因其溫暖氣候而獨有豐富自然美景，加上有包括「黑鑽石」之稱的黑豬肉等等美食，當然還有櫻島火山！ 這一切都是令這個九州最南端的鹿兒島廣受遊客歡迎的原因！今次就跟大家介紹一個4天的鹿兒島行程，當中除了必去的櫻島火山觀賞外，亦會跟大家去到指宿，由傳統露天溫泉到砂溫泉統統都試一次！
快速出發鹿兒島，立即預訂鹿兒島酒店：LikeJapan酒店預訂
Day 1：鹿兒島市內
快速出發鹿兒島，立即預訂鹿兒島酒店：LikeJapan酒店預訂
遊覽鹿兒島市內可以乘坐觀光巴士「City View」， 巴士行走路線如下：
鹿兒島中央站 ≫ 維新故鄉館前 ≫ 聖方濟公園前 ≫ 西鄉銅像前 ≫ 薩摩義士碑前 ≫ 西鄉洞窟前 ≫ 城山 ≫ 西郷洞窟前 ≫ 薩摩義士碑前 ≫ 南洲公園入口 ≫ 仙巌園(磯庭園)前 ≫ 石橋記念公園前 ≫ 鹿兒島水族館前(櫻島棧橋) ≫ 海豚碼頭前 ≫ 天文館 ≫ 鹿兒島中央站
在此推薦城山、仙巌園、石橋記念公園及海豚碼頭都是非常值得一去。車費方面每程為190日圓，所以如果預算會去多於2個地方，最好就使用City View Bus One Day Pass (成人600日圓，小童500日圓），可以於巴士上向司機購買，非常方便！
城山展望台
城山展望台可以看到到鹿兒島城市景及櫻島，由巴士站徒步前往城山展望台大約5分鐘，落車後有清楚標示展望台位置，所以不用怕迷路。
仙巌園
仙巌園依照日本築庭技法造園，行入去真是非常舒服，而且可以更近距離觀賞櫻島的霸氣（笑）。園內還有鹿兒島出名的薩摩切子及薩摩燒店舖，純手工的玻璃雕工藝品薩摩切子真是非常漂亮（心心眼）。
仙巌園＋尚古集成館
地址：〒892-0871鹿兒島縣鹿兒島市吉野町9700-1
開放時間：0830-1730
入場費：1000日圓
＊持City View Bus One Day Pass可到園內手信店內獲得紀念明信片一份
石橋記念公園
甲突川係鹿兒島市內有名嘅河流，中間有5條石橋被譽為「甲突川の五石橋」，不過93年一場豪雨洪水沖爛了其中2條橋，現在只餘下3條橋西田橋、玉江橋同高麗橋就是石橋記念公園。因此要去西田橋及玉江橋就要先經過西田橋及另一道橋。
海豚碼頭 Dolphin Port
由於海豚碼頭夜晚會有燈飾，影相超靚，所以可安排作首天的最後一站。而且碼頭有食肆及手信店，可以食晚飯再散步去天文館，步行時間約15分鐘。除此之外，其實鹿兒島市內有很多當地名人的銅像，同樣是打卡聖地。
Day 2：指宿
快速出發鹿兒島，立即預訂鹿兒島酒店：LikeJapan酒店預訂
Healthyland砂溫泉＋露天溫泉體驗
砂溫泉是指宿獨有的溫泉，由指宿站到Healthyland入口站車費要350日圓，車程約30分鐘。所謂砂溫泉就是整個人趟在砂中大約10-15分鐘，有改善神經痛、便秘等功效。由巴士站到砂溫泉大約要15分鐘。遊客只要換上浴衣，帶著毛巾，電話或相機，到室外就會有專人幫你將砂舖到身上，另外工作人員亦會幫你影相留念！大約10至15分鐘過後你就可以自己逃脫，然後到室內沖涼。
至於露天溫泉「玉手箱溫泉」就「Sell靚景」，分「洋風」及「和風」。「洋風」溫泉左邊可以看到竹山，右邊是大海，而「和風」就是海景加「薩摩富士」開聞岳。留意「洋風」單數日為男性專用、雙數日是女性專用，而「和風」單數日為女性專用、雙數日為男性專用。
＊注意：由玉手箱溫泉到巴士站需要一段時間，由砂溫泉行去就更加遠，建議大家要預時間去等車，因為錯過巴士的話要等的時間挺長的。
Healthyland溫泉
露天溫泉地址：鹿児島県指宿市山川福元3292（逢星期四休息）
開放時間：0930-1930
砂溫泉地址：鹿児島県指宿市山川福元3339-3（年中無休）
