邊個最Man?「一番男前」J家男星排行榜!

J家藝人靚仔多就係人都知,但云云型男帥哥入面唔好講話年紀,就算係大家走嘅路線都非常唔同~今次日本調查網站Goo就共500名男女網友黎投票選出佢哋覺得最Man嘅J家男藝人,一齊睇下你嘅心水有冇上榜啦!

小補充:根據「語源由来辞典」、男前嘅意思即係「男らしい顔つきや態度。男振りのよいこと。」如果話一個人靚仔英俊通常就會用イケメン,但男前嘅意思除咗話一個男仔個樣較man之外,比較貼近形容一個人「有男子氣概」。此文章都係用後者嘅含意。

1)岡田准一(V6)

榮登第一位嘅係V6嘅人氣成員兼實力男優岡田准一!

由出道當時開始便因深刻輪廓嘅型男面孔迷倒一眾粉絲。近年來專注影視活動,拎過幾次最佳男主角嘅佢係J家藝人較出名好演技嘅男藝人。眼大鼻高再加上爽朗笑容,而隨年齡增長更加開始散發男性嘅色氣,事業有成又靚仔,雖然身高差少少但卻擊敗同門其他型男獲得第一位!

2)長瀬智也(TOKIO)

身為TOKIO主唱嘅長瀨智也身高超過1米8,有一副啱啱好嘅好身材同非常野性嘅外表~日本人形容佢為「女仔會覺得好靚仔、男仔會覺得好有型」。出演過唔少經典劇集嘅佢又唱得又搞笑得,仲曾經同一代歌姬濱崎步拍過拖,紋埋情侶紋身都叫幾傳奇!今年38歲嘅佢亦擊敗後輩成功得到第二位呀!

咦?Sorry好似貼錯圖 補番張人地靚仔既喇

3)生田斗真

唔屬於任何組合嘅生田斗真自從出演日劇版《花樣少年少女》人氣爆升跑出後就靠拍戲喺日本藝能界殺出一條路,同岡田准一一樣屬於J家演技派代表。佢嘅五官同樣係輪廓非常突出,曾經唔少人以為佢係混血兒!正統派Ikemen(靚仔)嘅Toma就榮獲第三~


(呢個側臉真係無得輸!)

4)木村拓哉

5)東山紀之(少年隊)

6)松岡昌宏(TOKIO)

7)滝沢秀明(タッキー&翼)

8)山下智久

9)山口達也(TOKIO)

10)松本潤(嵐)

10名以下結果可參照來源:Goo Ranking