【靚景遊】高山・北陸5日遊行程推介

【靚景遊】高山・北陸5日遊行程推介

【靚景遊】高山・北陸5日遊行程推介

 

上次同大家介紹完高山、北陸地區周遊券(傳送門),到底可以用佢去咩景點呢?今次就為大家推介一個高山、北陸5日行程,等大家用呢張PASS去睇靚景。

 

第一日:金澤(兼六園、金澤21世紀美術館、東茶屋街)

第二日:五箇山、白川鄉

第三日:高山(三町)

第四日:下呂溫泉

第五日:名古屋

 

第一日:金澤(金澤21世紀美術館、兼六園、ひがし茶屋街)

 

由大阪去金澤可以坐JR 特急雷鳥(Thunderbird)號列車,雷鳥是往返大阪及金澤的主要列車,途經新大阪、京都、近江今津、敦賀、武生、鯖江、福井、芦原温泉、加賀温泉、小松、金澤等等車站。車程大約2.5小時,不過由於唔同班次嘅雷鳥,停嘅站都會有少少差別,所以連車程都會有微妙差距,要坐雷鳥嘅朋友記得望一望個時間表啦。驚無位坐嘅朋友可以先到JR票務中心預約指定席。

【靚景遊】高山・北陸5日遊行程推介

金澤21世紀美術館

【靚景遊】高山・北陸5日遊行程推介

金澤21世紀美術館有6間收藏品室同8間特別展覽室,會定期舉行藝術展,包括金澤一帶市民嘅藝術作品。美術館入面最出名就係阿根廷藝術家Leandro Erlich嘅作品《泳池》,喺美術館嘅天窗加一層水同泳池扶手,遊客利用陽光折射,好似置身喺真嘅泳池一樣,港電視劇《最美麗的第七天》都曾經喺度取景。

【靚景遊】高山・北陸5日遊行程推介

美術館會喺星期一休館,如果去之前可以睇下官網(http://www.kanazawa21.jp/en/),唔駛去摸門釘。

 

金澤21世紀美術館

地址:石川縣金澤市廣坂1-2-1

開放時間:10:00-18:00(星期五、六開放至20:00)

入場費用:全免

交通手段:於金澤站乘坐以下巴士
路線巴士(路線バス)
城下町金澤周遊巴士(城下まち金沢周遊バス)
金澤市巴(まちバス)
兼六園穿梭巴士(兼六園シャトル)

 

 

兼六園

【靚景遊】高山・北陸5日遊行程推介

日本三大名園之一嘅兼六園,是具代表性的江戶時代大名庭園,迴遊式庭園有池塘、亭台茶室,四季有唔同植物可以觀賞,包括山茶花、櫻花、紅葉等植物,冬天雪觀一樣咁靚。

【靚景遊】高山・北陸5日遊行程推介

 

兼六園

地址:石川縣金澤市兼六町1-4

開放時間:(3月至10月15日)07:00-18:00,(10月16日至2月)08:00-17:00

費用:成人310円、兒童100円、65歲以上出示護照全免

交通手段:於金澤站乘坐以下巴士
路線巴士(路線バス)
城下町金澤周遊巴士(城下まち金沢周遊バス)
兼六園穿梭巴士(兼六園シャトル)

 

另外,兼六園會喺清晨時分開放畀公眾,如果你想慳番啲入場費,可以選擇朝早先去兼六園,詳細免費時間如下:

日期

免費開放時間

3月1日∼3月31日

5:00

4月1日∼8月31日

4:00

9月1日∼10月31日

5:00

11月1日∼2月底

6:00

去完兼六園,如果有時間,可以行埋隔離嘅金澤城公園,參觀河北門費用全免。

 

金澤城公園

【靚景遊】高山・北陸5日遊行程推介

金澤城係江戶時代加賀藩始祖前田利家官邸,由著名基督教大名高山右近指導興建,後來經過多次大火後重建變成現時嘅景觀。2008年被評為國家史蹟,宜家同兼六園成為金澤嘅地標公園,作為承傳石川縣歷史、文化同傳統嘅象徵。

 

金澤城公園

地址:石川縣金澤市丸之內1-1

開放時間:09:00-16:30

費用:河北門免入場費,菱櫓、五十間長屋及橋爪門続櫓:成人310円、兒童100円)

交通手段:於金澤站乘坐以下巴士
路線巴士(路線バス)
兼六園穿梭巴士(兼六園シャトル)
城下町金澤周遊巴士(城下まち金沢周遊バス)

