去到日本唔買「威」就走寶喇 – 日本買威士忌好去處!

去到日本唔買「威」就走寶喇 – 日本買威士忌好去處!

上次同大家約略介紹左威士忌嘅分類,了解完當然要實戰啦!
 
去到日本就算你唔買,總梗有個朋友叫你幫佢班支「響17, 響21」返黎比佢享受一下。如果唔知窿路的話好多朋友都會等到臨走Duty Free先黎入貨,唔係話唔得,Duty Free有嘅酒款始終有限,而且日威的話仲有好多價錢特別嘅「特別版」俾大家選購。其實日本烈酒稅比香港相對平,所以就算買其他國家出產嘅Whisky都較香港抵,所以唔買宜係走寶喇!
 
有見及此,今次就為大家介紹幾個絕對值得去入貨嘅地方!
去到日本唔買「威」就走寶喇 – 日本買威士忌好去處!
 
 
某好受歡迎的Whisky推出左「機場特別版」,如果十分喜歡同欣賞個包裝同有大量銀彈嘅朋友歡迎大量入貨。
 
去到日本唔買「威」就走寶喇 – 日本買威士忌好去處!
  1. 係人都會去但可能無留意到嘅 – 激安の殿堂ドンキホーテ
相信去過日本嘅朋友都一定去過「ドンキホーテ」,全日本好多地方都可以見到佢,對遊客黎講佢最吸引嘅地方就係乜都有,仲會開到凌晨可以留返時間係半夜「ドンキホーテ」雖然唔係賣酒專門店,但勝在方便,仲可以夾埋其他嘢退稅。
 
去到日本唔買「威」就走寶喇 – 日本買威士忌好去處!去到日本唔買「威」就走寶喇 – 日本買威士忌好去處!
 
基本入門款式嘅日本威士忌都可以係到搵到,如爆晒人氣嘅響,山崎,白洲,余市,竹鶴等等一定可以搵到,雖然無年份居多,但如果你個日人品爆發,有機會可以用正常價錢買到響17/21, 甚至係山崎18年我都試過買到!記住去碰下運氣喇!除左日本威士忌外,蘇格蘭,美國波本等等都可以搵到,不過都係入門款式為主。
 
 
去到日本唔買「威」就走寶喇 – 日本買威士忌好去處!
2.  東京的美酒專門店 – 信濃屋 SHINANOYA
信濃屋係我每次到東京必去嘅酒類專門店,佢係東京有多間分店,而係橫濱都有一間。呢度嘅Whisky由日本,蘇格蘭,美國,加拿大等等都可以搵到,除左款色多之餘,仲可以搵到好多珍貴稀有嘅酒款如高年份的單桶酒(Single Cask)(蘇格蘭威士忌居多),佢地仲會定期推出一D同酒廠合作嘅「信濃屋特別版」作品,所以呢到絕對係Whisky愛好者嘅天堂。唯一個缺點就係無得辦退稅喇。
 
有次同店長傾開計,佢見我都係個識酒之人,佢仲免費請左我試左D珍貴稀有酒款(右圖:已係1996年倒閉連廠都拆埋嘅蒸溜所Glen Esk),同客人嘅關係好似酒友咁十分溫馨!
 
去到日本唔買「威」就走寶喇 – 日本買威士忌好去處!去到日本唔買「威」就走寶喇 – 日本買威士忌好去處!
左圖為信濃屋特別版嘅Tomatin Single Cask,右圖為店長請我試飲嘅Glen Esk 1984 By Cooper’s Choice。
 
去到日本唔買「威」就走寶喇 – 日本買威士忌好去處!
3.
 全日本都有分店的酒類連鎖店 – リカーマウンテンLiquor Mountain

 
如果唔係去東京嘅朋友都唔洗失望,「リカーマウンテン Liquor Mountain」幫到你!Liquor Mountain 係全日本有好多間分店,香港人經常會去嘅大阪,京都,名古屋等等都有好多間分店,雖然某啲分店Whisky款式比起信濃屋可能無咁多選擇,但係基本款嘅日本Whisky,或者特別少少嘅蘇格蘭Whisky都可以係到搵到。Liquor Mountain勝在多分店,而且部份分店仲接受退稅,所以都值得一去!
 
雖然係咁,如果你都係鍾情日本Whisky,想買返支少有嘅「響30」或者「山崎25」返去擺下嘅話可能以上嘅地方未必幫到你。如果搵唔到岩心水嘅日威,買返隻蘇威返去絕對係一個好選擇。
 
某啲日威已經變到可遇不可求,比你遇到而且唔係「炒價」的話你就唔洗諗咁多喇,Take my money! 
 
如果大家對揀Whisky有咩疑問嘅歡迎留言交流下~
 
 

+++++++++【樂天平掃日本貨】+++++++++
 
去到日本唔買「威」就走寶喇 – 日本買威士忌好去處!
coupon折扣優惠: 
滿物滿¥11,000,可享¥1,500優惠
滿物滿¥14,000,可享¥2,000優惠
滿物滿¥20,000,可享¥3,000優惠
外加必掃福袋,詳情請參考: www.likejapan.com/cymonbottom