開放時間：0900-1730（9月至6月）、0900-1800（7-8月）
砂溫泉＋露天溫泉套票：1130日圓
毛巾：200日圓（可自備）
Day 3：霧島
由鹿兒島到霧島可以乘坐開往宮琦的特急きりしま到霧島神宮站。以下景點坐特急きりしま比較順路，另外亦有特急はやとの風（全車限定席），由鹿兒島中央站開往吉人，想去霧島溫泉的朋友記得留意。
快速出發鹿兒島，立即預訂鹿兒島酒店：LikeJapan酒店預訂
丸尾瀑布
JR霧島神宮站離神宮其實還有一段距離，即使坐巴士都要約15分鐘車程。這裡筆者選擇先坐巴士到丸尾站。先往丸尾站的丸尾溫泉及瀑布，落車後小編先到丸尾瀑布，由車站到丸尾滝只需要大約5分鐘，過對面然後向後行就到，中途有路牌清楚標示所在位置。
丸尾瀑布附近原本有個亭可以更近距離觀賞瀑布，不過現時已封閉並貼有注意落石警告，所以只可以在馬路旁邊欣賞瀑布（小心車輛），由於在火山區域，瀑布的流水都是熱的，附近都會有蒸氣，令瀑布變得好靚。
去完丸尾瀑布仲有時間可以行前少少到溫泉區，有戶外足浴（100日圓），覺得當地凍嘅朋友我建議一定要浸一浸，浸完後數小時我同朋友都覺得成個人暖晒
神話の里公園
下一站就係神話の里公園，由丸尾到神話の里入口車程約11分鐘。由於當日落雨，所以公園設施關閉，未能乘坐單人纜車（來回500日圓），聽朋友講纜車無任何安全帶，只有一條扶手，我諗坐定定應該無事嘅
遊客可步至觀景台，一場嚟到行番百幾二百級樓梯上去睇下先，景色都唔錯，係我鍾意嘅鄉郊地方呀
神話の里公園
地址：〒899-4201 鹿児島県霧島市霧島田口2583-22
開放時間：0900-1700
霧島神宮
嚟到霧島最後一站霧島神宮，由神話の里入口站到霧島神宮車程只需4分鐘。落車後都係向後行，經過一條小橋就會見到大鳥居，走旁邊的樓梯就可上霧島神宮，行過表參道，左手邊係觀景台，右手邊就是神宮。
霧島神宮係南九州最大的神宮，參觀神宮記得唔好錯過入面嘅一棵超過800歲嘅大樹。嘩！足足有25.3333個小編咁高
另外，霧島仲有高千穗牧場，不過因為巴士太少班次無去到，係鹿兒島市內亦可買到高千穗牧場的乳製品，我試左乳酪、牛奶咖啡同牛奶布甸，全部都推薦畀大家，其中乳酪有回購過兩次
Day 4：櫻島
快速出發鹿兒島，立即預訂鹿兒島酒店：LikeJapan酒店預訂
由櫻島渡輪碼頭（鹿兒島本港）坐船到櫻島大約15分鐘，全日24小時都有航班，白天平均15分鐘一班，所以錯過了也不用怕。聽講船上嘅鳥冬好出名，但由於我係關東煮控，喺行去碼頭途中見到Family Mart，忍唔住個陣香味買左關東煮喺船上食
當天由鹿兒島本港出發係4點幾，因為掛住行街比原本規劃嘅時間遲咗好多個鐘先出發，去到只乘坐櫻島觀光巴士遊覽咗櫻島嘅一小部分。
遊覽時間：1小時
櫻島觀光巴士路線如下：
櫻島港 ≫ 火の島めぐみ館 ≫ 櫻島彩虹酒店 ≫ 遊客中心 ≫ 鳥島展望所（巴士停5分鐘） ≫ 赤水展望廣場 （巴士停8分鐘） ≫ 湯之平口 ≫ 湯之平展望所（巴士停15分鐘） ≫ 櫻洲小學前 ≫ 櫻島港
赤水展望廣場
雖然無好多時間遊櫻島，但坐上觀光巴士尾班車卻有驚喜！正當黃昏時分，陽光剛好照向火山，無論影人定只影山景都唔會背光，反而好靚添
本來還想去東邊的「黑神埋沒鳥居」，不過看到日落將至，所以這次就沒有到訪。在一百多年前，因為一場火山爆發令黑神神社慘被埋沒，現只剩下鳥居的頂部 ，「黑神埋沒鳥居」。
總括來說，九州是個好地方！由於火山地區活躍，農作產物都好豐富，而且景色美麗，十分適合來旅遊。不過要留意了，鹿兒島市內大部分的商舖，包括商場的，大約都在晚上7時關門，想逛街的朋友就要預留多一天作購物用了。
圖片來源：
仙巌園
About Post Author