東茶屋街

【靚景遊】高山・北陸5日遊行程推介

東茶屋街被日本選為「重要傳統性建築物群保存地區」,保留住傳統茶屋文化色彩。茶屋係指江戶時代藝技表演舞蹈、大鼓同三味線嘅娛樂場所,而東屋茶街就係金澤最出名嘅茶屋街,由幾條舊街道交織而成,至今仍然保留古色古鄉嘅傳統古街,喺街上會聽到三味線嘅琴聲。

金澤出名製造日本金箔,全國有98%嘅金箔都產自金澤,所以當地唔少產品都同金箔有關,金箔雪糕就係其中一種。

「箔一」係金澤生產金箔製品嘅傳統老店,店內共有兩種金箔雪糕,分別有成塊食用金箔鋪喺雪糕面嘅奢華版雪糕(891円)同有少量金箔碎同銀珠喺面嘅雪糕(450円)。

【靚景遊】高山・北陸5日遊行程推介

 

東茶屋街

地址:金澤市東山一丁目

交通手段:於金澤站乘坐以下巴士
路線巴士(路線バス)
城下町金澤周遊巴士(城下まち金沢周遊バス)

箔一東山店

地址:石川県金沢市東山 1-15-4

開放時間:09:00-18:00

 

如果大家用高山、北陸地區周遊券係唔包金澤市內巴士嘅,市內北陸鐵道巴士每程要200円,如果一日大家去晒以上景點,可以喺JR金澤站東門口對出嘅車站買北鐵巴士1日乘車券(500円),搭多過兩次就抵番晒。

【靚景遊】高山・北陸5日遊行程推介

 

第二日:五箇山、白川鄉

 

五箇山

【靚景遊】高山・北陸5日遊行程推介

因為五箇山一帶係大雪嘅地方,以前為左方便打掃積雪,所以興建人字屋頂嘅茅房,屋頂外形就好似雙手合掌嘅形狀,所以呢啲屋就稱為「合掌造」。喺五箇山有相倉同菅沼兩個合掌村莊,呢兩個村莊喺1970年就被日本列為國家史蹟,95年同白川鄉被聯合國教科文組織列為世界遺產(文化遺產)。

用高山、北陸地區周遊券喺新高岡站坐世界遺產巴士去「相倉口」同「菅沼」就去到,車程大約75分鐘。雖然呢兩個地方嘅合掌造冇白川鄉咁多,但勝在地方夠晒幽靜,畀人一種舒服寧靜嘅感覺。

【靚景遊】高山・北陸5日遊行程推介

【靚景遊】高山・北陸5日遊行程推介

喺相倉口站落車過對面,行呢條路入去就會到相倉合掌部落。

 

相倉合掌造り集落

地址:富山縣南礪市相倉

 

菅沼合掌造り集落

地址:富山縣南礪市菅沼

 

白川鄉

【靚景遊】高山・北陸5日遊行程推介

坐世界遺產巴士一樣去到白川鄉,由相倉口站到白川鄉站車程大約50分鐘。喺金澤出發,坐濃飛或北鐵巴士去亦得,車程約個半鐘。坐接駁巴士(每程200円)上觀景台就可以一次過睇晒白川鄉百幾間合掌造,場景非常壯觀!!!

【靚景遊】高山・北陸5日遊行程推介

白川鄉有全日本最多嘅合掌造,目前有113間,當中和田家係唯一一間被日本政府列為「國家指定為重要文化財產」,主屋部分地方對外開放,可以睇到呢種傳統居所嘅樣貌。

每年1/2月舉行嘅點燈活動更加係旅客至愛! 不過留意2018年開始出於人流管制,點燈期間展望台不得步行前往,而必須坐接駁巴士,而且要有整理券才能入場,整理券以當日入住白川鄉民宿者優先,都時出示訂房資料便可。(官方告示:http://lightup.asia/transportation/)
價格: 500日圓

整理券販售地點:JA駐車場

販售時間:16:30~售完為止

 

 

白川鄉合掌造り集落

地址:岐阜縣大野郡白川村荻町

前往方法:
1.由名古屋站前往:乘坐岐阜巴士高速白川郷線(車程約2小時50分/必須預約)
2.由高山站前往:乘坐濃飛/北陸鐵道巴士白川郷・金澤線/白川郷線(車程約50分/部分班次必須預約)
3.由高岡站前往:乘坐加越能巴士 五箇山・白川郷方面(車程約2小時/不須預約)
4.由金澤站前往:乘坐濃飛/北陸鐵道巴士白川郷・金澤線(車程約1小時15分/必須預約)

 

和田家

地址:岐阜縣大野郡白川村荻町997

開放時間:9:00-17:00

入場費:成人300円、小童150円

 

