事前訪問中話想玩,就預備咗呢個遊戲。

VS嵐10周年紀念!特別篇解構
(Circle Hunter規矩:Target –> 30秒內喺氣球冇被整穿嘅情況下成功逃跑就30分 Hunter –> 整穿氣球嗰刻剩底嘅秒數 x 3分)

事實上,《VS嵐》喺制作遊戲上真係好有心機㗎。除咗不時增添新遊戲之外,工作人員亦會改良舊有環節,令節目更公平、大家玩得更投入、觀眾都睇得更開心。

「Circle Hunter」係兩個人嘅對決遊戲,Hunter要追實Target用座位側面嘅尖銳部分整穿氣球。為咗令玩家更自由地轉方向,今集開始就喺座位上安裝咗個煞掣畀大家。到底Hunter們能否成功狙擊?Target們又走唔走得甩?留待大家自己睇啦。

VS嵐10周年紀念!特別篇解構

 

勝負戰「Bomber Striker」

最後兩隊以「Bomber Striker」(初登場:2017年3月23日)決勝負。呢個係近期常用於最後一戰嘅遊戲,需要全隊人同心協力逐個「碌Ling」擊倒唔同目標。咁有紀念性嘅一集會點樣為遊戲部份劃上句號呢?就交比你去揭曉啦。

VS嵐10周年紀念!特別篇解構

 

抽鬼牌!「BABA嵐」

緊接落嚟係「BABA嵐」。佢由2013年開始到而家已經係第13次,並繼續沿用第7次(2016年6月30日)開始嘅特別規矩,拎住鬼牌嘅人發動「Shuffle Time」之後就會有粒骰仔跌落嚟,要求隨機人員交換牌。今次「Shuffle Time」嘅骰仔升級,只要唔擲中骷髏骨,所有人都要按指示交換牌,增加鬼牌嘅流動性咁話。小編個人覺得可以將抽鬼牌呢個少少無聊嘅遊戲拍到咁緊張刺激又搞笑真係好正,基本上都笑到停唔到~最後被鬼牌深愛住嘅係⋯⋯我都係唔講落去啦,快啲去睇啦!!

VS嵐10周年紀念!特別篇解構
(Shuffle Time:右1 –> 所有人都要將自己嘅牌畀右邊嘅玩家)

VS嵐10周年紀念!特別篇解構

 

喺抽鬼牌前工作人員精選咗幾個《VS嵐》嘅經典場回顧。嗰幾幕真係歷歷在目,到依家都仲記得好清楚。節目完結前部份嵐嘅成員都有提及佢哋心目中最難忘嘅一刻。唔知你哋心目中最深刻難忘嘅《VS嵐》又係點嘅呢?(笑)

VS嵐10周年紀念!特別篇解構
(10周年特別企劃:嵐五子一齊講吓難以忘懷嘅經典場面!)

 

10周年特別篇就係咁落下帷幕,但《VS嵐》仲會繼續陪伴大家,創造更多美好回憶!今後還請大家多多支持~

 

《VS嵐》(富士電視台)
播放日期:逢星期四(不定期停播)
播放時間:日本時間晚上7時正~7時57分(不定期延長)
主持:嵐