去旅行通常都係得嗰短短幾日,想爭取每分每秒玩到盡,除咗睇多幾本旅遊天書之外,小編靜靜雞話畀大家知最近發現咗個幾方便好用嘅app,叫做「LocoBee」!


就係呢個Logo喇!喺App Store同Goole Play  搜尋LocoBee」就會搵到!又或者可以直接去呢兩條link download:

iOS:https://www.likejapan.com/locobeeiosblog

Android:https://www.likejapan.com/locobeeanblog

呢個app雖然唔係咩旅遊資訊資料庫,但勝在網友答得夠快又回覆率高,有咩疑難雜症上去一開個post,隔一陣就會有人解答,唔使自己做一堆research之餘仲要唔知啱唔啱,有心嘅話仲可以識到唔少朋友,夠哂方便!

裝完之後只要reg埋account就可以使用,可以用facebook acoount或者Email註冊,之後就可以出post發問或者推介旅遊資訊俾其他人喇!

 

LocoBee 4大必用功能:

 

1. 掌握最新在地人推介、好玩資訊!

去得多日本,最熱門嘅景點可能都去過,有時想搵啲隱世少少嘅景點,又或者某啲好玩好食嘅地方,真係得在地人先知,所以問返當地人就最啱!LocoBee有個function係可以開post畀大家發問同討論,又或者share旅遊資訊,例如喺東京唔知住邊好,只要開個post,如果咁啱有網友有心水推介,就會即時回答你,有啲仲會好好咁貼埋張相畀你睇,有圖有真相!

有網友詢問知唔知邊度有特色住宿,緊係冇問題!有人推介咗間漫畫主題嘅Guest House!

 

2. 你問我答!達人解答疑難雜症!

去旅行plan路線係小編覺得最頭痕嘅地方,有時以為自己plan得好完美,點知預算時間錯誤,點與點之間嘅移動距離係連超人都唔會趕得到!為咗避免呢啲情況發生,出發前甚至可以將行程postLocoBee問吓各位嘅意見,話哂有唔少玩家都係日本人,個plan實際上行唔行得通,佢地就最清楚~

有人直接問有冇2-day trip嘅行程參考,網友們又點會托手踭!

大家只要禁介面中間人個 +號,然後揀Need Help就可以出post問

 

3. 搵當地人帶路遊隱世名店!

LocoBee除咗可以開post問野,仲有個好好玩嘅地方就係開咗定位的話就可以知道附近有冇人同你一樣玩緊LocoBee,如果你夠大膽,不妨透過個app識個朋友做你local guide,帶你捐窿捐罅搵在地人先知道嘅隱世食店!

唔單止可以用日文,英文一樣有大把人用,完全唔會有雞同鴨講嘅情況!

 

臨近櫻花季,仲有人透過個app搞咗個Hanami Party約人出嚟齊齊賞花,識外藉朋友嘅機會嚟啦!

 

4. LocoBee Mag介紹日本資訊

LocoBee唔單止可以發問問題,App內仲會定期更新自家電子英語雜誌「LocoBee Mag」介紹日本相關資訊,想了解多啲日本嘅各方面文化,問完問題不妨碌過去望返兩眼~

 

⬇︎實測⬇︎

雖然個App以日本資訊為主,但使用語言就唔局限喺日文,小編試過用中文問一樣有網友回應,仲覆得好快添!

問完條問題好快已經有人覆我,仲要好詳細地畀埋地址添!

 

總括嚟講,呢個app非常簡單易用,雖然目前所見未算有太多玩家,不過由於大部份玩家都好活躍,所以問親問題好快就會有人覆,加上大部份都係佢地親身試過嘅心水推介,中伏機會相對地較細,去日本玩的話都可以download嚟玩吓!

LocoBee下載點:

iOS:https://www.likejapan.com/locobeeiosblog

Android:https://www.likejapan.com/locobeeanblog