第三日:高山

三町古街

【靚景遊】高山・北陸5日遊行程推介

嚟到高山當然要去三町古街啦,由JR高山站步行大約10分鐘就到!呢度有「飛驒小京都」之稱,同金澤東屋茶街一樣被日本列為「重要傳統性建築物群保存地區」。古街仲保留住江戶時代嘅特色建築,喺度可以搵到唔少飛驒娃娃嘅同好正嘅飛驒牛美食。

飛驒娃娃

【靚景遊】高山・北陸5日遊行程推介

由白川鄉到高山都會見到一隻好可愛嘅娃娃,佢叫SARUBOBO(さるぼぼ),喺飛驒古語有「猿寶寶」嘅意思。飛驒娃娃係古時候當地媽媽整畀小朋友嘅護身符,頭同四肢都係紅色、再加上一塊菱形肚兜,因為佢係守護神所以就冇眼耳口鼻,永遠都係以「大」字形態視人,寓意小朋友可以好似馬騮一樣精靈活潑咁長大,宜家就成為高山地區受歡迎嘅手信之一。

飛驒牛

呢間飛驒こって牛寿司就係古街食飛驒牛嘅人氣壽司店,亦係食べログ話題食店,售賣最高級5等級飛驒牛。飛驒牛係歧阜縣產嘅黑毛和牛,脂肪比例較高且分佈均勻,肉質柔軟,我覺得係日本三大牛以外必試嘅和牛。

【靚景遊】高山・北陸5日遊行程推介

【靚景遊】高山・北陸5日遊行程推介

呢度一共提供4種飛驒牛壽司,包括

A:飛驒牛手握壽司(竹炭鹽及薑醬油味各一件)600円

B:飛驒牛軍艦兩件 700円

C:三種盛壽司(竹炭鹽、薑醬油味、軍艦壽司各一件)900円

X:飛驒牛拖羅壽司兩件 900円

由於太好味嘅關係,大家記得預番大約20分鐘時間去排隊。

喺古街除左可以搵到飛驒牛壽司,仲有串燒、可樂餅等多種飛驒牛美食,記得唔好錯過呢度啦。

 

 

飛驒こって牛寿司

地址:岐阜縣高山市上三之町34

營業時間:10:00-17:00

 

第四日:下呂溫泉

下一站就應該去日本三大名泉之一嘅下呂溫泉,呢度一共有42間溫泉旅館,大家可以喺度住番晚浸溫泉。

下呂溫泉係鹼性單純溫泉,無色透明,水質溫和,帶有微香,有消除疲勞、改善風濕痛症等功效。

【靚景遊】高山・北陸5日遊行程推介

係下呂溫泉街,隨處可見免費嘅足湯,最近JR下呂站就係モリの足湯,由車站行大約會分鐘就到,可以趁等車期間去浸一浸。

【靚景遊】高山・北陸5日遊行程推介

另外仲有其他有特色嘅足湯,就好似係白鷺の湯門前呢個維納斯足湯咁,足湯中間有一座維納斯神像,有份歐式感覺。

【靚景遊】高山・北陸5日遊行程推介

第五日:名古屋

名古屋城

【靚景遊】高山・北陸5日遊行程推介

名古屋城係江戶幕府德川家康興建嘅平地城堡,名古屋城中最出名嘅懸掛喺天守閣嘅金鯱,原本用作城堡防火符咒來裝飾大樑,後來就代表城主權利嘅象徵。

四季可以喺名古屋城嘅庭園欣賞到唔同嘅植物,春季有櫻花、山茶花、牡丹;夏季有紫薇、繡球花;秋季帶芙蓉花;冬季則有梅花。

 

名古屋城

地址:〒460-0031愛知縣名古屋市中區本丸1番1號

開放時間:09:00-17:00

入場費:成人500円、中學生以下免費

交通手段:
地鐵名城線 「市役所」 下車 7號出口徒步 5分
地鐵鶴舞線 「浅間町」 下車 1號出口徒步 12分

白鳥庭園

【靚景遊】高山・北陸5日遊行程推介

白鳥庭園係名古屋一池泉回游式庭園,以日本中部地區地形為背景,用「水的故事」做主題,用假山做御嶽山、河流為木曾川、池塘做伊勢灣,四季景色優美。去白鳥庭園交通好方便,由JR名古屋站乘搭東海道本線到熱田車站,再步行13分鐘左右就到。

 

白鳥庭園

地址:〒456-0036 愛知縣名古屋市熱田區熱田西町2-5

開放時間:09:00-17:00(最後入園時間:16:30)

休園日:逢星期一、12月29日至1月3日

入場費:成人300円、中學生以下免費

交通手段:
地鐵名城線 「神宮西」 下車 4號出口徒步 10分